فتيس اكسيل 1500 مو 95 مانيوال

[waelsalah]

السلام عليكم
عربيتي اكسيل 1500 مو 95 مانيوال 5 غيار
عملتلها نص عمره للموتور والحمد لله كويس
حاليا ومن قبل العمره يوجد 3 اصوات وحركات
1- صوت والعربيه واقف ومموره زى مثلا تكتكتكتكتكت بس مش عالى اوى وبيروح لما بدوس ع الدبرياج
2- صوت والعربيه ماشيه زى مثلا ور ور ور ور وبيروح لما بدوس دبرياج او امور
3- صوت لما بسيب رجلى من ع البنزين زى مثلا هى هى هى هى هى
يوجد خشونة فى تروس النقلات بمعنى بحس بصوت التروس وحركته بين الحارات خصوصا فى الاول والثانى
حاليا حاطط زيت 140 وكان قبله 90 ومحستش بقفرق
رايي الميكانيكي ان مصدر الاصوات الفتيس ويوجب تغيره لان تصليحه مصاريف ع الفاي وهيرجع تانى
وراي 2 عفشجيه هكذا بالزام تغييره
ويوجد راى 2 آخرين ان ممكن يحطوا علبة شحم ع الزيت وهيتظبط
وآخرين بيقولوا هنغير زيت 140 ونحط زيت سايب اتخن من 140 للتجربه ولو مراحش الصوت والخشونه يبقي لازم تغييره
يارب اكون قدرت اوصفلكم حال الفتيس ومشاكله
واسف للاطاله ومستني ردودكم القيمه باذن الله
وحفظكم الله تعالى ومصر من كل سوء

[Good09]

في واحد اسمه مصطفى ميكانيكي مواتير
يعني كل حاجه تخص الماتور هو هيفيدك اكتر وهو والورشة اللي جمبه اخوه محمود بتاع العفشة كمان
هو شغل الفتيس عموما بيبقى بتاع العفشة هو اللي بيعمله
بس شوف مصطفى وهو هيفيدك ان شاء الله
و عنوانه بجوار السلاب اللي عند المجزر
وانت جاي من عند نادي العمالي وداخل سامية الجميل
هتلاقي البرج بتاع رفعت علام قبل السلاب هتدخل من على اليمين وبرضه هتاخد يمين او ما تعدي البرج هتلاقي محلات صنايعيه على ايدك الشمال
هتسال على مصطفى هتلاقيه المحل اللي في الوسط
وهو محترم وان شاء الله يحللك المشكلة
و ابقى قولنا عملت ايه

[waelsalah]

جزاكم الله خيرا
المشكله انى كنت روحت لمصطفى ده عشان العمره وعملتها بره هبقي محرج لو روحتله تانى
لو تعرف حد متخصص فتيس ياريت تقولى
ومتشكر اوى لردكم واهتمامكم الغالى

[Good09]

للاسف معرفش متخصص فى الفتيس بس و على العمومم لو عرفت ابقى عرفنا و ربنا يوفقك