ايه اسباب أستهلاك البطاريه وانتهاء عمرها الأفتراضى

[ahmed_eng2001]

استاذ احمد ...

استهلاك العربية كدة مش طبيعى بالمرة ..... عربيتى 8 سلندر ... و بتعمل ضعف الى بتعمله عربيتك تقريبا ... انا بعمل 80 كم فى الصفيحة .... اعذرنى انا معرفش فى نظام الحقن و الكلام الكبير ده ... انا اخرى الكاربراتير .... على العموم ...
لو حضرتك تحب تروح لميكانيكى كويس .... بلغنى وانا ممكن ارشح لحضرتك 2 ميكانيكية كويسين جدا ... ده على حسب حضرتك ساكن فين و رغبتك

مالكى الشيروكى (السيارات القديمة ) لازم يكونوا بالهم طويل .... مفيش حاجة اسمها استسلام للأمر الواقع ... احنا بنحاول مرة و اتنين و نروح لميكانيكى و 2 و نتبهدل شوية لغاية لما ربنا يكرمنا و نجد اسباب للعطل و نصلحه
و ربنا يوفقك

[ahmedraafat00]

المشاركة الأصلية كتبت بواسطة ahmed_eng2001 استاذ احمد ... استهلاك العربية كدة مش طبيعى بالمرة ..... عربيتى 8 سلندر ... و بتعمل ضعف الى بتعمله عربيتك تقريبا ... انا بعمل 80 كم فى الصفيحة .... اعذرنى انا معرفش فى نظام الحقن و الكلام الكبير ده ... انا اخرى الكاربراتير .... على العموم ... لو حضرتك تحب تروح لميكانيكى كويس .... بلغنى وانا ممكن ارشح لحضرتك 2 ميكانيكية كويسين جدا ... ده على حسب حضرتك ساكن فين و رغبتك مالكى الشيروكى (السيارات القديمة ) لازم يكونوا بالهم طويل .... مفيش حاجة اسمها استسلام للأمر الواقع ... احنا بنحاول مرة و اتنين و نروح لميكانيكى و 2 و نتبهدل شوية لغاية لما ربنا يكرمنا و نجد اسباب للعطل و نصلحه و ربنا يوفقك

أستاذ احمد انا بشكر حضرتك على شعورك الطيب بس انا من اسكندريه مش من القاهره
هوه الولد الميكانيكى اللى بتعامل معاه كويس فى مشاكل كتير بيحلها بالأضافه انه قريب من بيتى فأى حاجه بيسعفنى وساعات بيقف معايا كمان فى حاجات مش ميكانيكيه وبيظبطها بأستثناء المشكله دى بتاعت استهلاك البنزين اللى للأسف مش قادر عليها
أنا والله اخر ما غلبت وشاكك حاليا فى اربع حاجات والله اعلم :
1- طرمبة البنزين " لانها الحاجه الوحيده اللى مغيرتهاش "
2- يكون فى تسريب بنزين " مع انى مش بشوف بنزين فى الارض بس ممكن يكون بينزل عالمواسير ويتبخر مثلا خصوصا انى لما بدور الصبح بشم ريحة بنزين من عند الشكمان أو بقى يكون حد بيسرق بنزين والعربيه واقفه فى الجراج !!!!!!!!
3- ترموثتات الكوع : اللى هيا ملغيه عندى واللى عرفت انها بتلعب دور مهم جدا فى توصيل الموتور لدرجة السخونيه المطلوبه لأتمام عملية الحرق بشكل مظبوط خصوصا انى لاحظت انى وانا ماشى بالعربيه مؤشر الحراره مش بيعلى عن الربع الأولانى ومش بيقرب من ال100 او تحت الميه
4- ودى بقى المشكله اللى بتمنى انها متكنش هيا : ان لقدر الله يكون الموتور فيه مشكله فى الصبابات او التاكيهات او الحاجات اللى مش بفهم فيها دى ومحتاج عمره مع العلم ان سحب العربيه كويس مش وحش
انا فى جميع الاحوال زهقت لانى صارف عالعربيه الفتره اللى فاتت دى حوالى 4000 جنيه ومبقاش عندى استعداد اصرف تانى اليومين دول فهستنى شويه بقى وقبل الفحص نبقى نوديها تتظبط ولو محتاجه عمره تتعمر

[ahmed_eng2001]

لا شكر على واجب .. و ربنا يكرمك و تعثر على ميكانيكى كويس فى الاسكندرية يستطيع حل هذه المشكلة قريبا ان شاء الله
الميكانيكى الى حضرتك بتتعامل معاه شكله كويس .... بس ده ميمنعش انك ممكن تشوف ميكانيكى غيره يستطيع ان يفيدك اكتر ..ز
اما عن رايى المتواضع فى الحاجات الى حضرتك ذكرتها ....

