رابطة ملاك الفيات اونو

[SHEKO12]

المشاركة الأصلية كتبت بواسطة it_elias انا معايا اونو 97 . . عربية ممتازة واقتصادية جداً في قطع الغيار والبنزين .. بس يلزمها تعريض الكاوتش وتبقي زي الفل .. ويشرفني الانضمام الي الرابطة .. وياريت نراسل الادارة تفتحلنا قسم للأونو

انا معايا وانو موديل 94 ويشرفنى الانضمام اليكم
محمد خيرى

[ayman algn]

العيب بتاع الأونو ان علبة الشكمان مقوسة لتحت علشان بتعدي من تحت القنطرة و هي ديه اللي بتحك في المطبات
يعني من الأخر ماتركبش اكتر من تلاتة بيك و لو لقيت مطب عالي خده علي اربع عجلات
غير كدة الأونو ديه عربية ممتازة

-2 اول حاجة نعملها للناس اللي لسا شارين العربية نروح تغير فلتر الهواء و سير الكاتينة و الدينامو و اكشف علي الشحن بتاع الدينامو احتياطي و اكشف علي سير التكيف و لو لقيت ان التكيف توصيلاته خراطيم يبقي متركب و لو مواسير يبقي بتاع بلدها و بدام عندك لمبة في التبلوه للحرارة يبقي ديه تقريبا مش اللي بتنزل بتكيف
اما غير كده فأنا مليش في مواضيع التكيف ديه اوي
و في ناس كتيرة جدا في شارع دمشق عندهم قطع الغيار الأصلية بملاليم و نصيحتي ان يتجاب اي حاجة ايطالي حتي السيور و بلاااااش الصيني
و في حاجة اسمها مشط الكهربة و ده لو بايظ بتحس كأنك سبت بنزين و حطيط رجلك تاني فجأة و ده لو جيت تجيبه جيبة ايطالي و هتلاقي محفور عليه ماجنيت ماريلي بالأنجليزي
و بالنسبة للبوجيهات جيب Denso او Ngk او Bosch و مانزودش عن شمعتين في العربية ديه عشان ماتورها صغير
و بالنسبة للحرارة لو حاسين انها بتسخن يبقي اكشف علي دورة التبريد و المروحة و طلمبة المياه و حط مياه خضراء مش مياه حنفية علشان متبهدلش الريداتير و الطلمبة و الكلام ده بالصداء و في عدادات حرارة خارجية بتتباع و بتركب علي التابلوه و بيبقي شكلها حلو
و لما نيجي نغير الزيت نجيب زيت خفيف مش تقيل و كمان ماننساش تغيير الفلتر بتاع الزيت و نكشف علي زيت الفتيس
عفشتها مش وحشة خالص
و العربية ديه بتنزل من 83 لي 89 الشكل القديم اللي شبه الريجاتا من قدام و من 89 لي 2003 تقريبا شكل اللي احنا بنشوفه
و بالنسبة لعداد الحرارة ده عشان معظم الأونو عندنا اونو باسيك او اونو 45
و ممكن تركب عداد حرارة خارجي عالتبلوه في حدود 100 و شكله جامد
و الرابط ده عليه قصتها بالكامل
http://en.wikipedia.org/wiki/Fiat_Uno :danceW 7::danc eW7:

[زكى رستم]

سلام عليكم
والله يا جماعة انا معايا فيات اونو 94 1000 سى سى
ومحتاجة عمرة ومش عايز اعملها عند اى حد زى مانتو
طبعا فاهمين عدم الضمير والغش الا ما رحم ربى
يا ريت لوحد يا جماعة يعرف ميكانيكى كويس وعن تجربة
وجزاكم الله كل خيروسامحونى لو كنت اطالت عليكم

[ابو زيادو]

اتشرف بانى اكون عضو فى الرابطه ديه عندى اونو موديل 93 وبتعمل فى المائه كيلو 9 لتر هل ده معدل طبيعى و لو مش طبيعى اعمل ايه و اعمله فين لانى معنديش ميكانيكى عدل او صنايعى عدل عامه والف شكر يا رجالة

[ابو زيادو]

ايه يا شباب الرابطة فين الردود:ff5a34af6efef0e643 e:ff5 a34af6efef0e643e