|
#1
27-02-2014, 01:08 AM
|
||||
|
||||
عااااجل::عيوب الفيات 128 و 127 بصفه عامة "مهم جدا لكل صاحب سيارة"
بسم الله الرحمن الرحيم
السلام عليكم ورحمة الله وبركاته الكل بيقول أيه هى أهم وأخطر عيوب فيات 128 و فيات 127 هقولكم حاجتين الركب وديه نقطة ضعف مهمه جدااااااااااا محدش بياخد باله منها رغم انها ممكن تؤدى لأنفصال العجل عن العربية أهمالها خطر خطر خطر الثانية هى العلب اللى بيتربط فيها المساعدين من فوق وديه " محتاجه موضوع لوحده" ولولا عيب الركب وكمان العلب كانت العربية أخدت احسن سياره من حيث أقل ثمن ف ىمقابل أفضل أداء فى جيلها .. نبتدى بقى علشان نطولش عليكم ****ركب العربية وديه 75% من أصحاب سيارة فيات 128 و127 لازم تتكسر منهم وبالأخص الركبة الشمال اللى أمام السواق ايه السبب هما 3 اسباب عمليه بتخلى الركبة تنكسر وبالأخص الشمال 1- مياة الريداتير لو بيسرب بتتجمع على الركبة الشمال وبتعمل صدأ فيها وكمان بتنزل على الستارة بتعمل صدأ فى الستارة اللى بتبقى ساندة الركبة وبعد كده بتبقى ضعيفة جدا أقل مطب أو فرملة شديدة تنكسر فيها الركبه الشمال والبطاريات القديمة اللى بيبقى فيها مياة نار بطارية حمضيه وتغير مياة النار او لو فارت والبطارية مش مظبوطة تبوظ الركبة الشمال 2- مطب شديد أوى بلاعة مثلا أو حفرة شديدة وانت أخدتها بسرعه عاليه 3- السرعة العالية والفرملة المفاجئة وده بيحمل على ركب العربية جامد جداااااااااااااااااا وممكن تتكسر او تتشرخ **طيب ايه الأعراض اللى اعرف بيها ان الركبة مشروخه مثلا وممكن تتكسر منى 1- صوت طقطقه واحتكاك حديد من الجنب الشمال اللى قدام السوق وبالاخص فى المطبات الصغيرة وانت ماشى على الثانى او الثالث 2-العربية بتحدف شمال وبالأخص مع الفرملة فى حالة أن الركبة الشمال اتكسرت طيب ايه علاج الركبة ديه  اول حاجه تروح لسمكرى سمعته كويسه جدااا لو قالك ألحمهالك تأكد مليووووووووووووووووووون فى الميه انه بيشتغلك لأنها هتنكسر تانى حتى لو لحمها بفولاز طيب ايه الحل الحل انك تروح تشترى ركبة جديدة  متخفش رخيصة عامله حوالى 25ج المصنعية هى اللى غاليه 100ج لو العربية مفهاش مرمات ولا تقطيع جزء من الستار ووضع مرمة بداله ولو العربية بارومة تحت الريداتير وفى الجزء اللى بيتلحم فيه الركبة بتبفى المصنعية 150ج + 30ج عفشجى اللى بيفك الميزان + حداد عادى لو هتعمل تقوية للركبة الجديدة قبل ما تركبها + 10ج بوهيجى علشان البلكات وده مهم جدااا +15للراجل اللى بيفك الريداتير والبطارية أهم حاجه فى الموضوع انك متلحمش الركبة على بارومة أو صدأ لازم تتلحم على نظافة ولازم تتدهن بلاااااااااااااك ده مهم جدااااااااااااااااااااااا ااااااااااااااااااااااااا ااااااااااااااااااا وشكرا واتمنى أنى أكون أضفت جديد وربنا يوفقنا جميعا ويكفينا شر الطريق وشر التعديل الأخير تم بواسطة star_poison ; 27-02-2014 الساعة 01:20 AM 
|
|
#2
02-03-2014, 01:58 PM
|
||||
|
||||
رد: عااااجل::عيوب الفيات 128 و 127 بصفه عامة "مهم جدا لكل صاحب سيارة"
الموضوع دة فعلا حصل معايا كنت ذاهب اضبط هواء والرجل بيضبط العجلة الامامى الشمال وجدها بتتحرك معاه للامام والخلف فقال لي اذهب للعفشجى
المهم ذهبت قال لي دة الركبة مكسورة وعايزة تتغير تقريبا وقتها غيرتها ب 150 بالمصنعية هو الموضوع دة مشكلة لانة بيحل الرديادير لكن أمر لابد منه وربنا يوفقنا واياكم لما فية الخير
__________________
بسم الله الرحمن الرحيم سؤال على بال كل شاب أو رجل يُريد أن يتزوج كيف اختار الزوجة التي ستظل معي طوال العمر اوووووووعة تفكر كتير شاهد هذة الحلقة وبأذن الله تأخذ القرار الأخير وذلك مع فضيلة الشيخ أبي إسحاق الحوينى الحلقة بجد راااااااائعة والله طبعا الحلقة (مرئية) وبمساحة خيالية
|
|
#3
21-04-2014, 01:46 PM
|
||||
|
||||
|
رد: عااااجل::عيوب الفيات 128 و 127 بصفه عامة "مهم جدا لكل صاحب سيارة"
موضوع ممتااز ويثبت
__________________
|
|
#5
11-05-2014, 09:02 PM
|
||||
|
||||
رد: عااااجل::عيوب الفيات 128 و 127 بصفه عامة "مهم جدا لكل صاحب سيارة"
لا تؤثر أطلاقا لأن ركب العربية مش فى الحوض ديه بتبقى قدام خالص ورا الستارة اللى تحت الفنوس أهمالها اللى ممكن يعملك مشاكل ذى تصدع وشروخات كتير فى العربية وبالأخص فى الكرتيرات وممكن تأثر على العلب
اللى يقصر على اثمن العربية الحوض والعلب وبالأخص الحوض بمعنى ان اى لمسه او بونطة لحام فى الحوض تأثر جامد جدااااا على ثمنها اما العلب لو فيه لحام صغير "كتقوية "للعربية.. لكن العلب لسه فبريكا سليمه فيها لحامات المصنع مبتأثرش بس يفضل بلاش تعمل تقويات للعلب الأفضل انك تحط شداد يبقى أفضل لو حد قالك حاجه وانت بتبيع روح شيله ده مسوره بتركب بين العلبيتين
|
 |
|
|
