استفسار هام وارجو الرد ضرورى عن سياره لادا 2105 ؟

[mr_astra]

واخدة خبطات كتيرة
طب العربية فبريكة من برة وصاحبها مش عاوز يرشها لانها فبريكة برة ولا مرشوشة قبل كدة

وفبر الاكصدامات دة تافة جدا الدوفر الواحد بحوالى 10 جنية يعنى لو الاربعة مش موجودين اصلا بـ 40 جنية
ولو عملنا الخبطات واترشت ممكن تتكلف 1000 ولا حاجة
اعتقد بالوصف بتاعك العربية كويسة

ولمبة الانجكشن مفروض تطفى اول لما الموتور يشتغل
اشترط على صاحب العربية انة يسلمهالك اللمبة طافية

[عبد الرحمن البدرى]

هيا كانت رشه حزام قبل كده لان فى خبطه جنب الفانوس اللى ورا على اليمين فى الصاج مفعوصه لجوا شويه ودى هتترد وتاخد زرجينه اكيد لكن السقف ما رشش ابدا لكن فى فعصه فى اخره من ورا كده حاجه بسيطه اوى يعنى لكن الجوانب هتترش كلها وهتعوز الشبكه اللى قادم بين الفانوسين يعنى قول العربيه هتدخل فى 1500 مصاريف بس هو ماسك فى سعر 25 الف جنيه
لكن اللى قلقنى موضوع لمبة الانجيكشن

العربيه عاجبانى فعلا من الحوض والشنطه ما شاء الله زيرو فعلا حتى شكل الموتور ومركب بطاريه جديده كمان والصالون جوا نضيف وكمان التابلوه نضيف وكل حاجه شغاله فيه لكن كل الموضوع يتلخص فى لمبة الانجيكشن دا
لكن اخويا بيقولك ال لادا عربيه تقيله فى البيع وبتسخن ومش عارف ايه

[عبد الرحمن البدرى]

بالنسبه لموضوع اللمبه دا فعلا بتبقى منوره والعربيه شغاله بس القلق كله احسن يكون فى مشكله فى الانجيكشن او الرشاشات ودا قالقنى جدا وخايف القصه تدخل فى توكيل ومصاريف او يكون فى مشكله ولا حاجه
ياريت اعرف هل معنى ان اللمبه منوره دا ممكن يكون فى عيب فى الموتور ولا ايه ؟

[eng/walaaeldeen]

المشاركة الأصلية كتبت بواسطة عبد الرحمن البدرى بالنسبه لموضوع اللمبه دا فعلا بتبقى منوره والعربيه شغاله بس القلق كله احسن يكون فى مشكله فى الانجيكشن او الرشاشات ودا قالقنى جدا وخايف القصه تدخل فى توكيل ومصاريف او يكون فى مشكله ولا حاجه ياريت اعرف هل معنى ان اللمبه منوره دا ممكن يكون فى عيب فى الموتور ولا ايه ؟

السلام عليكم
اذهب مع صاحب العربيه لكهربائي خليه يعمل اسكان على العربيه وهتعرف المشكله فين وايه اللى عايز يتغير فيها
والله المستعان

[mr_astra]

ولا يهمنى لمبة التشك منورة ...دى لادا
الموضوع سهل اوى والله مش صعب
عارف انا هافضل ماشى بيها كدة لغاية لما العربية ما تدورش خالص هاقوم نازل عزبة شلبى اجيب وش بمانفولد بكربراتير استيراد والقصة دى كلها تعمل حوالى 500 جنية واحولها كربراتير لان الانجكشن فى لادا مش ناجح وكل التاكسى الانجكشن غير بنظام كربراتير
قصدى اقول ان العربية مش معقدة ولا حاجة صحيح هانحاول نطفى اللمبة لكن لو ما طفتش ما فيش اى مشكلة تفضل منورة ولما ازهق منها احولها كربراتير