مساعده ضرورى فالباور بتاع جين 2

[subm_etal]

يا جماعه انا حصل معايا مشكله امبارح لسه طازه فجأه لاقيت الدركسيون بتاع العربيه تقل شويه بس بشكل ملحوظ قفلت العربيه و فتحت الكبوت ونقصت شويه زيت من زيت الباور خليته على علامه max بالظبط وسيبتها ساعه و جربت تانى لاقيت مفيش مشكله مشيت بيها حوالى ساعه و جيت اركن حسيت بنفس المشكله فنزلت الصبح اجرب تانى لاقيت المشكله راحت رحت للميكانيكى حكيتله قالى دى يأما علبه دركسيون يأما طلمبه باور روح للعفشجى رحت للعفشجى لقى مفيش مشكله قالى الزيت خفيف شويه وسحب شويه زيت وزود زيت وقالى لو حصل تانى هاتها ابص عليها تانى انا مرتحتش ورحت غيرت زيت بعد مغيرت الزيت بشويه ظهرت المشكله تانى فرحتله مبصش على حاجه هو حرك الدركسيون يمين و شمال وقالى مكنه الباور خفيفه وعاوزه تتغير بصراحه انا مش مقتنع بالكلام علشان كدا قولت استشيركم لان الى مجننى ان الباور ساعات بيشتغل كويس و ساعات بيكون تقيل وفى واحد سألته قالى دا ممكن يكون هوا فالخراطيم بتاعت الباور

[samirayad]

فجأه لاقيت الدركسيون بتاع العربيه تقل شويه بس بشكل ملحوظ قفلت العربيه و فتحت الكبوت ونقصت شويه زيت من زيت الباور خليته على علامه max بالظبط

هو حضرتك العربيه عامله كام ألف كيلو للآن

ونقصت الزيت ليه ........؟

هو كان زياده أساسا

ولا كان مظبوط أساسا ....ولقيته زاد فجأه .....؟

لأن هنا فيه كلام كبير

ولو طلع إللى فى تفكيرى صح

يبقى مش هتتكلف حاجه بإذن الله

وعلاج الموضوع هيكون بسيط وسهل جدا ....؟

[mhamdy75]

متابع

[subm_etal]

هو انا لسه جايب العربيه من شهر والزيت كان اعلى من العلامه من ساعت مجيبتها بحوالى 1سم والعربيه دلوقت ماشيه 80000 كم انا جربت امبارح افضى الهوا وفعلا لاقيت هوا فالخراطيم وطلعت كل الزيت القديم وحطيت بداله زيت جديد بس نفس الموضوع لما بتكون العربيه بارده الدركسيون بيكون خفيف لكن لما امشى بيها شويه نص ساعه او ساعه بيتقل بس طبعا مبحسش الموضوع دا غير لما تكون العربيه واقفه او عالسلانسيه

[samirayad]

مبحسش الموضوع دا غير لما تكون العربيه واقفه او عالسلانسيه

من رأيى بلاش تتعجل فى سماع آراء الصنايعيه

طالما مشكلة الباور بتظهر معاك أكتر

وأنت واقف ومدور

----------------

فكده ممكن تكون فيها حاجات تانيه

زى

1- ضغط هواء الإطارات نازل شويه

2- بلى البطاحات تقيل أو عاوز يتغير

3- بيض المقصات أو بيض الدركسيون فيه مشكله معينه

زى كاوتشاته مقطوعه ولامم تراب ورمال ومخليه البيض قافش شويه

----------------------

طبعا بالإضافه لمعاودة الرباط الجيد على جميع أفزان دورة زيت الباور

وكمان اللواكير الموجوده على علبة الدركسيون

--------------------------

هو انا لسه جايب العربيه من شهر

ووارد كمان يكون سير الباور محتاج يتشد سنه

أو يتغير

وخصوصا لو مكنش إتغير من عمر العربيه