نداء لكل مالكي الانجلون

انا هقول رايى مع احترامى لجميع الناس ومالكين السيارة انا بصراحة مش مقتنع بالعربية شايف ان الاسبرانزا محققة نجاح اكبر كما ان سعر الانجلون غالى اوى عليها فى حين الاسبرانزا a516 نفس الاوبشن ومتساوية معاها فى كل شى تقريبا وسعرها ارخص بكتييييييييير حوالى فرق 13000 الف

[hyundai2005]

بص ياسيدي ان ماقللتش من الجاك خالص بالعكس العربيه جميله جدا نيجي لنقاط الاختلاف :
1- الانجلون اوسع من الجاك من جوه عن تجربه للسيارتين
2-الانجلون 118 حصان عشان الcvvt والهيدرز المدمج مع الشكمان وده بعد وضعها علي جهاز التاننج
3- لما قولت الشنطه قدها 3 مرات ده للتمثيل لا فعلا حقيقيا هي الضعف دون مبالغه
4-الساوند في الانجلون افضل واسأل الاستاذ سيف يوم المقابله وهو مالك للجاك والانجلون كسحت ال m11 و الجاك بجداره وللعلم الاسطوانه اللي بنعمل التجربه بيها واحده اشتغلت في الانجلون وال m11 ولم تعمل في الجاك ؟؟؟؟؟
5-guide me home هي ميزه موجوده في المرسيدس s500 وهي عباره عن نظام يتيح لك بعد ركن السياره ولوفي مكان مظلم ان السياره تنير الطريق لك للمنزل حتي دخولك المنزل ثم تغلق الاضواء تلقائي
6-الاضاءه الالكتروني بمعني بمجرد حلول الظلام تضاء اناره السياره اتوماتيكي
7-الانجلون بها usb وميموري ريدر الجاك يو اس بي فقط
8-عداد العربيه 260 وعنها القدره باذن الله تجيبهم وانا اخر سرعه جبتها كانت 240 عالصحراوي ومرضيت اقرص زياده والثبات خرافي طبعا لان وزنها اكيد اكبر من الجاك
9-السموكات وهي الخلفات النيكل والاسود للفوانيس
10- الرينجات وهي الدواير المضيئه علي العدسات ودي غاليه جدا
11- المسافه بين اول العربيه والماتور 0.5 متر ومدعم بقضيب فولاز طبعا الجاك لا ومعظم العربيات لا وده عشان لاقدر الله في الحوادث تبقي الخبطه ابعد مايمكن عن الماتور وصالون السياره وده مهم جدا جدا جدا
12- التابلوه في الجاك انا قولت اجمل بلا شك
13- الايرباج موجود 2 فالانجلون بالاضافه الي شبكه فولاذ حوالين الصالون بالكامل
anglon (20).jpg
14- التصميم للجاك زي البي ام من الخلف الفئه لا اتذكرها بالظبط لاكنها نسخه منها
وفي النهايه انا لما قولت مافيش مقارنه كان علي اساس فئه السياره ليس الا فمثلا لا مقارنه بين المرسيدس s500 والبورش كارير وده طبعا مايقللش من اي عربيه منهم وبعدين والله الجاك زي العسل وعجباني جدا ولو حجيب عربيه كمان حجيب الجاك وفي النهايه اسف علي الاطاله واللي الغرض منها التوضيح فقط لا غير

[odaoda]

كلام جميل كلام موزون مقدرش اقول حاجة عنة

[hyundai2005]

المشاركة الأصلية كتبت بواسطة odaoda كلام جميل كلام موزون مقدرش اقول حاجة عنة

تسلم ياغالي

[amaboubakr]

جزيل الشكر للأستاذ هيونداي اللي مش عاوز يغير اسمه إلى انجلوناي على التقرير المفصل والممتاز عن الاوبشنز بتاعة العربية وجزيل الشكر للأستاذ اودا على ردوده الراقية اللي بحب اسمعها منه واللي دايما بتنم عن انه انسان محترم جدا وقمة في الذوق