صيانة 20000 كم مازدا 3 بالتوكيل أم خارج التوكيل

[nktis]

انا ليه صديق عنده سنترال جاري ومعاه مازدا 3 وعلي كلامه انه ملوش دعوه بالتوكيل وبيقلي التوكيل ده نصب وضحك علي البشر...
فراي من راي الساده الافاضل خليك بره ...

[alymonir]

المشاركة الأصلية كتبت بواسطة احمد على 1999 لو مكانك بره التوكيل طبعا و حضرتك رديت المازدا صعب اوى يبقى فيها عيوب تصنيع اذا كان انا باللانوس المعفشة طلعت من الضمان عند 15 الف و كملت مع نفسى و الحمد لله مظهرش عيب تصنيع اظن ان 10 تلاف مسافة كافية فى عربية يبانى لو كان فيها عيب كان ظهر توكل على الله و كمل بره

جزاك الله خيرا على الرد
أنا متفق معك تماما و ا،ا بأميل فعلا للصيانة خارج التوكيل و تقريبا قررت بنسبة 80% بس كنت عايز أسمع اراءكم و أستفيد بخبراتكم

المشاركة الأصلية كتبت بواسطة AboNoRa هو المفروض الضمان ميسقطش الا لما تتخلف عن صيانتين كبار يعنى على ال 30 الف كم وانا عامة شايف ان لحد ال 20 الف كم الاولى هتبان اذا كان فيه مشكلة كبيرة او لاء فكفاية لحد صاينة ال 10 الاف ومن هنا لصيانة ال 20 - 25 لكن انا عموماً مع الصيانة بره

جزاك الله خيرا يا أبا نورا
أنا برضه معاك و شايف إن غبور من أسوأ التوكيلات في مصر
بس هل عندك فكرة فيه حد بيبيع قطع غيار مازدا أصلي في اسكندرية غير غبور ؟؟

المشاركة الأصلية كتبت بواسطة corsair حمدلله علي السلامه يا استاذ علي والله ليك وحشه وانا مع رأي الناس اعملها بره وكل اللي هتعمله هتغير فلتر الهوا والبنزين والبوجيهات والزيت وفلتر الزيت والعفشه اي حد لسه ابن اول امبارح يربطهالك ومش هتكلفك 20 جنيه والفرامل اي واحد بتاع فرامل يعملك احلي رجلاش ومش هتكلفك بردك 20 جنيه لكن لو عندك اي مشكلة تخص الميكانيكا او الكهربا فنصيحة مش هيبقي قدامك غير غبور وربنا يديك خيرها ويكفيك شرها

الله يسلمك يا أبو حميد
أنا طبعا قصدي على الصيانة الدورية و ليست الاعطال
و ممكن برضه الاعطال أحاول بره الأول فبل ما أروحلهم

المشاركة الأصلية كتبت بواسطة حازم شاهين إحنا عندنا فى بورسعيد تقريبا مفيش مراكز صيانة ﻷى سيارة ناهيك عن إنتشار الخليجى بشكل كبير جدا و العربيات ماشية زى الفل و ما سمعناش عن مشاكل لحد و الحمد لله هو فيه رأى دايما بيتقال ﻷصحاب اﻹسبيرانز صلح كل إللى تقدر عليه برة التوكيل بس حافظ على المتابعات الدورية مع التوكيل لإستمرار فى الضمان

جزاك الله خيرا يا أستاذ حازم
منكم نستفيد

المشاركة الأصلية كتبت بواسطة nktis انا ليه صديق عنده سنترال جاري ومعاه مازدا 3 وعلي كلامه انه ملوش دعوه بالتوكيل وبيقلي التوكيل ده نصب وضحك علي البشر... فراي من راي الساده الافاضل خليك بره ...

