صوت تكة مع الفرملة و الطلعة

[فهمى]

المشاركة الأصلية كتبت بواسطة egyptiaaan بسمع صوت تكة في العربية هي بريليانس جالينل اتوماتيك لما اجيب ال د و اسيب رجلي من علي الفرامل و لما ادوس فرامل عشان اهدي جامد يا تري ده من ايه؟

الكلام ده حصل معايا وأنا عادتا ماباشاركش الا بناءا عن تجربه شخصيه اللى حصل انى بسمع تكه فى الطلعه وتكه مع الفرامل الموضوع ده قعد معايا شهور لفيت على جميع الميكانيكيه والعفشجيه وكل الكلام اللى اتقال فى التعليقات السابقه اتقالى يعنى لو كنت سمعت كلامهم كنت عملت حاجات ب 3000 جنيه والكلام اللى اتقال ممكن يكون السبب او ممكن يكون غيره لغاية مارحت لصديق عنده ورشه ميكانيكا مشغل فيها ميكانيكى قعد يقول نمفس الكلام مره قاعده موتور مره تيل فرامل مره مساعدين الخ الخ وفعلا بدا بالمقص وفك المقص وأداهونى علشان أجيب غيره اخذته لاقيت المقص الجديد زى القديم مافيش اى فرق االمهم ما أشترتش جديد وركبنا القديم تانى لغاية ما الراجل زهق قعدنا فى الموضوع ده حوالى نصف يوم لغاية ما الراجل نزل تحت العربيه فى المجرى المحفوره فى الأرض اللى بيكشفوا منها على العربيه من تحت وقالى أطلع لقدام أرجع لورا خرج من تحت العربيه وقال خلاص اتحلت طلع من تحت العربيه جاب عتله ونزل تانى مافيش 15 ثانيه وطلع قالى جرب الصوت راح ......................... ......... ايه الموضوع انم انا مره دوست على حجر عالى عوج تقريبا بار او حاجه زى كده دى الى بتلمس حاجه تانيه تقريبا المقص تعمل الصوت ده لما هو أستعدل الحاجه دى بالعتله الصوت راح فده ممكن يكون أحد الأسباب والله أعلم .