فى سيارتى إنذار وإيموبيليزر .... أتكل على الله وأنام وأنا مطمئن ؟

[akerima]

بعد ستر ربنا - من الصعب جدا تخطي نظام الاموبيلايزر في العربية لانة بيفصل كهربة العربية عن اجزاء كتيرة مسئولة عن تشغيل السيارة

وعلي راي احد اعضاء المنتدي

لو الحرامي تخطي الانذار ودخل العربية وتخطي جهاز الاموبلايزر وقدر يشغل العربية تبقي بصراحة حلال علية عشان هو تعب فيها اوي

توكل علي الله اولا هو احسن حارس - ونام واطمن فلن نري الا ما كتبه الله لنا

[Neo206]

المشاركة الأصلية كتبت بواسطة akerima بعد ستر ربنا - من الصعب جدا تخطي نظام الاموبيلايزر في العربية لانة بيفصل كهربة العربية عن اجزاء كتيرة مسئولة عن تشغيل السيارة وعلي راي احد اعضاء المنتدي لو الحرامي تخطي الانذار ودخل العربية وتخطي جهاز الاموبلايزر وقدر يشغل العربية تبقي بصراحة حلال علية عشان هو تعب فيها اوي توكل علي الله اولا هو احسن حارس - ونام واطمن فلن نري الا ما كتبه الله لنا

فعلا من توكل على الله فهو حسبه
و أنا شايف أن كده أنت عملت الى عليك و الباقى حفظ من الله

[Zazoksh]

/ akerima
/Neo206

ونعم بالله ... صدقت وأوفيت

"وقل لن يصيبنا إلا ما كتبه الله لنا" ... صدق االله العظيم

بس برضة يا akerima لو الحرامى سرق السيارة .. مش حلال عليه .. و حأفضل أنق عليه وأدعى عليه ... ربنا لا يورينا لحظة مثل هذه .

مع أطيب تمنياتى للجميع بالصحة والسعادة ،،،

Zazoksh - Cairo, EGYPT

[moca_moca]

هههههههههههه ده فيه ناس غيري بتحلم كل يوم ان العربيه لتسرقت اهو
سبحان الله

[master.formats]

المشاركة الأصلية كتبت بواسطة Zazoksh إعزائى مشرفى وأعضاء المنتدى الكرام تحياتى للجميع والشكر الجزيل لما تبذلونه من جهد فى توعيتنا وإرشادنا بما فيه المصلحة لنا جميعاً . بداية .. لقد قمت بحجز برتون بيرسونا 2012 كاملة الكماليات (والكمال لله وحده فقط) وذلك بعد فترة حيرة تتجازز 3 شهور لإختيار سيارة تتناسب مع القيمة المدفوع فيها . ولقد إنتهى قرارى إلى إختيار البيروسونا لما لمسته فى هذه السيارة من قوة وإمكانيات يؤهلها لكى تتقدم على كافة الماركات الأخرى من السيارات التى تنتمى إلى فئتها وهى تحديداً بدون ترتيب كما يلى: شيفروليه / أوبترا هيونداى / أأكسنت الأر بى كيا / سيراتو نيسان / صنى وذلك لما تمتاز به السيارة من عوامل أمان قلما تتواجد فى مثل فئتها ... وإن تواجدت يكون ذلك على حساب تزايد القيمة (الغير مبرر من وجهة نظرى) . نعم الاختيار و تفكير سليم ان شاء الله و ربنا يبارك لك فيها.. سؤالى لجميع الأخوة الأفاضل: هل وجود إنذار فى السيارة + نظام إيموبيليزر فى المفتاح يجعلنى أتكل على الله وأنام وأنا مستريح البال على السيارة ؟ ولو بدرجة أعلى نسبياً ؟ أم أن تلك الأنظمة يمكن تخطيها بكل سهولة من جانب سارقى السيارات ؟ طبعاً توكل على الله... أولا و أخيراً... الانذار في سيارات بروتون انذار فتح أبواب و شنطة وليس انذار صدمات ده مبدأياً.. وهو صوته مميز و دي ميزة فيه مش شبه أصوات الانذار التانية.. وبعد التوكل على الله.. طبعأً الانذار و الايموبيلايزر بتصعب السرقة و بتضيق مجال اللصوص اللي ممكن يتعاملوا معاها.. يعني مش أي واحد ولا عيل مدمن ممكن يعرف يسرقها.. لكن طبعاً كل نظام أمني له مداخل وثغرات واذا كانت البنوك بتتسرق مش هيسرقوا عربية في الشارع؟؟ في بي ام دبليو ومرسيدس بتتسرق.. وربنا يحفظنا جميعاً.. الأفضل انك تغطي رقم الشاسيه اللي على التابلوه لأن ده لو حد سرق الاكواد من التوكيل ممكن يعمل مفتاح أصلي للسيارة باستخدامه وده اللي حاصل حالياً مع السيراتو و الالنترا.. والحمد لله ان بروتون مش منتشرة فمش مطمع و مش كتير بيفهموا فيها.. هل الموضوع يستحق عمل بوليصة تأمين بكامل قيمة السيارة (على الأقل لمدة سنتين قادمتين) ؟ موضوع التأمين أنا عن نفسي بستحرمه..!! مع أطيب تمنياتى القلبية للجميع بالصحة والسعادة ،،، Zazoksh - Cairo, EGYPT

ربنا يبارك لك في العروسة و يحفظها لك و يحفظنا جميعا من المجرمين..
وأهلا بيك.