#6
|
||||
|
||||
رد: العربية سخنت وطلعت دخان ......
الدخان ده لو دخان فعلا(نتيجة احتراق) يبقى مش هاقدر افيدك لانى مش خبير للدرجة دى انما لو بخار وده بيبقى اخف من الدخان طبعا ولونه ابيض ناصع يبقى ده نتيجة تبخر المياه اللى حضرتك بتقول بتغلى فى القربة انا هاخلينى معاك فى نقطتين (نتيجه تجربتى) ممكن جدا يكون الدخان اللى هو بخار ماء فقط نتيجة تسريب المياه المغلية الخارجه من اى جزء من اجزاء دورة الرادياتير(القربة-الرادياتير-الغطاء-الوصلات) المفروض لو الدورة محكمة يبقى مهما زادت درجة حرارة المياه وضغطها ارتفع مايحصلش اى نوع من انواع (البخر) الخار النتج عن غليان المياه فى دورة التبريد وعلى حسب كلام حضرتك المتكرر عن نقص المياه او تبخرها تمام يبقى كده فى احتمال كبير بوجود تسريب فى الرادياتير او خرم او وصلة مش محكمة الربط وممكن جدا يكون فى خرم صغير جدا جدا مابينقطش لكن بيخرج المياه فى صورة بخار مش لحوظ حتى ومع الوقت والغليان طبعا الرادياتير بيفضى من المياه وبالتالى الموتور بيسخن جدا للدرجة اللى حضرتك بتلاحظها يستحسن تشوف موضوع التسريب ده عند متخصص النقطة التانية بتاعة المروحة زى ما الاخ الفاضل ehab62 قال فى سينسور حراره (تيرموستات) له درجات بيشغل عندها المروحة وبيفصلها مثلا لو السينيور ده درجاته ما بين 90 و80 يبقى لما الحرارة توصل 90 المروحة هاتشتغل ولما الحرارة تنزل 80 المروحة هاتفصل وترجع تشتغل عند 90 تانى وهكذا ومعدل الشرطة اللى اعرفة انها تساوى 10 درجات يعنى الشرطة اللى قبل النص(اللى هو 90) بيكون 80 واللى قبلها 70 واللى قبلها 60 (ده عندى مثلا) لو التيرموستات عندك 90/80 يبقى الحرارة مش هاتزيد عن 90 ومش هاتقل عن 80 والعربية دايرة طبعا ولو 80/70 يبقى المروحة هاتشتغل مابين معدل الحرارة فى الرقمين دول من المهم تتأكد ان فيشة المروحة متوصلة كويس لانها ببساطة ممكن تكون بتعلق يعنى ممكن تشتغل او ماتشتغلش واتأكد برضه من التيرموستات انه شغال وحاول تعرف مقاسة عالى 90/80 ولا واطى80/70 ؟؟؟؟ لان التيرموستات والفيشة(توصيلات المروحة) هم المسؤلين عن تشغيل وفصل عمل المروحة اللى هى عامل اساسى فى التبريد الى جانب احكام دورة الميه بدئأ من القربة وحتى دخولها الموتور والخروج منه مره تانية اسف على الاطاله لكن خد بالك من الحرارة كويس لانها تعتبير بمثابة روح الموتور وطالما مافيش طحينة فى الزيت او الميه يبقى ان شاء الموتور تمام لكن المشكلة فى دور التبريد بصفة عامة وده اللى بيؤدى للسخونة غالبا اتمنى اكون وضحت لحضرتك بعض الامور ودعواتى بدرج حرارة مثالية
__________________
صلى على رسول الله
--------------------- |
#7
|
|||
|
|||
رد: العربية سخنت وطلعت دخان ......
الف شكر يا استاذ ايمن
طب السؤال هو عادي ان امبير الحراره وانت ماشي تلاقيه قل عن الربع ويطلع عن الربع عادي بس في المعدل الطبيعي ولا لازم يكون ثابت طول الطريق |
#8
|
|||
|
|||
رد: العربية سخنت وطلعت دخان ......
يا شباب 6 مشاهدات بس
هو القسم ده ضعيف قوي كده |
#9
|
||||
|
||||
رد: العربية سخنت وطلعت دخان ......
فعلا عادى ان امبير الحرارة يطلع وينزل لان الموتور بيسخن ويبرد والمروحة بتشتغل وتقف والترحك ده بيكون فى المتوسط اللى حضرتك ذكرته من الربع للنص او من تحت الربع لتحت النص حسب التيرموستات اما لو الموشر ثبت معناه لاتبريد ولا حرارة وده غير منطقى بالمره ويبقى كده فى مشكلة فى الحساس(التيرموستات) او المؤشر نفسة فى التابلوه
__________________
صلى على رسول الله
--------------------- |
#10
|
|||
|
|||
رد: العربية سخنت وطلعت دخان ......
انا حقول لك تجربتى مع الدخان
بص لو الموتور جاب زيت من الوش مثلا فالزيت لما يقع على فرن الشكمان بيعمل دخان ويارب اكون افدتك |
|
|