ظافر بدال دبرياج 132

[ziours]

انا ياجماعة كنت عليت الدبرياج عندي سنه عشان كان وطي وكان قارفني في النقل بعد ماعليته شويه مشيت دقيقتين بالعربية واذ الاقي الدبرياج غطس لجوه في ارضية العربية وماردش تاني جبت الميكانيكي وحل البدال ولاقينا الظافر ده مكسور طبعا قعدت ابهدل الميكانيكي واقوله انت السبب لانك عليته زياده وهو يحلف ايمنات المسلمين ان ده العمر الافتراضي للظافر انتهى مش عارف كلامه صح ولادي اشتغالة المهم روحت لحمته ورجعت للميكانيكي تاني عشان يركب البدال تاني والواير تاني طبعا كان يوم مايعلم به الا ربنا ركب الميكانيكي وخلص وجيت اجرب تمام مافيش مشكله لاكن النهارده الصبح لاقيت العربيه سحبها زي الزفت وتقيلة ولما تسخن شويه الاقي رجه خفيفة في الطلعه رجعت للبيه تاني لاقى العجله اليمين الاماميه تقيله وسخنه مسكت في خوانيقه وحلف ان الدبرياج ماالوش علاقة بتقل العجلة وان دي مشكله فرامل هل كلامه صح ؟
اسف جدا على الاطاله بس نفسي اطمئن

[mustafa mahmoud]

اولا لو هو علا الدبرياج زيادة كان الواير هو الى اتقطع مش الظافر اتكسر و كل حاجة و ليها عمر افتراضى و تانى حاجة عربية حضرتك كرونة و انت بتقول العجلة اليمين ادام و العيب بتاع العجلة الى بتقشف ديه من الفرامل مش اى حاجة تانية

[ebeidhamed]

المشاركة الأصلية كتبت بواسطة mustafa mahmoud اولا لو هو علا الدبرياج زيادة كان الواير هو الى اتقطع مش الظافر اتكسر و كل حاجة و ليها عمر افتراضى و تانى حاجة عربية حضرتك كرونة و انت بتقول العجلة اليمين ادام و العيب بتاع العجلة الى بتقشف ديه من الفرامل مش اى حاجة تانية

سلام عليكم
بس ياباشا المشكله دى
ثقل العجل ده من سرفو الفرامل

[mr_astra]

على فكرة
الصنيعى برىء لان مهما على الدبرياج لا يمكن يقطم ضافر البدال
وحضرتك غلطت انك لحمتة لان الحام مش هايستحمل وهايقطم تانى
الحل بدال استيراد

والعربية بعد تعلية الدبرياج بقت مش بتسحب لان الاسطوانة عندك متكلة مش مستحملة تعلى الدبرياج اكتر من كدة
وعشان الاسطوانة متكلة اكيد درجة حرارتها بقت تسخن اكتر من اللازم فبتعمل رجرجة فى الطلعة لان الدسك سخن زيادة عن اللزوم

[حمدى مخترع مانيوال بدون د]

المشاركة الأصلية كتبت بواسطة mr_astra على فكرة الصنيعى برىء لان مهما على الدبرياج لا يمكن يقطم ضافر البدال وحضرتك غلطت انك لحمتة لان الحام مش هايستحمل وهايقطم تانى الحل بدال استيراد والعربية بعد تعلية الدبرياج بقت مش بتسحب لان الاسطوانة عندك متكلة مش مستحملة تعلى الدبرياج اكتر من كدة وعشان الاسطوانة متكلة اكيد درجة حرارتها بقت تسخن اكتر من اللازم فبتعمل رجرجة فى الطلعة لان الدسك سخن زيادة عن اللزوم

كلام موزون وجميل واكيد شكر خاص لحضرتك اما صاحب الموضوع المفرود يروح للميكانيكى الى بهدلو ويعتزرلو انا لو مكانو هعتزرلو