FIAT 132 2000

[ramy01011]

عندي سؤال للي معاة العربية دي من فترة كبيرة او كانت معاة فترة كبيرة و بعدين باعها انا دايما بحن للعربية دي و لسواقتها هي فضلت عندنا بتاع 30 سنه هي كانت موديل 78 يعني اتولدت لاقتها و اتعلمت عليها و قضيت بيها فترة الكلية و حتي لما سافرت برة مصر واشتريت اول عربية زيرو لية كنت بردو بستني الاجازة علشان انزل و اسوقها بس يا خسارة الاجازة الجاية هنزل موش هلاقيها لان والدي باعها و اشتري كورولا 2003 المهم هو انا بس اللي بحس بالحنين للعربية دي ولا كل اللي كانت معاة زيي ؟

[hazem_khidr]

لا يا رامي
مش انت لوحدك انا كمان نفس حالتك بالضبط
العربيه دي كبرت و لقيتها قدامي و كان عربيتنا و كذا عربيه في العيله
كنت بشوف ناس كبار قرايبنا و شباب راكبينها و الشباب كانوا بيعملوا بيها استعرضات وهميه
و فضلت طول عمري بحلم بيها و لما بتقع فرصه اني اسوقها بسوقها و ببقي مستمتع جدا ايا كانت حالتها
هو دا الحب و العربيه فعلا تستاهل الحب دا كله
و لحد انهارده و ما زلت بقولها لما بشوفها قدامي لازم ابص عليها
فيها سحر غريب!!!!!!!!

[severeman]

حازم خضر باشا

بعد التحيه

تم الانتهاء التام من تجديد عربيتي
وانا وعتدتك انته والاعضاء اني بعد ما اخلص تجديد هرفع ليكم الصور


هيا غلبتني في التجديد وصرفت كتير جدا واخدت اكتر من شهرين


لكن الحمد لله خلصت

انتظروا التفصيلات والصور قريباً
========================= ====

[yaser4050]

موضوع رائع فعلا أنا لسة بايعها من 6 شهور والله ثابتة جدا و مريحة جدا لكن مشكلتها البنزين و موش كفاية انها قديمة لكنهم رفعوا ضريبتها كمان لمصلحة مين؟ الله أعلم.
الغريبة انى شفت أغرب عربية فيات 132 فى حياتى فى بورسعيد عربية بأربع كاربراتير مصفحة. وكنت بشترى ابوابها بس لقيتا ب 4500 جنية.

[hazem_khidr]

المشاركة الأصلية كتبت بواسطة severeman حازم خضر باشا بعد التحيه تم الانتهاء التام من تجديد عربيتي وانا وعتدتك انته والاعضاء اني بعد ما اخلص تجديد هرفع ليكم الصور هيا غلبتني في التجديد وصرفت كتير جدا واخدت اكتر من شهرين لكن الحمد لله خلصت انتظروا التفصيلات والصور قريباً ========================= ====

احمد باشا واحشني جدا و كنت ناوي اتصل بيك بس رقمك ضاع مني للاسف
المهم طمني عملت ايه و عاوزين موضوع جديد و فيه صور العربيه و الخطوات كلها

المشاركة الأصلية كتبت بواسطة yaser4050 موضوع رائع فعلا أنا لسة بايعها من 6 شهور والله ثابتة جدا و مريحة جدا لكن مشكلتها البنزين و موش كفاية انها قديمة لكنهم رفعوا ضريبتها كمان لمصلحة مين؟ الله أعلم. الغريبة انى شفت أغرب عربية فيات 132 فى حياتى فى بورسعيد عربية بأربع كاربراتير مصفحة. وكنت بشترى ابوابها بس لقيتا ب 4500 جنية.

اهلا بيك يا ياسر باشا
الموتور اللي شفته ممكن يكون اتنين كاربيراتير مافيش اربعه و الموتور دا كان نازل في ال 124 السبور
بس يا ريت تحكي اكتر عن المواصفات اللي شفتها و ليه الابواب كانت غاليه يا تري كان فيها حاجه زياده؟؟