حاسس ان العربية بترف مش بتتهز

[mama_1979]

اليوم اوانا نازل من الدائرى بعد مشوار طويل (سمعت صوت طقة وبعديها بكيلو سمعتها تانى) ، وبعدها كنت واخد منزل منحنى جامد ، وحسيت ان العربية مش عاوزة تلف وبيقت حاسس كأن فيه رجرجة فى العجل وحاسس بيها فى الدريكسيون

وبعد اما نزلت فضلت عاملة كده فى الطوالى بتاع 2 كم وكنت زى ما اكون سامع صوت تزييق من الدريكسيون وعصاية الفتيس وبعد كده اخدت ملف جامد والمرة ديه كانت شبه مش عاوزة تلف ، بس ربنا اكرمنى ولفت ، وبعد 500 متر من الملف اتعدلت ومبقاش فيها مشكلة ومشيت بعد كده على شوية مطبات عجب (انا فى دار السلام)

العربية 128 والملفين كانوا على اليمين

العيب ممكن يكون من ايه ، وهل ممكن امشى بيها اذا كانت اتعدلت لوحديها

[AbOnOrA]

هو احتمال الكبالن بس الاحتمال الاخطر ان الشاسية يكون فتح وده وارد جداً فى ال 28 فلازم عفشجى يبص عليها بسرعة

[mr_astra]

من وصفك للمشكلة حاسس ان الركبة اليمين او الشمال شرخت
هتلاقى العجل اما ادم لادام اوى او اخر للخلف اوى والعجل بيحك فى الرفرف

[mama_1979]

جزاكم الله خيرا على سرعة الرد

اليوم سالت زمايلى وفيه واحد قاللى ان احتمال تكون كاوتشة الميزان يا اما اللى فى العجل او اللى فى صدر العربية

على فكرة العربية كانت عاملة حادثة مفترية ، واحد قريبى كان دخل بيها على الدائرى فى الحاجز اللى فى نص الطريق عند نفق التجمع الخامس.

عشان تعرفوا الحادثة كانت عاملة ايه ، العربية 128 اتكلفت 11000 جنيه عشان تبقى عربية تانى

ومتهيالى ان موضوع الركبة ده بعيد (اذا كانت اللى فى بالى اللى هيه ماسكة صدر العربية يمين وشمال وعليها لحام كتير) ، والعربية مش بتمشى كتير يعنى عاملة 4000 كم فى خلال السنة ونص بعد تجميعها

انا بسال لانى باحاول اعمل كل حاجة اقدر اعملها فيها عشان مروحش للصنايعية لانهم زهقونى ايام الحادثة وبعدها

يعنى انا قلت احتمال الكبالن ده لانى لسه مغير الكبالن الشمال من فترة قريبة ، يعنى يمكن ممشيتش 1000 كم ، ولقيت الكاوتشة بتاعتها متهربدة (اول مرة اشوف كاوتشة تتقطع 3 حتت)

وشكرا جزيلا على الاهتمام

[mama_1979]

اسف انى اتاخرت على الرد باللى حصل

رحت للميكانيكى قاللى اضبط زوايا ، قلتله بس دي مش مشكلة زوايا

رحت رايح على العفشجى :

نزل تحت العربية وفتح الكبوت ، وقاللى ان المقصات سليمة والركب سليمة ، وقاللى روح اضبط زوايا

المهم انا قلت الناس دي مش فاهمة اللى قولته ، لانى كنت حاسس ان العجل بيتخلع من العربية ، مش بترمى منى

ويومها قلت انا هاطلع بيها على الدائرى اجربها من غير ما اعمل فيها حاجة ومشيت بيها من ساعتها بتاع 350 كم ، وربنا يسترها

انا جبت لقمة فك صامولة السرة باليد بتاعت اللقم عشان افك الكبالن ، وان شاء الله هافكها وانظفها واشحمها واركبلها الكاوتش