بصراحه هل تحب مبارك ؟؟؟؟؟

المشاركة الأصلية كتبت بواسطة akefpop يا سيدى هو انا قلتلك ان مبارك ده كان ملاك نازل من السما .. بس احنا برضه مش ملايكه عشان نعلق كل اخطائنا وبلاوينا ومصايبنا على شماعة مبارك طب اهو مبارك مش معانا اهه .. الرشوه خلصت .. الفساد انتهى .. مبقاش فيه محسوبيه .. ايه اخبار البلطجيه دلوقتى ؟؟؟ انا بقا كل يوم بقابل ناس بتقولى ان حسنى مبارك كان ماسك البلد بايد من حديد واول ما مشى البلد خربت وكل يوم مصيبه فحتة شكل ولسه هتخرب اكتر انا مش معترض على المحاكمه انما معترض على عرضها على الفضائيات والتليفزيون بالشكل ده لان ده فيه اهانه لرمز الدوله المصريه مهما عمل انا معنديش مانع يتعدم 1000 مره لو ده حكم القضاء بس مينفعش نعمل معاه زى ما الامريكان عملوا مع صدام حسين لازم يا باشا تفرق بين حاجتين مبارك الرئيس ومبارك الشخص فيه ناس عايزه تركع مصر وتذلها باذلال مبارك مبارك الشخص لا يهمنى فى شئ يا باشا فيه فرق بين محاكمه علانيه ومحاكمة اعلاميه امريكا نفسها مفيهاش التهريج ده اقصى ما يمكن ان تفعله هو ان تحضر رسام لقاعة المحكمة احنا لو سيبنا نفسنا للاعلام والصحافه تتحكم فعقولنا يبقى على البلد دى السلام

ومين اللي قالك اننا موافقين علي ازاعة محاكمة المخلوع علينية علي الهواء انا عن نفسي مش موافق مش لموضوع ازلاله لا لموضوع ان الاساتذه المحامين عن المصابين والشهداء جايين يتشهرو في التلفزيون وحق الناس اللي ضحت بحياتها علشانك وعلشان يروح هدر انا مع سرية المحاكمه علشان ميحصلش هرج ومرج واسرار تطلع علي الهواء مينفعش تتقال

وبعدين انا متفق معاك ان لا الرشوة ولا المحسوبية انتهت بس لو لقيت واحد بيجبرك انك تدفع رشوة وانتا اوراقك سليمة من حقك انك تموته مكانه وتحبسه بس مشكلتك انك مش بتعامل واحد ولا اتنين نتا بتعامل 90 مليون وعمر ال 90 مليون دول ما هيبقوا ملاك

يا سيدي الفاضل الثورة الفرنسية خدت وقت اد ايه علشان فرنسا توصل للي وصلته دلوقتي عارف قد ايه 20 سنة وده شعب متحضر واي ثورة في الدنيا لازم تاخد وقت علي ما البلد تهدي وتتظبط

المشاركة الأصلية كتبت بواسطة akefpop واحد زى عمر سليمان كان عنده حق لما قال اننا مش مؤهلين للديموقراطيه .. بص حواليك وشوف الاخبار .. كل يوم بلطجه واعتصامات واضرابات وقفل ميدان التحرير 15 يوم وقفل مجمع التحرير والتهديد بقطع قناة السويس والمصايب اللى كل يوم بنسمع عنها فسينا .. اللى مكانش بيستجرى يشيل أصافه النهارده بيشيل رشاش وبيضرب بيه الناس فالشارع .. كل ده من 6 شهور حريه .. الكلام ده عمرنا ما سمعنا عنه فحياتنا قبل كده

يا بشمهندس الاعتصامات والاحتجاجات ديه نتيجة كبت 30 سنة والناس ما صدقت انفجرت احنا دلوقتي بنجني اللي حسني مبارك واعوانه زرعوه في الناس وخلو البلد متعرفش معني الحرية والديموقراطية وفعلا عمر سليمان صدق لما قال اننا مش مؤهلين للديموقراطية ازاي هنتأهل واحنا عايشين في ظلم واستبداد وديكتاتورية من 30 سنة

وبالنسبة لموضوع البلطجه سيادتك مين اللي أسس البلطجية في البلد مش احمد عز بيه والحاشية بتاعت الانتخابات

وبعدين البلطجة والسرقة كانت موجودة من قبل الثورة بس الاعلام مكنش بيحصرها كلها لكن دلوقتي لو واحد عطس هتلاقيها تاني يوم في اليوم السابع مفيش مصيبة او اي مشكله بتحصل الا لما تلاقيها علي صفحات الجرايد

سيادتك التزوير والضرب والاهانه اللي كانت قبل الثورة ديه مكانتش بلطجة من وجهة نظرك ؟؟؟؟؟؟؟؟؟؟؟؟؟؟

المشاركة الأصلية كتبت بواسطة reda310 تحية خاصة corsair ولكل من لا يرضى بالظلم من المصريين والمصرين على محاكمة الظلم والظالمين والقصاص منهم ولكم في القصاص حياة يا أولي الألباب لعلكم تتقون صدق الله العظيم

صدق الله العظيم

الله يعزك يا استاذ رضا ولازم الناس بقا تفهم ان البلد بتتغير الناس ادمنت حسني واللي بيعمله فيهم مش قادرين ينسوه

والبلد مش هنصحي الصبح هنلاقي الدنيا وردي

ده ربنا خلق الكون في 6 ايام

واحنا بلد مكناش نعرف معني الديموقراطية ايه

كنا عايشين في استعباد كنا عايشين خدمين في العزبة بتاعت مبارك واعوانه

احنا كان بيحكمنا واحد بيكبر دماغه مننا

تخيل ده منظر واحد يحكم 90 مليون مصري

[ahmad2]

دائما متميز بموضوعاتك يا كورسير ....فعلا موضوع شيق جدا وأنا مستمتع جدا بهذا الحوار .
عندي رجاء للأخوة المعلقون اعرض وجهة نظرك ودافع عنها ولكن بدون أن تجرح في الآخرين مهما اختلفوا معك ومهما كان رأيهم طالما لم يقتربوا من ديننا العظيم ورسولنا الكريم فكل شيء غير ذلك قابل للنقاش .

المشاركة الأصلية كتبت بواسطة ahmad2 دائما متميز بموضوعاتك يا كورسير ....فعلا موضوع شيق جدا وأنا مستمتع جدا بهذا الحوار . عندي رجاء للأخوة المعلقون اعرض وجهة نظرك ودافع عنها ولكن بدون أن تجرح في الآخرين مهما اختلفوا معك ومهما كان رأيهم طالما لم يقتربوا من ديننا العظيم ورسولنا الكريم فكل شيء غير ذلك قابل للنقاش .

اشكرك يا ابو حميد علي المجاملة الجميلة ديه وياريت فعلا نتعلم معني التحضر في النقاش