ارشيف الاستراحة 2009

[noura_taman]

ptmnlo123per1147

س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس

س5: ما هى سياسة مصر الداخليه؟
ج5: أضرب المربوط يخاف السايب

س6: ما هو نظام الحكم فى مصر؟
ج6: سمك لبن تمر هندى

س7: ما هو موقف الأخوان المسلمين من الحكم؟
ج7: عينى فيه و أقول أخيه

س8: بما تفسر الأداء الحكومى المصرى؟
ج8: إن كان هذا يكيدك أنا أزيدك

س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى

س11: بما تفسر التغيير الوزارى؟
ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله

س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد و حزب الجبهة الديمقراطية؟ج15: لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

' اللى تعرفه أحسن من اللى ماتعرفوش'
و طبعا هذا المثل إجابه لسؤال معروف أتركه لذكاء حضراتكم اعمالا بالمثل الشعبى الذى يقول

من خاف سلم

[islam_galal]

المثل الأخير ده أكيد عن بوش و أنا أرفض و أستنكر و أشجب
اللي منعرفوش أحسن، و يا رب بوش يروح في داهية . . . آمين

من خاف سلم . . . لا أن مبخافش ، ربنا يولع في بوش

آآآآه

[AbOnOrA]

هو مش بوش خالص المقصود بس ماشى نمشيها بوش ptmnlo123per136

شكرا يا مدام نورا على مشاركاتك الجميلة ptmnlo123per112

[Saif eldien]

اساسها السجاير
عندى موضوع مهم وعايز اقول راى فية
بصراحة انا مستغرب جدا من تصرفات ناس كثيرة جدا من الولاد والبنات والاباء والامهات فى انهم بيعملوا شى غلط جدا وهما بتكلموا على الحلال والحرام والعيب والصح والظروف المادية الصعبة
الموضوع هو التدخين بدايتا من السجاير الى البانجوا (موضه قديمة ) الى الحشيش (السائد الان ) وطبعا البودرة والبرشام والخمور
يعنى تجد الاب بيشرب سجاير وبعدين لما يطلع ابنة او بنتة زيوة يقول لهم عيب طيب ازاى وانت بتشرب وانت اصلا بتعمل العيب دة
وبعدين تجد الايوم الالمهات والبنات بقوا بيشربوا السجاير وغيرة وكان الموضوع عادى جدا تجد البنت بتشرب الشيشة وكانها بتشرب نسكافية
والمصيبة الكبيرة ان موضوع السجاير تطور الى اشياء اخرى ونقول الظروف المادية وحشة طيب ازاى اذا كان اقل نسبة تنسرف فى اليوم علشان الانسان يعمل دماغ ويشرب سجاير مش اقل من 20 جنية لو مشارك حد فى شرب الحشيش ودة بين الشباب وفى الطبقات الفقيرة او المناطق البسيطة جدا نقيس على كدة ارتفاع المستوا بارتفاع نسبت المصروف اليومى للدماغ
يعنى شهريا الفرد بيصرف حوالى 600 جنية طيب هو بيشتغل بكام اصلا ولو فى مستواى اعلى شوية ممكن يصرف على الدماغ مش اقل من 40 او 50 جنية يوميا طيب بيشتغل بكام اصلا ولو متزوج بصرف على بيتة كام وعلى دماغة كام ولو فى عندة عربية يصرف كام ونقول الظروف وحشة والاكل غالى وغيرة
المصيبة ان الناس بقت بتشرب حشيش وتاخد برشام زى متكون بتشرب سجارة وهى وقفة فى الشارع عادى جدا وتتكلم على الموضوع دة زى متكون بتناقش موضوع عادى جدا وال ميكونش بيشرب هو ال مش عادى دة ال النسان الغريب
الغريب ان النسبة الان اصبحت تقريبا اكثر من 80% والغريب ان الجرايد والاعلام المصرى والحكومة بتقول لا النسبة اقل من 30% مش عارف ازاى
كل انواع الاغذية سعرها زاد والسجاير يزيد سعرها بنسبة قليلة جدا ارفعوا سعر السجاير الى اكثر من 15 جنية او 20 جنية محدش هيبطل ولا هيقلل بس ناخد فرق السعر نعمل بية امور تانية مفيدة ندعم مستشفيات مصر نبنى اسكان للشباب نطور التعليم
فين رجال الدين وفين الحكومة وفين دور كل واحد مننا فى الموضوع دة
دة صورة مبسطة من المشكلة الكبيرة ال اساسها السجاير

[أبو عبد الرحمن]

شكرًا على الموضوع ده (مع ملاحظة انك كتبته مرتين ورا بعض !)
وأنا عن نفسي أعرف واحد صاحبي بيشرب علبتين مارلبورو في اليوم العلبة بـ 9 جنيه × 2 = 18 × 30 (يوم) = 540 جنيه سجاير بس كل شهر وبيدفع إيجار حوالي 300 جنيه يبقى 740 ومواصلات كل يوم متقلش عن 5 جنيه × 30 يوم = 150 يبقى المجموع 900 جنيه تقريبًا (وكل دي مصاريف ثابتة شهريًا وطبعًا لسة متكلمتش هو بيصرف كام على الأكل والشرب والمصاريف التانية اللي محدش مش بيدفعها مع العلم إنه متجوز وعنده ولد كمان) يبقى بيصرف مصاريف ثابتة أكتر من 900 جنيه (أكتر من نصفها سجاير بس) وهو مرتبه أصلاً لا يتعدى الـ 800 جنيه !!!!! وبعدين يشتكي من العيشة والغلاء ومش عارف يعالج ابنه ومش عارف يعمل ايه ، يبقى لازم كل واحد يحسبها صح عشان يعيشها صح !
وبنا يرفع عنا البلاء والغلاء ويكفينا شر الذنوب والمعاصي اللي هي سبب رئيسي في الغلاء ده وخاصة مشكلة تبرج النساء في الشوارع اللي وصل لحد الفجور فعلاً وربنا يرحمنا ويحفظ أهلنا وعيالنا