العودة   مصر موتورز مجتمع السيارات > منتديات السيارات العامة > اخبار السيارات > معارض السيارات الدولية

معارض السيارات الدولية تغطية معارض السيارات المصرية والعالمية (معرض اتوماك - فورميلا الاهرام - ديترويت - فرانكفورت - باريس - جينيف - لوس أنجلوس)


إضافة رد
 
أدوات الموضوع
  #1  
قديم 03-07-2016, 02:48 PM
aliserag aliserag غير متواجد حالياً
 
تاريخ التسجيل: Jul 2016
المشاركات: 7
aliserag is on a distinguished road
افتراضي اليكم اهم النصائح الواجب وضعها فى الاعتبار عند شراء سيارة جديدة

السلام عليكم ورحمة الله وبركاته
الأخوة والأخوات الأفاضل
من خلال تجربتى فى تصفح منتديات البيع الخاصة بالسيارات وجدت الكثير من السلبيات بحيث تعطل عملية البيع أو تنفر المشترى او على اقل تقدير الموضوع مايكونش فيه معلومات كفايه عن السيارة المعروضه مما يفتح مجالا واسعا للأسئله والإستفسارات ووجع دماغ انت فى غنى عنها
المهم من خلال تجربتى الشخصية وتجارب بعض الاصدقاء المقربين اقدر اقولكم ازاى تعرض عربيتك بطريقة صحيحة
اولا- التزم بنموذج العرض الخاص بالمنتدى
ثانيا - لازم تصور العربية - ولو ماعندكش كاميرا استلف واحده او روح صورها عند اقرب ستوديو تصوير ب 10 جنيه وخد الصور على فلاشه - صور العربيه فى غايه الاهميه
موضوع بيع من غير صور= لاشئ
ثالثا - اذكر مميزات العربيه بطريقة شيك ومن غير مبالغه ومفيش داعى للكلام اللى من نوعيه الوحيده فى مصر وسعر لقطه وشاذة والكلام ده
رابعا - اعلن فى موضوعك ان اى استفسار هايكون على العام ومفيش داعى لموضوع الرسائل الخاصة
خامسا -بالنسبه للسعر حاول تحط سعر متوافق مع سعر السوق ولا اعلى فالناس تتهكم عليك ولا قليل فيقلقوا من العربيه - ممكن تعرف سعر السوق من الجرايد ومواقع الانترنت
سادسا - مفيش حاجه اسمها السعر نهائى - الكلمة دى بتعفرت المصريين - لاننا متعودين على الفصال ولو اشترينا حاجه بنفس السعر اللى البائع بيقوله بنحس اننا اتضحك علينا - فممكن تزود الف او الفين بالكتير عن السعر اللى انت عايزه
سابعا - وضح العربيه مرور ايه وفيها رخصة قد ايه وفيها عقد بيع والا توكيل (الكلام ده مهم جدا) عشان بيعمل مشاكل بعد كده
ثامنا - حدد ميعاد للإتصال (بعد الساعة خمسة مساءا مثلا ) لان فى ناس بتتصل فى اوقات غريبه
تاسعا - تابع موضوعك باستمرار وماتكسلش ترد على الاستفسارات
عاشرا - لو حد قالك تعالى بالعربيه او نتقابل فى مكان اعتذرة بشياكة وقوله يشرفك ويجى يشوف العربيه عندك (مفيش عروسه بتروح للعريس)
حادى عشر - حاول تصلح كل مشاكل العربيه مع قرار البيع وماتقولش مش مهم مانا هابيعها - لان اى مشكله فى العربيه حتى لو لمبه محروقه من ام 3 جنيه بتقلل من سعر السيارة
ثانى عشر - لو حد كلمك وعايز يشوف العربيه ماينفعش طبعا يجى يلاقيها متبهدله فانت بمجرد اخذ قرار البيع اهتم بنظافه العربيه واغسلها كويس فوق وتحت وبره وجوه وماتخليش حاجه مرميه فى العربيه ولا الشنطة ولو فيها حاجات حاول ترصها بانتظام ويستحسن تغير زيت علشان اللى هايشترى يعرف انك مهتم بالعربيه (والله يا جماعة الكلام ده بيفرق كتير مع الشارى)
واخيرا - يعنى خلاصة الكلام تعالى اسال عند الملك للسيارات هتلاقى افضل اسعار السيارات فى مصر
رد مع اقتباس
إضافة رد

الكلمات الدليلية
اسعار السيارات فى مصر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
200 معلومة عن السيارات mostafakamal منتدى السيارات العام 7 13-03-2011 02:31 PM
قواعد شراء سيارة جديدة او مستعملة essam275 سوق السيارات المصرية 2 04-09-2010 11:31 PM
أريد شراء سيارة ومحتار بين سيارة لوجان أو أفيو جديدة mohamed elsayed مقارنات 2 06-04-2010 02:13 AM
الهند وصناعة السيارات Saif eldien TATA تاتا الهندية 3 11-10-2009 06:59 PM
هل تؤيد شراء سيارة مستعملة ذات كفاءة عالية على سيارة جديدة ذات كفاءة أقل elhmami سوق السيارات المصرية 9 17-09-2009 02:10 AM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:08 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017