كمبروسر الهواء المحمول... إستفسار عن تجارب؟؟؟؟؟

[zing0]

قدر الله و ما شاء فعل .... جرب تسد خرطوم الخارج بايدك .. و جرب تشغله ... شوفه حيرفع لغاية ضغط كام .. علشان لو مشتغلش .. احتمال يكون موتوره الكهرباء باظ .. او عاوز يتغير و شوفه بيسخن ولا لأ ربنا معاك

فكيته خالص و طلعت البستماللى جواه و الساكس بلف
لاقيت الجوانات بتاعته الله يرحمها و بينفس هوا, حاولت أفصلة جوانات من شنبر داخلى بس أول مأ أقفل تتفرتك
رحت عامله جوان من السيليكون الحرارى و قفلت و هو طرى, و زييت البستم, أول ما أشتغل و الزيت جه عالسيليكون اتهرى
عملتله سيليكون تانى و سخنت الجسم المعدن علشان السيليكون يشد و قفلت على كده
برضه لسه تعبان و المؤشر عالصفر حتى لما أوصله على الكاوتش, مبيقراش حاجه
أخيراً طلع حاجه مش فاهمها .....
كنت عامله سلك بمشابك كروكودايل , و السلك تقريباً نوع ردئ بدأ يتقطع فبقت الكهربا ماشية على شعرتين أو ثلاثة من اللى جوه السلك و باقى الشعر مقطوع و ده مأثر فى التشغيل !!!
المهم غيرته و ركبت المشابك على السلك الجديد 1م برضه و جربت , الحمد لله اشتغل بس المؤشر مش قارى صح (قارى 15 PSI) يعنى الفرده نايمة بس شكلها مش كده خالص.
و الخرطوم بتاع النفخ (الجزء اللى بيركب على البلف) أتكسر من جوه, مش عارف ايه بديل أو قطع غيار و لا مفيش.

[abokoko]

ان شاء الله يتصلح
حضرتك كنت شاريه بكام

عندى ال2 بستم امبارح الفردة كانت نايمه
وشغلته والاسره فى العربيه ( حمل ووزن على العربيه )
الكاوتش اتنفخ بس فى وقت اطول وكمان سخن جامد

[ahmed_eng2001]

المشاركة الأصلية كتبت بواسطة zing0 فكيته خالص و طلعت البستماللى جواه و الساكس بلف لاقيت الجوانات بتاعته الله يرحمها و بينفس هوا, حاولت أفصلة جوانات من شنبر داخلى بس أول مأ أقفل تتفرتك رحت عامله جوان من السيليكون الحرارى و قفلت و هو طرى, و زييت البستم, أول ما أشتغل و الزيت جه عالسيليكون اتهرى عملتله سيليكون تانى و سخنت الجسم المعدن علشان السيليكون يشد و قفلت على كده برضه لسه تعبان و المؤشر عالصفر حتى لما أوصله على الكاوتش, مبيقراش حاجه أخيراً طلع حاجه مش فاهمها ..... كنت عامله سلك بمشابك كروكودايل , و السلك تقريباً نوع ردئ بدأ يتقطع فبقت الكهربا ماشية على شعرتين أو ثلاثة من اللى جوه السلك و باقى الشعر مقطوع و ده مأثر فى التشغيل !!! المهم غيرته و ركبت المشابك على السلك الجديد 1م برضه و جربت , الحمد لله اشتغل بس المؤشر مش قارى صح (قارى 15 PSI) يعنى الفرده نايمة بس شكلها مش كده خالص. و الخرطوم بتاع النفخ (الجزء اللى بيركب على البلف) أتكسر من جوه, مش عارف ايه بديل أو قطع غيار و لا مفيش.

الله يكون فى عونك ....
ممكن حضرتك تجرب حاجة تانية .... حط جملكة بدل السيلكون و جرب
فيه الجرنجريد و ده ممكن تجربه و تعمل منه جوان

بس اهم حاجة ... الموتور الكهربا شغال .... لأن فى الغالب ده هو الى بيبوظ

[الهيثم999]

اشتريت واحد 2 بستم من عشرة أيام .. من على النت سوق دوت كوم .. ثمنه حوالي 314 جنيه .. قومت النهاردة أركب العربية لقيت الفردة نايمة .. ثلث ساعة على البطارية ولم تتحرك العجلة بل لم تشعر به .. تجربة فاشلة .. وربنا يعوض علينا في القروش اللي دفعناها .. وده كمان غير ثمن الشحن ..

[zing0]

اشتريت واحد 2 بستم من عشرة أيام .. من على النت سوق دوت كوم .. ثمنه حوالي 314 جنيه .. قومت النهاردة أركب العربية لقيت الفردة نايمة .. ثلث ساعة على البطارية ولم تتحرك العجلة بل لم تشعر به .. تجربة فاشلة .. وربنا يعوض علينا في القروش اللي دفعناها .. وده كمان غير ثمن الشحن ..

يعنى الكمبروسر شغال بس مبينفخش؟
طيب جربه من غير متركبه فى الكاوتش, بيطلع هوا قوى و لا لأ؟
لو الموتور شغال بس مبينفخش, يبقى يتفك و يتراجع و يتقفل تانى.
أعانك الله