مقارنة صعبة الى حد ما ....

[MOSTAFA SALLAM]

السلام عليكم و رحمة الله و بركاته .
اخويا عاوز يشترى عربية و كان محتار بين 3 عربيات .
1- هيونداى اكسنت ار بى فول ابشن مانيوال .
2- كيا سيراتو LX مانيوال .
3- رينو اسكالا فول ابشن مانيوال .
و يا ريت يا جماعة اللى يتكلم يقول كلمة حق و يتكلم بموضوعية اكثر مش علشان عربية من العربيات اللى ذكرت سابقا معاه يقول فيها شعر فياريت اعرف مميزات و عيوب كل عربية و شكرا مقدما .

[dr.wael7yran]

طيب من حيث السعر اعتقد انه السكالا بعيدة عن الاربي و السيراتو
يعني السكالا 82000 موديل 2011
و الاربي 96500 موديل 2012
وموش متأكد من سعر السيراتو المانيوال...

السكالا هجين جميل موتور نيسان ياباني متقفل في شركة سامسونج الكورية و عليه علامة رينو هنا في مصر
العربية من بره حلوة بس من جوه التقفيل
تحس انك قاعد في عربية موديل 2000و الخامات موش اد كده بس يشفعلها رخص سعرها يعني بدل ما تنزل تشتري لانوس و لا لوجان ب 71000تزود 10 الاف و تجيبها احسن
و في رأيي السكالا تتقارن مع الصني و الريو و الافيو الاوتوماتيك(من حيث السعر)
و انا في رأيي السكالا احسنهم فيما عدا اعادة البيع و الريو احسنهم من حيث التقفيل و الصني احسنهم في الانتشار طبعا

اما بالنسبة للار بي فهى عربية جميلة جدا و بس..معتمدين على شكلها
يعني لو كان سعرها سعر السكالا كده كانت هتبقى لقطة
انما كده سعرها بيحطها في فئة هي موش ادها
يعني من الاخر انا بميت الف ممكن يبقى معايا لانسر او النترا الشكل القديم...عربيات انضف منها بمراحل الصراحة

وانا معرفش اوي في السيراتو الصراحة(علما برده انها موش هتقل عن 107 الف موانيوال و الله اعلم)
خليه يفكر في النترا الشكل القديم
او اللانسر

بس انا لا اؤيد الار بي لانها غالية على الفاضي و موش فارقة كتير عن السكالا او الصني
و ربنا يوفق الجميع
و يا ريت اسمع رأيك

[MOSTAFA SALLAM]

شكرا على رد حضرتك و معلوماتك القيمة و هو فعلا كان بيفكر فى الصنى بس لما عرف انها بتتجمع فى مصر قلق منها و كمان شكلها كلاسيكى جدا و بقلها 15 سنة فى السوق تقريبا فيما يزيد .
هو عاوز عربية لسىة جديدة و شكلها جديد و تكون فى نفس الوقت محترمة بس هو فى حيرة و انا رشحتله الأسكالا لأنها نفس موتور النيسان الصنى و هى عبار عن صنى بس معدلة يعنى تقدر تقول عليها نيو صنى و كمان بتتقفل فى كوريا يعنى افضل من النيسان الصنى اللى بتتقفل فى مصر حاليا .
انما الأكسنت ار بى فأنا رأيى من رأيك تعتبر غالية اوى و كمان منعدمة من وسائل الأمان خصوصا ان موتورها 128 حصان على عربية وزنها طن بالعافية و تخلو تماما من وسائل الأمان ولا اير باج و لا abs ولا حاجة شكل و ابشنز بس .
انما السيراتو فهى ب 98 تقريبا فئة ال lx منها بس فى ناس قالت عفشتها ناشفة اوى و فيها عيوب فى الشاسيه و ممكن تخلى العربية تقلب و انا شفت عربيات سيراتو كتير مخيشة سواء فى الطريق او على بعض المواقع و كمان فى حاجة غريبة جدااا ممكن تلاقى واحد شاريها بقاله شهرين و بيبيعها .فياريت لو فى عربيات فى نفس الفئة ممكن تقلولى عليها و تذكرولى مميزاتها و عيوبها و شكرا .

