12 ساعة قبل الشراء

[aymanlaw]

المشاركة الأصلية كتبت بواسطة moha4tec السلام عليكم انهارده شفت يوم ......................... . مش عايز اغلط لان مش لاقى كلام يعبر و لا يوصف اللى مريت بيه. انا اتنصب عليا علنى يا رجاله عينى عينك ,و الا بلاش نسبق الاحداث ,انا هحكيلكم و انتوا تحكموا بنفسكم . عربيتى سيراتو هاى لاين 2010 ,بعملها الصيانه فى مواعيدها ,و كمان بعمل صيانه كل 5000 كم و بنزل زيت العشر تلاف على 5 الاف (نضافه و حرص )و بحافظ على العربيه على قد ما اقدر و اكتر من نفسى و الله لانى بحبها جدا جدا و مشترى ضمان من شركة AAA تريبل اه,ودافع 1500 جنيه ضمان سنتين او 40000 كم ,و كله تمام , #كنت بعمل صيانتى ال 1000و 5000و10000 فى مركز تابع لشركة الضمان و هو توكيل هيونداى اللى تحت الدائرى بتاع دار السلام او الزهراء.و لما اكتشفت مشكله هما عملوها و هى كالاتى . (((بالصدفه )))بنضف الموتور بالهوا فصحبى قالى متشوف الزيت قد اه و شيك عليه بالمره ,قولتله يا عم فى التوكيل قالولى متفتحش الكبوت خالص الا لما تجيلنا و كون مطمن جدا جدا ,شغلنا 100%. المهم بشوف الزيت ملقتش هههههههههههههه,قلت انا شكلى كده حمار و مش عارف اقيس الزيت كويس لانها اول مره فى حياتى و كده و قلت اروح للتوكيل بس الوقت كانت الساعه 8 بليل و التوكيل قفل,المهم رحنا لميكانيكى معرفه , قاس الزيت لقاه مفيش بردو ......رفع العربيه لقاها غرقانه زيت من تحت كلها تحت الموتور و الشاسيه.قولتله اه اللى حصل ,قالى لازم تملا زيت و تغير فلتر بسرعه دلوقتى و فعلا ده اللى تم .و قلتله العيب منين قعد شيك على العربيه كلها و قلب الموتور حته حته و اكتشف المشكله الحمد لله , قال اه فلتر الزيت مخروم ههههههههههههههههههههههههه ههههههههههههههههههههههههه ههههههه و التسريب منه ووراهولى بنفسه و اتاكدة من كلامه ,و قالى ده بسبب ان اللى ربط فلتر الزيت فى التوكيل ربطه بمك و ربطه جامد جدا,و قالى كده غلط جدا جدا و هو من كتر التقريط خرمه بالمفك .و الكلام ده كذا واحد تانى اكدهولى لما حكيتلهم و قالولى ربط فلتر الزيت لازمله عده مخصوصه و مش موجوده عند حد فبيستسهلو ا و يربطوا بمفك او حاجه زى البنسه كده كبيره و هى اللى تعمل كده .و لكن البديل انه يغير الزيت و يركب الفلتر بوقرط عليه بورقة صنفره و بس خلاص بايده من غير حاجه هيمسك كويس جدا , المهم و كل ده الحمد لله العربيه كانت بتسحب و تجرى و لا الهوا و لا كان فى مشكله اصلا .سبحان الله ,لان هو تقريبا نزل زيت كتير بس مش كله و ده ستر ربنا و لانه ملحقش و الموضوع اتعرف صدفه. رحت تانى يوم الصبح التوكيل ,و ما كان منهم الا انهم وبخوا العامل اللى كان بيرط الفلتر ,و المهندس قالى روح اغسل الشاسيه كويس فى البنزينه و تعالى نشوف العيب فين عشان اعرف احدد على نضافه, روحت و جيت و رمانى على تانى يوم عشان مواعيد الشغل قربت تنتهى و معاهم شغل كتير المهم رحت تانى يوم و الحمد لله مفيش تنقيط او تسريب او الهوا و قاس الزيت لقاه مظبوط و كله تمام . و مشيت و قعدت اتحايل على المدير انه ميازيش العامل ,تقريبا عيشه كان هينقطع. المهم و قلت مش هروح هناك تانى لانهم شكلهم مستهترين و مش تمام و الصيانه بتاعتهم طسلقه و اى كلام. #رحت لمركز تانى كيا سيرفيس المعادى ,لان هو ده اللى انا عامل الموضوع بسببه ,و هو ده لب الموضوع, لما رحتله بصراحه كنت رايحله فى مشكلة دراع النور اللى السيراتو كلها بتعانى منها ان الشبوره بتفصل و يقولك الدراع عاوز يتغير و كده ,المهم بعتنى صاحب شركة الضمان ليهم ,بعد ما كان عاوز يدينى دراع نور مستعمل و متصلح على اساس انه جديد و ياخد بتاعى كمان ههههههه,المهم رحتلهم و فكوا الدراع و صلحوه ,سبحان الله و مكملوش 5 دقايق بالعدد بجد ,اتارى انهم بيغيروا حاجه اسمها كونكتور فى الدراع (حاجه كده زى الفيوز )و هو رخيص اصلا جدا .