محتاج رايكم فى فيرنا اتوماتيك اشتريها ولا ابعد عن الاتوماتيك

[sameh55]

بص صدقنى موضوع الفتيس انة يبوظ او لا دى حاجة مش مضمونة

انا عمى كان جايب باسات 2009 وبعد 20000 كيلو جابت فتيس و هية اتوماتيك

يعنى المفروض انها ماركة عالية والمانى بس اهو فلو حاسس ان الاتوماتيك اريح ليك هاتة

فعلا الاتوماتيك بتاع الفيرنا جميل جدا ونقالته سهله جدا وسريعه ومفيش منه اي مشاكل ومتقلقش منه خالص وربنا يوفقك لما فيه الخير

[mohmedmhros]

توكل على الله شوارع مصر محتاجة الاتوماتيك

[speranza]

انا عارف انك محتار علشان فى ناس بتقولك هات اوتو وناس لا بس انا راى مختلف خالص........... بلاش تجيب فيرنا اصلا عربية تعبانة قوى (دة راى الشخصى) التقفيل وحش وصوت الموتور بيبقى داخل جوة العربية..... الsound system سيى للغاية والكاسيت تعبان قوى........... دة غير الثباتحدث ولا حرج مرجيح بعيد عنك ........دة غير طبعا الصلون الى شبة علبة الكبريت ضيق بشكل غير طبيعى (يعنى واحد مثلا زى حلاتى لما بيركب فى الكنبة الخلفية بتبقى رجليا قدام عند السراق).....وتخيل ان العربية مفيهاش عداد rbm .... دة غير ان التبلوة لا يتمتع باى شى من الفخامة ولا العربية كلها بشكل عام.......والاكصدام بيقشر مع الوقت.......والعربية بشكل عام الشاسية والصاج بتعها ضعيف و وزنها خفيف
........الميزة الوحيدة الى فى العربية ان قطع غيرها رخيصة غير كدة مفيش
من راى لو عايز عربية محترمة بالمبلغ الى معاك ممكن تجيب
1- لوجان (بس مشكلتها ان قطع غيرها غالية)
2- لانوس (مفيهاش اى مشكلة غير ان الصالون ضيق شوية)
3- speranza a516 ودية افضل عربية فيهم خاصة 2011 علشان بقى التقفيل افضل ال sound system بقى ممتاز مع تغيير الكاسيت عن باقى الموديلات........ المشكلة الوحيدة الى فيها ان عفشتها نشفة بس انت مش هتحس بالمشكلة دية لو بتاخذ المطباط بهدوء وبتسوق بحرص مش متهور يعنى
ملحوظة : اختلاف الراى لا يفسد للود قضية
ولو حد عندة تعليق يقولى وشكرا

[ahmed_seoudi]

انا معايا الاوتوماتيك منها وجميله جدا .. والاوتوماتيك فيها RBM و جنوط 14 وكل حاجه بتفصل فى العربيه مع المفتاح وفيها فوجات ومرايات كهرباء .. بس اول حاجه عملتها غيرت سماعتها والسى دى