العربية سخنت وطلعت دخان ......

[romioromio]

طب استاذ ايمن اخر شئ
انا خرجت بيها النهارده والحراره طبيعي برده تحت النص وتروح من تحت الربع لتحت النص
فجيت اشيك عليها لما ركنت لكن المروحه مكنتش شغاله
فقمت مشغل التكييف
لقيت المروحتين اشتغلوا مع بعض
وبرده الحراره عادي

هو ده الطبيعي

[aymangalal]

المشاركة الأصلية كتبت بواسطة romioromio طب استاذ ايمن اخر شئ انا خرجت بيها النهارده والحراره طبيعي برده تحت النص وتروح من تحت الربع لتحت النص فجيت اشيك عليها لما ركنت لكن المروحه مكنتش شغاله فقمت مشغل التكييف لقيت المروحتين اشتغلوا مع بعض وبرده الحراره عادي هو ده الطبيعي

المفروض طالما الحرارة بتزيد وتقل يبقى كده التبريد تمام واساسى ان المروحة (بتاعة التبريد مش بتاعة التكييف) تكون شغالة ويمكن صادفت لما جيت تشيك ان العربية كانت بردت والمروحة وقفت وده احتمال منطقى
بيكمله بقى انك لما شغلت التكييف طبعا المروحة بتاعتة اشتغلت ولما الموترو سخن اشتغلت المروحة التانية
ولو احتمالاتى دى غير صحيحة يبفضل بقىتروح لكهربائى كويس وتتابع معاه الموضوع ده كالاتى:
دور العربية وشوف الحرارة ولما تسخن الامبير هايعلى والمروحة تشتغل اوتوماتيك ولما تبرد المؤشر هاينزل والمروحة هاتفصل
شغل التكييف مروحتة هاتشتغل حتى لو العربية باردة ولما الموتور يسخن المروحة التانية هاتشتغل
اما لو اول ما تفتح التكييف والعربية باردة واشتغلوا المروحتين مع بعض اعتقد كده فى حاجه غلط
وان شاء الله الامور تبقى احسن المهم ماتهملش الموضوع ده لان بسيط وخطير فى نفس الوقت

[romioromio]

النهارده الصبح وهي بارده وواقفه
شغلت العربيه وكانت بارده والمؤشر لسه متحركش كانت المروحتين واقفين

قلت اشغل التكييف
لقيت الاتنين اشتغلوا
ولما فصلتوا الاتنين فصلوا تاني

بس الحراره برده بارده
ورحت الشغل والحراره عادي


ممكن يكون اللي قبلي كان ظابط المروحه تشتغل علي حراره معينه النص مثلا؟؟؟
لان المؤشر عندي تحت النص دايما

[romioromio]

[samehlila]

بسم الله الرحمن الرحيم
دورة التبريد نوعين واحده مغلقه و النوع الثاني مفتوحه
في معظم العربيات الحديثة الدورة مغلقه بمعني انها تمر علي الموتور بعدة خراطيم و لا يوجد مكان لوضع المياة مباشرة بالرادياتير و لكن يتم وضع المياة بقربة المياه

دورة المياة المفتوحه و هي التي في السيارات القديمة و يوجد مكان لزيادة المياة في الرادياتير عن طريق غطاء الرادياتير او في القربة او كلاهما و الدورة بسيطه تتكون من خرطومين واحد لدخول المياة الي الرادياتير من الاعلي وواحد لخروج المياة منه من اسفل

دورة المياه المغلقه ضرورية للسيارات الحقن ( انجكشن ) و ذلك لتوفير درجة حرارة ثابتة للماكينة مناسبة لحرق كميات بسيطه من الوقود

سبب الثبات النستي لدرجة الحرارة في دورة المياة المغلقه عن طريق ثيرموستات ميكانيكي موضوع بداخل كوعة المياة الخارجه من الموتور ووظيفتة انه عند ادارة المحرك و هو بارد لا تدور المياة و تخرج الي الرادياتير قبل ان تصل درجة حرارتها الي 78 درجة مئوية و هو ما يؤدي الي ثبات درجة الحرارة نسبيا في الموتور في مدي من 80 و حتي 90 درجة مئوية

مشاكل دورة المياة المغلقة
1 - تلف في الثيرموستات الميكانيكي بالكوعه و ينتج عنه ارتفاع درجة الحرارة المفاجيئ بعد تخطي درجة 80 مئوية
2 - وجود هواء بدورة التبريد و يؤدي الي عدم سلامة عمل طلمبة التبريد و غليان الميه بالقربة و يتم سحب الهواء عن طريق ادارة السيارة و انتظار وصول درجة الحرارة الي 80 حتي يفتح الثيرموستات الميكانيكي و بالبحث في خراطيب المياة ستجد بلف سحب الهواء و هو غالبا عبارة عن مسمار يتم فكة و تزويد المياة من القربة حتي تمام خروج الهواء بالكامل
3 - عدم كفاءة غطاء القربة او احد الخراطيم او بلف سحب الهواء او الرادياتير به تسريب و كلها يمكن ملاحظتها بالعين و تكون ملاحظتها اسهل في حال ان المياة المستخدمة خضراء فيستدل علي تسريبها او اثر تسريبها حيث ان تعرضها للهواء و هي ساخنه يترك اثر مشابة لترسيبات النحاس يكون ماءل الي اللون البني المحمر
4 - عدم كفائة الثيرموستات الالكتروني الموجود بالموتور و المسؤل عن دوران المروحه او احتراق الفيوز او الكتاوت المسئول عن المروحة

بعيدا عن ماسبق و سبب الدخان هو تسريب الجوانات ووقوع الزيت علي الفرن و هو ساخن مما يسبب رائحة مميزة كريهه لاحتراق زيت الموتور
و سبب تذبذب الحرارة بسيارتك ان يكون الميكانيكي قد قام بازالة الثيرموستات الميكانيكي الموجود بكوعة المية علما بأنه مهم جدا في انتظام الاحتراق و ثبات اداء الموتور في الظروف المناخية المختلفه
و اي خدمة
م / سامح ليله