|
#1
22-07-2014, 11:55 PM
|
||||
|
||||
"الحل النهائى لمشكلة الشكمان والفرن " تجربتى فى تركيب فرن 128 1300cc رائعه وبالصور
السلام عليكم ورحمة الله وبركاته
مشكلة تنفيس الشكمان من عند الأفيز أو الزور مشكلة تخص ال128 مودل سبعينات وثمانينات بصفه عامه وبنسبة 99.9% الأعراض صوت المكنة بيبقى عالى والعربية و الحرارة بتبقى عاليه النهاردة حل تلك المشكلة نوع العربية المستخدمة نصر فيات 128 مودل 1987 1116cc "1100" الحل هو تركيب فرن نوفا 128 1300cc موديل تسعينات فيما فوق أو فرن شاهين 1300cc ده شكل الفرن القديم بتاع فيات 128 موديل 1116cc  بيبقى نظام فاتحه مدورة بتركب فى ماسورة الشكمان بتتربط بافيز وبينهم جوان شكمان وده عيبه انه بينفس يعنى لو انت مركب جوان للشكمان اللى بيتربط فيه مش هيكمل معاك بالظبت شهر ده لو الصانيعى رابطة باحكام ولازقه بسيلكون كمان أخره شهر شهر ونصف بالكتير طيب ليه لأنه بيبقى مربوط بافيز ب 2 مسمار فى أى مطب او أى هزه للشكمان الدخان بيطلع من أضع منطقه اللى هى عند الزور من عند الأفيز اللى بيربط الشكمان فى الفرن طيب الحل أيه ياعم انت وجعت دماغنا الحل هو فرن فيات 128 1300cc "نوفا" أو فرن شاهين 1300cc وده شكل فرن نوفا 128 1300cc  وديه صورة للفرن بتاع 128 نوفا كمان علشان تبقى الأمور واضحه أكثر  الأدوات المستخدمه:- 1- فرن 128 نوفا 1300cc او فرن شاهين 1300cc من طارق أبوزيد عضو هنا فى منتدى مصر موتورز او ممكن تشتريه من عزبة شلبى حسب راحتك 2- عدد 2 جوان شكمان شاهين 4 مسمار الثمن 5+5=10جينه 2- عدد 2 جوان فرن اللى بيبقى بين الفرن وبين وش السلندر 3- مشترك شكمان 128 معدل 1300cc بتبقى أسمة كده مشترك 128 معدل أتنين فى واحد بيركب بدل الماسورة القديمة اللى كانت بتربط فى الشكمان القديم الثمن 100ج وبتشترية من عند محل الشكمانات اللى هتعمل عنده الشكمان 5- عدد 8 مسمار مقاس 13 + عدد 4 ورد السعر 3 ج 6- ممكن هتحتاج 2 كوتشة ترفع بيها الشكمان ب 5ج 7-الوقت المستخدم الميكانيكى ساعه والمصنعيه 20ج 8- نصف ساعه عند بتاع الشكمانات وده مصنعيته بتبقى 25 أو 30ج ملاحظه هامه جدااااااا:: الميكانيكى بيفك الفرن القديم بيفك الكربيرتاتير معه قوله يسلك فتحتين الميه اللى غالبا بيبقوا مسدودين من الصدا ودل فايدتهم انهم بيبردوا الريداتير -<<< لما الميكانيكى يخلص ترلكيب الفرن الجديد ويركب الكربيراتير و يخلص هتقابله مشكله صغيره خالص وهى ان الصفيحه اللى بتركب فوق الفرن واللى بيتعلق فيها الأكسلاتير مش راضيه تركب وديه حلها بسيط بيقها من تحت قرب زور الفرن بس متخلهوش يحف علشان ليها فايده انها بتحوش السخونه بتاع الفرن وبالأخص للناس اللى مش مركبه لباد في الداسة بتاع العربيه من جوه الصفيحه بتتقص بالشكل ده>>>  بعد ما تخلص أنشاء الله وتركب العربيه هتلاقى دخان من الكبوت ماتخفش ده السليكون اللى حاطه الميكانيكى بين الفرن ووش السلندر بيختفى بعدها بربع ساعه او نصف ساعه بالكتير النتيجه كانت مذهله بكل المقاييس العربيه ملهاش صوت نهائى من قدام وكل ما ادوس بنزين اسمه رنة الشكمان من ورا واتمزج بالأضافه لان المكنه كانها أنجيكشن هدوء وسحب عالى ومغرية فى الجرى جدااااااا فعلا تجربه رائعه وكانت تستحق أن انقلها للمنتدى المحترم بتعكم وكل سنه وانتم طيبين ومستعد لأى استفسار التعديل الأخير تم بواسطة star_poison ; 23-07-2014 الساعة 12:04 AM 
|
|
#2
23-07-2014, 01:05 AM
|
||||
|
||||
|
رد: "الحل النهائى لمشكلة الشكمان والفرن " تجربتى فى تركيب فرن 128 1300cc رائعه وبالصور
تسلم علي المجهود الرائع........
__________________
............  الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
|
#3
23-09-2016, 12:49 PM
|
|||
|
|||
|
رد: "الحل النهائى لمشكلة الشكمان والفرن " تجربتى فى تركيب فرن 128 1300cc رائعه وبالصور
ممكن تعيد رفع الصور الروابط مش شغاله
|
 |
| أدوات الموضوع | |
|
|