1- طرمبة البنزين ... انا لا اعتقد انها المشكلة .... الطرمبة الى عند حضرتك يا اما ميكانيكية .. او كهربائية ... و المفروض ان الطرمبة يكون فيها خط راجع لتانك البنزين مرة اخرى ..... فلو حصل ان الطرمبة حصل فيها تلف ... سحب البنزين يقل و تشعر بيه فى الموتور ....
و لو حصل ان سحب طرمبة البنزين زاد عن الطبيعى ( و ده احتمال قليل جدا ) فالزيادة حترجع فى خط الراجع ..... و لو مرجعتش و دخلت على الموتور على طول ... العربية حتكون مش مظبوطة و ممكن تطلع دخان اسود و العربية تشرق و البوجيهات ترطب ... و حاجات من دى كتير ... فلا اعتقد انها طرمبة البنزين

2-التسريب .... احتمال يكون فيه تسريب .... و ده عاوز من حضرتك صبر ايوب .... تنزل و تمشى على المواسير من التانك و حتى الموتور .... و تراقبها بدقه .. و تراجع على الكوليهات الى رابطة الخراطيم الكاوتش
حضرتك كمان تاخد بالك من الوصلات ... و لو حد بياخد منها بنزين ... ممكن ياخد من فين ؟؟ و تخلى بالك من الوصلات دى

3- ثرمومتر الكوعة .... صعب كتير انها تكون المسئولة عن الاستهلاك العالى للبنزين ... هى ممكن تسبب فى زيادة طفيفة فى الاستهلاك .... بس الاستهلاك بالمنظر ده ؟!!!! اعتقد ان ثرموستات الكوعة برئ منه

4- التاكيهات و الصبابات و الاجزاء الميكانيكية الداخلية ... ليها اعراض تانية مميزة ليها ... غير الاستهلاك العالى للبنزين ... و من الممكن ان اى ميكانيكى يعرفها

فيه حاجة كمان حضرتك لم تذكرها .... الاير ماس فلو ميتر !!!! لو عربية حضرتك حقن اكيد حيكون فيها حاجة زى كدة .. او حساس الهوا

ان شاء الله مش حتطلع عمرة و لا حاجة كبيرة ... اهم حاجة ان انت متزهقش
معلش ... استحمل شوية هى العربيات كدة .... ممكن حضرتك تصبر لغاية لما يكون معاك فلوس تانى و تحاول مرة تانية

ربنا معاك

[ahmedraafat00]

المشاركة الأصلية كتبت بواسطة ahmed_eng2001 لا شكر على واجب .. و ربنا يكرمك و تعثر على ميكانيكى كويس فى الاسكندرية يستطيع حل هذه المشكلة قريبا ان شاء الله الميكانيكى الى حضرتك بتتعامل معاه شكله كويس .... بس ده ميمنعش انك ممكن تشوف ميكانيكى غيره يستطيع ان يفيدك اكتر ..ز اما عن رايى المتواضع فى الحاجات الى حضرتك ذكرتها .... 1- طرمبة البنزين ... انا لا اعتقد انها المشكلة .... الطرمبة الى عند حضرتك يا اما ميكانيكية .. او كهربائية ... و المفروض ان الطرمبة يكون فيها خط راجع لتانك البنزين مرة اخرى ..... فلو حصل ان الطرمبة حصل فيها تلف ... سحب البنزين يقل و تشعر بيه فى الموتور .... و لو حصل ان سحب طرمبة البنزين زاد عن الطبيعى ( و ده احتمال قليل جدا ) فالزيادة حترجع فى خط الراجع ..... و لو مرجعتش و دخلت على الموتور على طول ... العربية حتكون مش مظبوطة و ممكن تطلع دخان اسود و العربية تشرق و البوجيهات ترطب ... و حاجات من دى كتير ... فلا اعتقد انها طرمبة البنزين 2-التسريب .... احتمال يكون فيه تسريب .... و ده عاوز من حضرتك صبر ايوب .... تنزل و تمشى على المواسير من التانك و حتى الموتور .... و تراقبها بدقه .. و تراجع على الكوليهات الى رابطة الخراطيم الكاوتش حضرتك كمان تاخد بالك من الوصلات ... و لو حد بياخد منها بنزين ... ممكن ياخد من فين ؟؟ و تخلى بالك من الوصلات دى 3- ثرمومتر الكوعة .... صعب كتير انها تكون المسئولة عن الاستهلاك العالى للبنزين ... هى ممكن تسبب فى زيادة طفيفة فى الاستهلاك .... بس الاستهلاك بالمنظر ده ؟!!!! اعتقد ان ثرموستات الكوعة برئ منه 4- التاكيهات و الصبابات و الاجزاء الميكانيكية الداخلية ... ليها اعراض تانية مميزة ليها ... غير الاستهلاك العالى للبنزين ... و من الممكن ان اى ميكانيكى يعرفها فيه حاجة كمان حضرتك لم تذكرها .... الاير ماس فلو ميتر !!!! لو عربية حضرتك حقن اكيد حيكون فيها حاجة زى كدة .. او حساس الهوا ان شاء الله مش حتطلع عمرة و لا حاجة كبيرة ... اهم حاجة ان انت متزهقش معلش ... استحمل شوية هى العربيات كدة .... ممكن حضرتك تصبر لغاية لما يكون معاك فلوس تانى و تحاول مرة تانية ربنا معاك