و طبعا مدفعتش حاجه عشان تبع الضمان و كده. و شوفت ان المركز نضيف جدا و على مستوى و باين ان الناس فاهمه كويس اوى فى الكيا و حتى صاحب المركز معاه سيراتو كمان و هما شغالين فى الكيا فقط. عملت صيانة ال 15,و قالولى ان جوان الايدل لازم يتغير ,عشان هيفرق معايا فى السحب و توفير البنزين اللى كل السيراتو بتشتكى منها و بيتغير كل 10000 كم ,قولتله غيره قام ضايف 25 جنيه على الفاتوره(و لما سالت فى توكيل محمد زكى و كذا مكان و صديق قالولى انه مبيتغيرش ,الا لما يتقطع من غباوة اللى بيفكه غير كده لا ,و ان ده نصب عشان ياخد فلوس و مبيغيرش حاجه خالص ) ,و فى كذا واحد راح المركز ده و اتنصب عليه فى الحوار ده و هما اعضاء معانا فى المنتدى ,و كل ده و انا زى الباشا رحت تانى اعمل صيانة ال 20 الف الملاحظات بعد صيانة ال 15 الف عندهم , السحب ضعف جامد و التيل ماسك و الاستهلاك عالى و الثبات فى الضياع,بتعوم ,عملت منى دريفت على 170 كم /ساعه و كنت هموت و الحمد لله.و طبعا انا شكيت فى نفسى .و مش فيهم لانى كنت مقتنع بيهم اوى و اتوهمت باسلوب الكلام و حركة الدراع لما صلحوه و نضافه المكان و الاستراحه. المهم رحتلهم فى رمضان بشتكى من الحجات اللى فاتت و من حجات تانيه كمان و هو الفرامل مش تمام و مش زى زمان .و العربيه بتكركر على ار بى ام 1000 او 1200 فى الصلانسيه او واضحه اوى لما اشغل التكييف و ازود سنه بنزين . و لما رحتلهم الساعه 10 الصبح قالى ان فى 9 عربيات قبلى ؟؟؟؟؟؟؟؟؟ و كنت مستعجل بصراحه و جيت لهم يوم تانى و نفس الكلام , فمشيت طلعت من عندهم لقيت ميكانيكى و سالته لان المنطه كلها ورش و شغل كتييييييييييييير اوى .كنت عاوز حد يشوفلى البوجيهات و كده .المهم لحظى الحلو و قعت فى واحد كده 100% فتح الموتور و بص على كل صغيره و كبيره و قال الاتى العربيه محتاجه بوجيهات جديده لان اللى فيها باظوا من الحرق الزياده نتيجه لتغير اللبنزين من 92 الى 95 الى 92 و ده غلط على البوجيه و لازم اثبت نوع البنزين اللى داخل عليه(فعلا انا عملت كده و كنت فاكر انى بفوق و انضف العربيه بكده) و محتاجه طقم تيل امامى لان اللى فيها خلاص فاضله 4 الا كم و يخلص و كان فاضل فيه حوالى التلت فقط مش النصف قمت بشراء التيل الاصلى من توكيل محمد زكى فى القطاميه ب 485 شامل الضريبه و شراء بوجيهات ngk اصليه من توكيلها فى شارع الحريه فى المعادى و تم تركيبهم و نضف دورة الهوا و البنزين(و نزلوا وساخه كتير) و راجع على السوائل و نضف الموتور كله بالهوا و عمل شغل حلو اوى بصراحه و سريع .و ربط عفشه النتيجه : العربيه بقت انعم فى المطبات و الحفر و لا كانها جنط 15 او حتى طاسات ,السحب رهييييييييييييييب بسم الله ما شاء الله مش عارف اسيطر عليها بالنسبه للاول ,صوت الموتور هدى جدا جدا حتى تحس انك مش مدور الموتور ,عاوز اقولكم ان العربيه بقت بتسحب حلو من غير ما اقرص عليها و صوت الموتور هادى جدا ,استهلاك البنزين اتحسن عن الاول بس لسه عاوز كمان .