جزاك الله خيرا يا د/ نوح
أنا بقول كدة برضه

[alymonir]

بس المشكله يا جماعة إن عندي لسه نسبة تردد
ساعات بقول يا واد خليك في التوكيل و استحمل شوية علشان الضمان
و ابقى دوحر و عافر معاهم شويتين
و مفيش مانع من شوية حرقة دم على شوية نرفزة و كله بيعدي
و انا مش بقبلهم الا كل 10000 كم
مش عارف ؟؟!؟!!!؟!؟

[د.كمال]

لأخ الفاضل الأستاذ على منير .....كل عام وانت بخير ورمضان كريم
أنا فى نفس الحيره بتاعه حضرتك ونفس المشكله ومشعارف أخد قرار
عربيتى الجاك عملت صيانه عشر الاف الشهر الماضى فى التوكيل فى 6 اكتوبر وهو الوحيد إللى بيعمل صيانه وكلفت 400 جنيه غيار زيت وفلتر وتربيط عفشه وميه ردياتير
المشكله عندى فى المشوار .....يعنى عشان اعمل صيانه لازم اسافر من العريش للقاهره وأبات وتانى يوم أروح 6 اكتوبر واعمل صيانه وارجع العريش مره تانيه
ساعات بأقول لنفسى إيه الهبل إللى أنا فيه ده ......طب مأغير زيت واربط عفشه هنا عند أى صنايعى فى نصف ساعه ولا البهدله دى .....والعربيه ماشيه ذى الفل ومظهرش منها عيب حتى الان ومعتقدش إنه يظهر
وحتى لو ظهر عيب فى حاجه ذى الكهربا ولا فى الميكانيكا التوكيل هيقول لى دى خرجت من الضمان ......لان فى حاجات بتخرج من الضمان بعد الفين وبعد خمس الاف وفى حاجات بتخرج بعد عشر الاف وحاجات بعد عشرين الف ..... يعنى هندفع هندفع
لكن إللى مصبرنى إن الصيانه كل عشر الاف ودول انا بعملهم تقريبا كل 8شهور فبقول مش مشكله وخلينا فى الضمان .
بالنسبالك لو فى صيا نه فى الاسكندريه خليك فى الضمان ومش مهم أغلا شويه المهم ان فى صيانه فى مكانك إللى انت فيه ..............طب واحد ذى حالاتى يعمل إيه .................رمضان كريم

[alymonir]

المشاركة الأصلية كتبت بواسطة د.كمال لأخ الفاضل الأستاذ على منير .....كل عام وانت بخير ورمضان كريم أنا فى نفس الحيره بتاعه حضرتك ونفس المشكله ومشعارف أخد قرار عربيتى الجاك عملت صيانه عشر الاف الشهر الماضى فى التوكيل فى 6 اكتوبر وهو الوحيد إللى بيعمل صيانه وكلفت 400 جنيه غيار زيت وفلتر وتربيط عفشه وميه ردياتير المشكله عندى فى المشوار .....يعنى عشان اعمل صيانه لازم اسافر من العريش للقاهره وأبات وتانى يوم أروح 6 اكتوبر واعمل صيانه وارجع العريش مره تانيه ساعات بأقول لنفسى إيه الهبل إللى أنا فيه ده ......طب مأغير زيت واربط عفشه هنا عند أى صنايعى فى نصف ساعه ولا البهدله دى .....والعربيه ماشيه ذى الفل ومظهرش منها عيب حتى الان ومعتقدش إنه يظهر وحتى لو ظهر عيب فى حاجه ذى الكهربا ولا فى الميكانيكا التوكيل هيقول لى دى خرجت من الضمان ......لان فى حاجات بتخرج من الضمان بعد الفين وبعد خمس الاف وفى حاجات بتخرج بعد عشر الاف وحاجات بعد عشرين الف ..... يعنى هندفع هندفع لكن إللى مصبرنى إن الصيانه كل عشر الاف ودول انا بعملهم تقريبا كل 8شهور فبقول مش مشكله وخلينا فى الضمان . بالنسبالك لو فى صيا نه فى الاسكندريه خليك فى الضمان ومش مهم أغلا شويه المهم ان فى صيانه فى مكانك إللى انت فيه ..............طب واحد ذى حالاتى يعمل إيه .................رمضان كريم

كل سنة وانت طيب يا دكتور كمال ور ربنا يتقبل منا و منكم صالح الأعمال
برضه انت حيرة حضرتك اكبر مني لأن العربية صيني و الصيني ممكن تقلق منه شوية + المشوار سخن جدا
الواقع إن المشكلة إن الصيانة في أبو رواش يعنس سفر برضه بس أنا عندي مركز غبور هيونداي اسكندرية بس زي ما شرحت في الموضوع بتاع صيانة ال 10000 كأنهم في بلد تانية , نظام تاني و أسعار تانية و خرعبلات
شكرا لمرورك و تقبل تحياتي