|
#41
27-11-2012, 01:34 PM
|
|||
|
|||
رد: عربيتي اتسرقت بعد ما اشتريتها بيومين بالظبط انا هتشل
الحمد لله على كل شئ
احكلكوا بقي العربية رجعت ازاي اولا العربية رجعت عن طريق الشرطة ، مرة واحد لقيت رئيس مباحث سرقة السيارات بيتصل بيا (انا اتعرفت على الراجل ده عن طريق واسطة) وبيسألني ؟ بيقولى عربيتك كان فيها كذا فيزا بنك ؟ قلتلوا اه ! قالى وفيها ورق جيشك ؟ قلتلوا اه ! قلتلوا انا كاتب الكلام ده في المحضر ، قالى عادي انا بسأل ، عشان عربيتك رجعت بصراحة مكنتش مصدق نفسي من الفرحة المهم ، الكلام ده كان الساعة 2 بالليل ، وهو قفل معايا على كده ومعرفتش تفاصيل وانا بصراحة اتكسفت اتصل بيه بالليل مرة تانية عشان اعرف عربيتي فين وفي انهي قسم والكلام ده المهم اتصلت بيه تاني يوم بعد صلاة الظهر وعرفت ان عربيتي موجوده في قسم نبروة (بلد جمب المنصورة) ومرداش يقولى اكتر من كده ، اقولوا اتمسكت ازاي ومع مين وكلام من ده يقولى هتعرف كل حاجة في وقتها ومترحش القسم الا يوم السبت عشان تشوف عربيتك (الكلام ده كان يوم الاربعاء) كنت على نار ، كبرت دماغي ونزلت القسم في نفس اليوم بالليل ، وسألت هناك لقيتهم مش عاوزين يقولوا حاجة عن العربية ، قلتلهم ده رئيس المباحث هو اللى قايلى ، ولا حياة لمن تنادي المهم انا سألت عن الظابط النبطشي وكلمتوا وخد منى كل الورق اللى يثبت ملكيتي للعربية والرخصة واتأكد مني المهم قالى العربية موجوده بس مش هقدر اورهالك قلتلوا طيب معلش ابص عليها بس ، وبشوية سياسة بصيت عليها المهم لقيت العربية واقفة وحاطين قدامها عربية نقل وجرار من جمبها عشان مفيش حد يشوفها دافننها يعني المهم بصيت ع العربية لقيتها متفيمة ؟؟؟؟؟؟؟؟؟؟؟ والعربية بتاعتي مكنتش متفيمة شكيت انها مش عربيتي وبصيت على خبطة كانت فيها في السقف مستحيل تتعمل ؟؟؟؟ لقيتهم ردوها اولاد الكلب شكيت انها عربيتي ؟؟؟ نزلت على كوتشات العربية والجنوط بصيت عليها ؟؟ اتأكدت انها العربية عشان العربية جنوطها مميزة شوية ؟ وكل ده وممنوع احط ايدي على العربية ؟ بس اتأكدت انها عربيتي كمان من الكبوت ؟ عشان كان مجرح بطريقة معينة انا عارفها المهم رجعت مبسوط ، وكل ده ومعرفش العربية اتمسكت في ايه نزلت تاني يوم النيابة ؟ لقيت وكيل النيابة اللى هناك صاحبي ، اكنوا وقعلى من السما المهم قلتلوا ع العربية قالى هي بتاعتك ؟ قالتلوا اه قالى دي ممسوكة في قضية ارهاااااااب قلتلوا ايه ؟ قالى زي ما بقولك كده قالى العيال اللى ممسوكين فيها كانوا بينقلوا سلاح فيها ، وكانوا بيخطفوا عيال وحاجات زي كده فعشان كده حطناها تحت قضية الارهاب المهم سهلى كل حاجة عشان عارفني ، لأن كان لازم النيابة تحقق معايا وسألني كام سؤال كده واللى كان بيجاوب الكاتب بتاعوا مش انا ، ده يسأل والتاني يرد  المهم الواسطة حلوة بردوا الحمد لله والموضوع خلص على كده ومشيت في اجراءات العربية واستلمتها 
|
|
#42
27-11-2012, 02:05 PM
|
||||
|
||||
|
رد: عربيتي اتسرقت بعد ما اشتريتها بيومين بالظبط انا هتشل
مبروووووووووووووووك رجوع العربية و عقبالنا كده يا رب
__________________
My LoVely STOLEN Car  
|
|
#43
27-11-2012, 02:09 PM
|
||||
|
||||
|
رد: عربيتي اتسرقت بعد ما اشتريتها بيومين بالظبط انا هتشل
ياسيدي الحمد لله على كل حاجة ماتشغلشي بالك بأي حاجة حصلت للعربية المهم إنك إنتا كويس وأهي رجعت العربية ونصيحة من أخ عمرك ماتركن العربية في الشارع تاني أبدا شوف لو هتطلع البيت تتغدى وتنزل تركنها في جراااااش.
إحنا ناخد بالأسباب والستر من عند ربنا.
__________________
 
|
 |
|
|