ربنا يخليك يا باشا هوه انا اكيد هفضل ورا العيب بس بعد فتره بقى لانى صرفت كتير
بس ملحوظه : انا اكتشفت ان الأستهلاك بيزيد لما بنزل بالعربيه على مرات متقطعه وفى زحمه نسبيه
يعنى مثلا المره اللى فاتت لمبة البنزين نورت على 70 كيلو وكنت بحط بنزين والعداد عامل 81 كيلو واخدت 40 لتر ال81 كيلو دول كنت بنزل بالعربيه بمعدل تلات مرات فى الاسبوع مشوار حوالى 6 كيلو فى زحمه فى منطقه معينه وزحمه خفيفه يعنى مش زى زحمة القاهره عندكوا التلات مرات دول منهم مره كنت بعمل 15 كيلو

المره دى بقى بعد ما فولت للأخر مشيت يوميها 28 كيلو متصله والسكه الى حد ما فاضيه والنهارده الجمعه نزلت الصبح عملت 58 كيلو سواقه متصله والسكه فاضيه ورايقه جدااااااااا وكده العربيه دلوقتى عامله 86 كيلو ومؤشر البنزين لسه موصلش النص المره اللى فاتت كنت عامل 81 كيلو وبحط بنزين واحدت 40 لتر
نستنتج من ذلك ان السواقه المتصله فى سكه فاضيه الاستهلاك فيها بيقل جدا اما المشكله بتكمن فى السواقه المتقطعه جوه البلد

وهيا دى الخدعه اللى وقعت فيها لما قولت للميكانيكى المشكله وغيرلى حساس الميه وطلعنا بليل جربنا لقيناها اخدت فى 56 كيلو 10 لتر بس وانا فرحت وقولت المشكله اتحلت اتاري ده عشان السكه كانت فاضيه بس

على فكره انا لاحظت ان مؤشر الحراره بيبقى واطى اووووووى هل ده برده ملوش علاقه بين ترموثتات الكوع بالاستهلاك انا صورته لحضرتك والصوره دى المفروض كنت ماشى نص ساعه والمفروض تكون العربيه سخنت لكن زى ما حضرتك شايف المؤشر فى الأول خالص
دى صورة مؤشر الحراره


سؤال اخير هوه ايه ال الاير ماس فلو ميتر ده ؟

[ahmed_eng2001]

ربنا يعينك على المشكلة دى ....

المشى على الزحمة و الطريق السريع بيفرق فى استهلاك البنزين ... بس مش اوى
و برودة العربية بردوا بتاثر فى استهلاك البنزين ... بس مش كتير

الاير ماس فلوميتر ..... حساس بيقيس نسبة الهوا الى داخل الموتور ... و بالتالى كومبيوتر المحرك بيحدد نسبة البنزين الى بيديها للرشاشات ... وجود خلل فى الحساس ده ... بيخلى الموتور يستهلك بنزين كتير

ان شاء الله انا حسال عن المشكلة دى ... و ربنا يبعد عننا الزهايمر