مساعدة من مالكى رينو سينيك (للأهميه)

[ah.ar77]

السلام عليكم ورحمةالله وبركاته الأخوه الأعزاء أنا لاحظت ان مفيش موضوع متناول الرينو سينيك بالشرح والتفصيل الوافى اللى يفيد اى حد بيجمع معلومات عن السياره علشان يقدر ياخد قرار الشراء ولذلك فكرت انى أعمل موضوع وأرجو من كل واحد عنده العربية دى يدخل ويكلمنا عنها كالتالى

1. موديل عربيته كام والموديل ده نزل من سنة كام لسنة كام
2. المحرك من حيث قوته بالحصان وعزمه ونوع البنزين وصوته ومعدل استهلاك البنزين
3. العفشه من حيث القوه والنعومه والثبات
4. الصالون من حيث الوسع والراحه والكماليات ومتعة القياده
5. اسعار قطع غيار العربية ودى مهمه جدا لأن كل الناس بتخاف من الرينو علشان قطع الغيار وهل هى متوفره ولا لأ وعمرها الأفتراضى أخباره ايه
   
6. يا ريت كل واحد ينزل صور لعربيته لو أمكن
7. أفضل ان اللى يكتب كلمه فى الموضوع ده يكون فعلا مالك للسيارة دى مش واحد سامع عنها علشان المعلومات تكون معلومات حقيقية ومن واقع خبره
8. كل واحد يقولنا تجربته مع العربيه ورأيه فيها ايه بصراحه (مميزاتها وعيوبها)
   
9. اى حد عنده معلومات أكتر من كده يا ريت مايبخلش بيها علينا
10. أفضل موديل فيها هو بتاع سنة كام
    

[shamssad]

السلام عليكم انا معايا سينيك موديل 2003 اخر الشكل (1) كامله اوتومتك موتور 1600 الكماليات ( اوتومتك و تكييف و بور و 4 زجاج كهرباء و مرايات كهرباء و تحكم الكاسيت من الطاره و تلاجه و 6 ارباج و 7 اماكن لاختفاء الاشياء و مفتاح ريمود و فوج ليت و سبويلر خلفي و مساحه خلفيه و سنتر و جنوط اسبور اصلي و 5 مساند راس و مسند يد في كرسي السائق و الكنبه الخلفيه عباره عن 3 كراسي يمكن طيهم و يمكن تحركهم الي الامام و الخلف و و يمكن شيل الكرسي الوصطاني و تحريك الكرسيين بجانب بعض و بزالك يكون الكرسيين متحركيين مثل كراسي الطائره و حامل اكواب و اطعمه في ظهر الكراسي الاماميه و امكانيييييييات كتير ممكن فيما بعد نتكلم فيها و ارجو انضمام ملاك السينيك الي الجرووب و انا تحت امركو في اي شياء

[ah.ar77]

المشاركة الأصلية كتبت بواسطة shamssad السلام عليكم انا معايا سينيك موديل 2003 اخر الشكل (1) كامله اوتومتك موتور 1600 الكماليات ( اوتومتك و تكييف و بور و 4 زجاج كهرباء و مرايات كهرباء و تحكم الكاسيت من الطاره و تلاجه و 6 ارباج و 7 اماكن لاختفاء الاشياء و مفتاح ريمود و فوج ليت و سبويلر خلفي و مساحه خلفيه و سنتر و جنوط اسبور اصلي و 5 مساند راس و مسند يد في كرسي السائق و الكنبه الخلفيه عباره عن 3 كراسي يمكن طيهم و يمكن تحركهم الي الامام و الخلف و و يمكن شيل الكرسي الوصطاني و تحريك الكرسيين بجانب بعض و بزالك يكون الكرسيين متحركيين مثل كراسي الطائره و حامل اكواب و اطعمه في ظهر الكراسي الاماميه و امكانيييييييات كتير ممكن فيما بعد نتكلم فيها و ارجو انضمام ملاك السينيك الي الجرووب و انا تحت امركو في اي شياء

شكرا يا باشا لرد سيادتك بس أنا كنت باقترح ان سيادتك ترد على النقاط اللى فى الموضوع نقطه نقطه حتى نستطيع عمل موضوع متكامل ولو سيادتك عندك اى اضافات تانيه غير اللى مكتوبه أفدنا بها

[shamssad]

هو ليه جضرتك عامل الموضوع ده و مالتلناش اي حاجه عن عربيه سعتك

[ah.ar77]

المشاركة الأصلية كتبت بواسطة shamssad هو ليه جضرتك عامل الموضوع ده و مالتلناش اي حاجه عن عربيه سعتك

يا باشا أنا مش معايا عربية حاليا وكنت بافكر فى اللوجان ولكن شفت اعلان للسينيك فعجبتنى كمالياتها وتقفيلها من صور الاعلان ودى كانت اول مره اخد بالى من السينيك فبدأت أبحث فى المنتدى علشان أعرف معلومات عنها فلم أجد أى موضوع ليها علشان كده سيادتك تجدنى كاتب نقط كتير فى الموضوع بحيث انى أقدر من خلال الردود على النقط دى أخد قرار الشراء وفى نفس الوقت أكون وضعت أساس لموضوع يستفيد منه كل من يفكر فى هذة السيارة من باب ( الدال على الخير كفاعله )