[borio1704]

المشاركة الأصلية كتبت بواسطة MOSTAFA SALLAM شكرا على رد حضرتك و معلوماتك القيمة و هو فعلا كان بيفكر فى الصنى بس لما عرف انها بتتجمع فى مصر قلق منها و كمان شكلها كلاسيكى جدا و بقلها 15 سنة فى السوق تقريبا فيما يزيد . هو عاوز عربية لسىة جديدة و شكلها جديد و تكون فى نفس الوقت محترمة بس هو فى حيرة و انا رشحتله الأسكالا لأنها نفس موتور النيسان الصنى و هى عبار عن صنى بس معدلة يعنى تقدر تقول عليها نيو صنى و كمان بتتقفل فى كوريا يعنى افضل من النيسان الصنى اللى بتتقفل فى مصر حاليا . انما الأكسنت ار بى فأنا رأيى من رأيك تعتبر غالية اوى و كمان منعدمة من وسائل الأمان خصوصا ان موتورها 128 حصان على عربية وزنها طن بالعافية و تخلو تماما من وسائل الأمان ولا اير باج و لا abs ولا حاجة شكل و ابشنز بس . انما السيراتو فهى ب 98 تقريبا فئة ال lx منها بس فى ناس قالت عفشتها ناشفة اوى و فيها عيوب فى الشاسيه و ممكن تخلى العربية تقلب و انا شفت عربيات سيراتو كتير مخيشة سواء فى الطريق او على بعض المواقع و كمان فى حاجة غريبة جدااا ممكن تلاقى واحد شاريها بقاله شهرين و بيبيعها .فياريت لو فى عربيات فى نفس الفئة ممكن تقلولى عليها و تذكرولى مميزاتها و عيوبها و شكرا .

لو أخوك بيفكر في عربية لسة جديدة وشكلها جديد زي ما بتقول ... يبقى تستبعد الاسكالا تماما، لإنها عبارة عن نيسان صني وعليها علامة رينو (أول موديل من الشكل ده نزل سنة 2002)


بالنسبة للهيونداي أكسنت آر بي.. فوزن العربية الخفيف بيبقى ميزة مش عيب، وده حيبقى عامل مهم جدا في التوفير في البنزين، بس المهم هو السيطرة على العربية ... مش وزنها، وانا أعتقد إن العربية متزنة بنسبة كبيرة... وبالنسبة لعربية فول أوبشن.. متهيألي إن فيها إيرباج... أنا مش متأكد

بس أصلا... الأكسنت صغيرة وما تتقارنش مع السيراتو والاسكالا



السيراتو عفشتها ناشفة شوية... وده لبعض الناس بيبقى ميزة برضو .. مش عيب... لإن العفشة الناشفة بتزود ثبات العربية، وبيسمو العفشة دي (تعليق رياضي).. عشان كده اللي عايز راحة في العربية مايفكرش في العربية دي من أساسه... الموضوع مش شكل وخلاص...

وبعدين العربية شكلها أصلا هجومي... يعني لما تشوفها تبقى عايز تسوقها بسرعة... ويمكن ده اللي بيخليك تشوف عربيات كتير منها مخيشة.. أولا عشان السيراتو أكتر عربية اتباعت في مصر السنتين اللي فاتو، وثانيا عشان اللي بيسوقها بيبقى عايز يطير .. وأنا مجربها وبأقوللك العربية حتساعدك.. بس الرك على اللي سايق.. لإن في الآخر... في قواعد فيزيائية لازم تتراعى في السواقة.

...

[rawsha2100]

هات الهيونداى i30بامانة تحفة وشبابية وعن تجربة واحلى ما فيها بتجيب بنات ههههههههههههههههههههههههه ههههههههههههههههههههههههه ههههههههههههههه روشة ملك الدوشة