صوت الكركره قل بس موجود و قالى عاوز بليتن شداد التكييف يتغيرو بعد الكشف عليهم بالعصايه بتاعته المهم سافرت و رجعت و قلت لازم عشان مخرجش برا الضمان اروح اعمل الصيانه عندهم وبلمره اشوف حل لموضوع الكركره ده عندهم و كده و قبل ما اروح ليهم ب ربع او نصف ساعه عديت على توكيل زيت كاسترول اللى فى نفس المنطه و غيرت زيت كاسترول ماجنيتك 10000كم ب 195 جنيه (و الله ما خد منى مليم لانه قالى تغيير الزيت مجانى ,و عاوز اقولكم نضافه ملهاش حل و كمية ادوات و عده جميله جدا تحس انك فى توكيل فرارى ,و راجل فاهم جدا و لو شفته و اتكلمت معاه تحس انك بتكلم واحد خريج جامعه امريكيه و هو كمان بسم الله ما شاء الله معاه بى ام ,و نضيف و امين اوى فى شغله) رحتلهم و انا مغير زيت و فلتر و بوجيهات و تيل امامى و فلتر تكييف و فلتر هوا كا اند ان مكان الاستوك المستطيل . يعنى هما هيعملوا الاتشكات العاديه +ملاحظات السحب الضعيف +الاستهلاك العالى للبنزين +مراجعه على الفرامل ) و كان الاتى قالى مطلوب تغيير تيل فرامل خلفى +فلتر تكييف +فلتر هوا +بوجيهات.و مش فاكر اه تانى ...هههههههههههههههههههههه ههههههههههههههههههههههههه ههههههههههههههههههههههههه هههههه (و اعدت اغنى اغنيه رجعت لنقطه الصفر من تانى ههههههههههه) قلتله انا مغير بوجيهات من 10 ايام اصلى من التوكيل بتاعها ,قالى مرطبه و بايظه وورانى بوجيه منهم ,و قالى التيل الخلفى عاوز يتغير قلتله وريهولى قالى انا قفلت خلاص,و قالى فلتر التكييف عشان لونه بقى رمادى يبقى لازم يتغير قولتله ده جديد بس عليه تراب و اخدو 150 مصنعيه للاتشيك العادى لانهم مغيروش حاجه. المهم قلتله متغيرش حاجه و خليته نضف فلتر التكييف ,و مشيت روحت على الميكانيكى اللى غيرلى الحجات ,و خليته يفك التيل الخلفى و البوجيهات ......و يبصلى على العربيه ,و المفاجاة اه بقى ؟؟؟؟ ههههههههههههههههههههههههه ههههههههههههههههههههههههه ههههههههههههههههههههه تيتتتتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتت التيل الخلفى زيرو لسه بشوكه و سليم جدا ,و البوجيهات كذلك ,و العربيه محدش عمل فيها حاجه اصلا . رجعت ليهم كان الساعه خلاص 10 و كسر و الناس كلهم بيمش و بيقفلوا لقات فى وشى البنى قادم الرخم اللى بيقتم عليا و دحك عليا و قالى التيل و البوجيهات ,و قلتله انى كشف عليهم و لقيتهم سلام و مفهمش الهوا. اتلغبط و اعد يحور و فهمت منه انه اصلا مبصش على التيل اصلا و لا البوجيهات و لا الهوا ,و لفات واحد من الاداره جى لقات الواد بيتوه الكلام و قلت بلاش اقطع عيشه و ربنا ستر ؟؟ السؤال بقى انتوا رايكم اه فى تصرفاتهم معايا و رايكم اه فى تصرفى معاهم انى كنت مش عاوز اعملهم مشكله و لا عاوز اقطع عيشهم ,مع انهم نصابين ؟؟ و كمان لو هروح اخد حقى اعمل اه بالظبط ؟و يا ترى كل واحد فيكم كان هيعمل اه لو كان مكانى ؟ حسبى الله و نعم الوكيل .منهم لله الظلمه

الحل الوحيد إن تحاول ان تجمع اكبر عدد ممكن ممن تعاملوا مع هذا التوكيل وتتحدوا معاً فى عمل محضرضد هذا التوكيل فى قسم الشرطة التابع له كل منكم بما واجهه من مشكلة ثم الذهاب الى جهاز حماية المستهلك وعمل نفس المحاضر ويجب ان يذهب كل منكم فى ميعاد او يوم مختلف المهم ان تنهال عليه سيول المحاضر والشكاوى منكم كمضرورين وياريت ان تأتى بلميكانيكى الخاص بك ليؤكد على ان ماقام به التوكيل من اعمال كان القصد منها الغش والسرقة وتعريض حياتك للخطر فيما صدر منه من إهمال متعمد كاد ان يعرض حياتك لخطر مميت والعياذ بلله وايضاً يفعل الأخرين ذلك,واذا تم هذا الموضوع بتنسيق وترتيب منظم سوف تأخذون حقكم منه بدعوى تعويض عما اصابكم من ضرر مادى متمثل فى السيارة وما صرف عليها هباء منثوراً وما كان سوف يصرف اكثر من ذلك لولا ستر الله عزوجل واكتشافكم سوء نية هذا التوكيل وضلوعه فى جرائم يعاقب عليها القانون وضرر معنوى فيما تكبدتوه من ايلام نفسى