أشترى رينو لوجان ولأ BYD f3

[ابو هيما]

المشاركة الأصلية كتبت بواسطة sehsss اللوجان قطع غيارها أغلى بكتير عن byd

أولأ ً كل عام وحضرتك بخير , ثانياً : أنا ولله الحمد مش فارق معايا خالص موضوع أسعار قطع الغيار لأنى أكيد مش هقعد أبدل ليها كل يوم قطعة .. أنا اللى هيفرق معايا أن العربية تستحمل معايا البهدلة فى السفر ويكون تقفيلها كويس وتكيفها تمام وكمان ما تتعبنيش فى المستقبل , يعنى مش عاوز ولأ نتش ولأ عض فى الفتيس وقلة أدب وأهمال من التوكيل أثناء الصيانات الدورية, وعلى فكرة أنا مغرم بسواقة المانيوال عن الأتوماتيك .

[prince20055583]

اكيد الزيرو بيكون افضل كتير من المستعمل ولو فعلا ببلاش و العربية اللوجان فعلا ممتازة و توكيلها محترم عن تجربة ناس كتير اعرفها معاهم نفس العربية .... لكن لكن لكن لو حاطط خطة انك تاخد خير العربية مدة 3 سنين بس وتبيع يبقي اتوكل علي الله و هاتها ... لكن لو عربية العمر يبقي لازم تتاكد من اسعار قطع الغيار لانها مممكن تكرهك فيها جدااااااااا و خاصة ان العربية كمان سوقها ف المستعمل مش مطلوب اوي زي اللانوس مثلا و الفيرنا .

[mostafa mamdouh]

BYD ,SPERANZA A516 ,SPERANZA M11
كل العربيات ديه افضل من اللوجان

[Daewoo_Lanos]

المشاركة الأصلية كتبت بواسطة ابو هيما أشكر حضرتك على الرد وكل عام وأنت بخير , بس على فكرة أنا مابتعجبنيش اللأنسر 1300 بحس أنها ضعيفة جداً لانى كنت جربتها قبل كده وسقتها من واحد صاحبى وكانت مش قد كده وبالأخص مع التكيف فى الحر .. غير كدة بقى , أنا بكره أجيب مستعمل من أى حد .. توبة ويغور المستعمل حتى لو ببلأش !!!!!!!!!!!!!!

و حضرتك طيب , هى العربية راحة فلو فعلا مش مستريح فى الاستعمال ابعد عنة , انا شايف من تعليقات حضرتك انك ميال اكتر للوجان , ربنا يوفقك و تلاقى العربية اللى تريحك..

[ابو هيما]

المشاركة الأصلية كتبت بواسطة prince20055583 اكيد الزيرو بيكون افضل كتير من المستعمل ولو فعلا ببلاش و العربية اللوجان فعلا ممتازة و توكيلها محترم عن تجربة ناس كتير اعرفها معاهم نفس العربية .... لكن لكن لكن لو حاطط خطة انك تاخد خير العربية مدة 3 سنين بس وتبيع يبقي اتوكل علي الله و هاتها ... لكن لو عربية العمر يبقي لازم تتاكد من اسعار قطع الغيار لانها مممكن تكرهك فيها جدااااااااا و خاصة ان العربية كمان سوقها ف المستعمل مش مطلوب اوي زي اللانوس مثلا و الفيرنا .

شكرا لحضرتك بس بالنسبة لموضوع عربية العمر ده فمعتقدش أن أنا من النوع اللى ممكن حاجة تقعد معاه لأكتر من سنتين وبعدين ياسيدي يا مين يعيش , أنا اللى عاوزه من أى عربية انها تستحمل معايا الفرك فى السفر والمشاوير الطوالى ويكون التكيف تمام .. فهل اللوجان هأتطلع راجل وأد المسؤلية ولأ هأ تقولى لأ ياعم مش لأعبة معاك ورجعنى مكان ما جبتنى