يا ريت كنت افهم زيكم في الكلام دا

[gad]

السلام عليكم ورحمه الله وبركاته

كل عام وانتم طيبون اخواني

لعل الله وجهني اليكم لما فيكم من خير واهل كلمه ورأي

طبعا انا هتكلم شويتين كده ويمكن يكون كلامي قديم حبتين لكن نعمل ايه بقا هو دا قدر الناس الخدومه اللي موجوه هنا ودايما تقع في الناس اللي زينا كده وغرقانين في شبر ميه

مش حابب اتكلم كتير علشان يبقي الكلام في صلب الموضوع

انا مواطن مصري من الطبقه العاديه وبقالي حوالي 15 سنه نفسي اشتري عربيه لان انا مش من القاهره بس شغال في القاهره وساكن فيها وبسافر كتير وشغلي مش قريب من سكني وعندي 4 اولاد ربنا يخليهم ليا

طبعا هما مش صغيرين ودارت الايام ومشيت السنين وتلاقت رغبتي القديمه في شراء سياره مع طموح الشباب اللي عايز يركب عربيه اليومين دول

طبعا ما باليد حيله لكن الحمد لله كان عندي حته ارض بعتها وكنت محوش قرشين كده علي مكافأه نهايه الخدمه علي دهب ام العيال ممكن اوصل كده ل 75 او 85 الف

وطبعا اللي اتحرمت منه 15 سنه مش عايز احرم عيالي منه خصوصا بعد ما كبروا

المهم انا نويت فعلا اشتري عربيه ......................... .......................

لكن والله طلع قرار الجواز اسهل من شراء العربيه .. لقيت نفسي داخل في دوامه ياباني وكوري وصيني وكل واحده فيهم فيها قواميس

وبعدين قلت ياباني لقيت نفسي حيران 1300 ولا 1400 ولا 1500 ولا 1600

وايه حكايه الحصنه الكتير دي مع العلم ان العربيه في الغالب هتتعب معايا ومع ولادي كتير وخصوصا اننا هنسافر بيها كتير


حاولت استقر علي حاجه لقيت نفسي بتسأل ايه هي عوامل الامان المطلوبه ليا

وهل مطلوب الرفاهيه بالنسبالي

ثم هل هاتشباك ولا سيدان

طيب ياباني ولا كوري

طيب قسط ولا كاش

طيب هل هتفرق الانتشار والكلام دا معايا ولا اجيب اللي هيريحني وخلاص

طيب صني ولا اكسنت ولا افيو ولا ياريس ولا ريو ولا اوبترا ولا لانسر ولا فيرنا ولا في حااااااااااااااااجه تانيه احسن انا مش عارفها

وتقفيل مصري ولا كوري ولا ياباني

موديل 2011 ولا 2012 ولا مستعمل

وايه العربيه اللي فيها عوامل امان اعلي وافضل من حيث الثمن اللي اقدر عليه

والعفشه اعرف ازاي انها ممتازه

والماتور 1300 ولا 1600

واي عربيه حمار شغل ومش مهم اوي الرفاهيه بس يكون شكلها محترم

مع العلم ان العربيه يمكن تموت معانا يعني مش هنفكر نبيعها خالص

بس بحاول اوصل لانسب شكل مع قوه الماتور وصلابه العفشه وعوامل الامان وفي الاخر خالص ممكن نقول الرفاهيه

بـــــــــــــــصراحه تعبت جدا جداااااااااااااااااا


......................... ................... بعد كل التفكير دا ظهر ليا واحد صاحبي وقالي

ما تخليك في المستعمل وهاتلك ماتور من بورسعيد

طبعا الكلمتين دول مسحوا تفكير 4 شهور في ايه اللي ينفع في الجديد

اناااااااااااااااااا مش هطول عليكم

لكن بالله عليكم ساعدوني ازاي اختار عربيتي الجديده خصوصا ان انا لا اعلم شئ عن العربيات ومش عارف ازاي اختار

فبالله عليكم بحق هذه الايام المفترجه لا تبخلوا عني بالمشوره

[mar mar]

اهلا بيك الاول في المنتدي
حدد المبلغ اللي انت عايز تشتري بيه علشان نحدد العربيه المناسبه

[gad]

طيب ما انا حددت المبلغ في الموضوع

بس يا ريت حضرتك تقرأ الموضوع كله لانه كل الكلام مهم جدا

[mar mar]

75 85 الف
لانوس
اوبترا
افيو
نيو اكسنت

وانشاء الله الاعضاء يفيدوك اكتر مني
واسفه علي عدم تركيزي في الاول انا افتكرت ان المبلغ ده من 15 سنه

[gad]

هههههههههههههه

حضرتك مشكوره جدا جدا علي الاهتمام

لكن انا يا جماعه مش بدور علي ايه المناسب لفلوسي لان انا عارف كل عربيه بكام

لكن انا بدور علي خبرتكم وفنياتكم في الافضل من حيث الماتور والعفشه والقوه والامان والرحابه والسعه وطبعا مش هبالغ لكن همتكم معايا وربنا هيوفقنا ان شاء الله