أستفسار بخصوص الفسبا الأوتوماتيك

ممكن اعرف نظام الفسبه ديه ايه يعني بتتساق ازاي لاني نفسي اجيب واحده بس مبعرفش انقل سرعات ومحتاج واحده اتوماتيك بس عايز اعرف بتعمل كام وهل ليها صيانه وقطع غيار متوفرة ولا لا

[abo mostafa]

المشاركة الأصلية كتبت بواسطة corsair ممكن اعرف نظام الفسبه ديه ايه يعني بتتساق ازاي لاني نفسي اجيب واحده بس مبعرفش انقل سرعات ومحتاج واحده اتوماتيك بس عايز اعرف بتعمل كام وهل ليها صيانه وقطع غيار متوفرة ولا لا

هيا سواقتها سهله خالص علشان ناقل السرعات فيها اتوماتيك
يعنى كل الى انت حتعمله تدوس بنزين تمشى تدوس فرامل تقف
وانا شوفت واحده عند تريدكو الصياد 150 cc
عامله 5600 جنيه
بس انا كنت عاوز اشوف موديلات تانيه لان الى عند تريكو الصياد هو موديل واحد بس
وطبعا انت شايف الصور عامله ازاى لو الواحد يلاقى الموديلات دى فى مصر تبقى 10\10

طب والله كويس تسلملي يا غالي وسعرها ممتاز بس هي فيها شكل من اللي في الصور ديه ولا شكلها عامل ازاي يا زعيم معلش طولت عليك

لاني ان شاء الله ناوي اشتري واحده واريح العربية عندي شوية

[حبيب الناس]

الاشكال ده كان بيبيعها ابو حوا اللي في بولاق من حوالي سنتين وانا كنت مشتري واحده من عنده بس كل اللي عنده صيني ممكن تروح وتسئل عليه هوا قريب من موقف الترجمان او ممكن تزل شارع 26 يوليو عند الطلعه بتاعة كوبري 15مايو هناك محلات موتسيكلات صين كتير وهتلاقي اشكال كتير ومختلفه وممكن تخرم من هناك لحد ابو حوا وتبقي لفيت المنطقه كلها وشوفت كل المحلات الخاصه بالموتسيكلات الصين

[abo mostafa]

المشاركة الأصلية كتبت بواسطة corsair طب والله كويس تسلملي يا غالي وسعرها ممتاز بس هي فيها شكل من اللي في الصور ديه ولا شكلها عامل ازاي يا زعيم معلش طولت عليك لاني ان شاء الله ناوي اشتري واحده واريح العربية عندي شوية

يا باشا فى احد ردودى فى الصفحه الاولى انا حاطط لنك لصورة الفسبا