|
|||||||
| بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات. |
 |
|
|
أدوات الموضوع |
|
#1
28-08-2011, 09:55 PM
|
||||
|
||||
عايز تعرف اى حاجه عن الساجا ادخل هنااااااااا
عايز تعرف اى حاجه عن الساجا ادخل هنااااااااا
السلام عليكم ورحمة الله وبركاته نظرا للاقبال الشديد علي هذه السياره و لتسهيل جمع المعلومات عنها هنجمع كل المعلومات عنها هنا طبعا الموضوع ده شامل كل المواضيع الي اتنشرت في المنتدي من الاعضاء الافاضل اولا مواصفات السياره الابعــاد : 4257 * 1680 * 1502 الوزن : 1035 مانيوال , 1065 اوتوماتـك حجم الشنطــه : 413 لتــر قـوة الموتـور : 94 حصان - 6000 دوره عـزم المحــرك : 120 نيـوتن متر - 4000 دوره من 0 : 100 كم/ساعه (ثانيه) : 13ث -مانيوال- / 14.5ث -اوتو- الازاحـه الإجمـــاليـه ـ cc ـ : 1332 اكيـاس الهــواء : 1 للســائـق حجـم الكـاوتـش : 185/60R14 ----------------------- -:: تجهيـــرات السـاجـــا ::- - امبـلويزر , انـذار . - تكييـف (بارد & ساخـن) . - 1 كيس هـوائـى للسـائق . - باور . - فانوس فرامــل . - دعمــات صلــب فى الجوانـب . - مرايات كهـربائيــه جانبيــه . - قفـل مركزى . -2 ريموت كنتــرول . - 2 زجاج كهـربائـى امامــى . - تعـديل مستـوى الدريكسـيون لاكثر من وضعيــه . - كاسيت (راديو & اديو CD) . - منفذ كهرباء 12 v - 2 سماعات اماميــه , 2 سماعات خلفيــه . - بارك سينـسور . - جنط رياضى . - 5 احـزمة امــان . - 2 فوج لايت امـامــى (مصابيح شبوره) . - فوج لايت خلفي - 5 حامل اكواب . - مقابض الابواب , المرايات الجانبيه , المصدات -بنفس لون السيــاره- . - التحكم في ارتفاع و انخفاض كرسي السائق - فتح التانك و الشنطه من الداخل - سخان زجاج خلفي - عداد رحلات ----------------------- -:: الأسعــــار ::- المـانيـوال : 63,900 الاوتـوماتـك : 68,900 ________________________ --------------------- الحاجات الي بتستلمها مع العربيه الدواسات شنطه العده (مفتاح ربط العجل - اريال السقف - شنكل القطر - زراديه - مفك - مفتاحين ربط كبير و صغير - مفتاح تاني تقريبا بتاع ربط الاستبن ) الاستبن و الكريك كتالوج العربيه كتالوج الكاسيت كتيب الظمان طبعا نسختين المفتاح (للاسف كان في مفتاح واحد و قالولي هيبعتوا يجيبوا التانيو طبعا كتبت ده في الاقرار) اهم حاجه الكود الي بيجي مع المفتاح ده تشيله في الخزنه في البيت علشان لو مفتاح ضاع تعرف تطلع عليه _______________________ ------------------ خطوات التراخيص جبت ملف عربيه جديده من المبني الي فيه الخزنه 40 جنيه بعدين جيت طلب فحص و استمارة طفايه 16 جنيه اشتريت طفايه 121 (طبعا انسي لو في باقي لازم تقفله) تروح نختم الطفايه جبت الراجل بتاع البصمه هتلافيه لابس عفريته و ماسك قلم رصاص طويل جدا هيعمل البصمه و شوفه في 5 جنيه هتخش علي الفحص المهندس اركن العربيه في حته مش ملطش علشان انت عارف مهارات الشعب المصري وبعدين تدخل علي مكتب الترخيص الجديد هتلاقي موظفه قاعده مش طايقه نفسها و هتكتب شوية حجات علشان تجبها ركز في الحاجات علشان مش هتسمع حاجه و خطها بيبقي منيل الي انا فاكره و البنت الي عملتلي التامين قالتلي علي الباقي 2 صورة بطاقه 2 صوره طلب نمر و تدفع التامين الاجباري 225 جنبه للثلاث سنوات (ضرب علي القفا طبعا بس لابد منه) و ترجع للموظفه تاني هتاخد منك الملف و تهتقولك استنا لما تسمع اسمك طبعا انت و حظك (طبعا متستناش لما حظك اليوم في الجرنان يكتبلك هتخلص في ساعه) هتسمع اسمك هتديد و رقتين هتروح تدفع الضربيه علي الثلاث سنوات 773 جنيه ( طبعا متستناش الباقي برضوه ) هيديك صورتين من الايصال واحد ليك و التاني للموظفه و بعدين تروح مكتب اللوحات هتديها الورقه الثانيه هتختمهالك (طبعا متستعجلهاش) هترجع تاني عند الشباك للموظفه هتديها الايصال و الورقه الي اتختمه عند مكتب اللوحات شويه من عشر دقائق لنص ساعه برضوا انت و حظك هتديك و رقه تروح توديها في اخر المكان الي انت فيه الي بيطلعوا منه الرخصه ( طبعا متحاولش انك توصل للشباك اوصل لاقرب مكان و ادي الورقه للي قدامه هتوصل ) هتستنا تاني هتكون تعبت طبعا من كتر اللف شوف حته اقعد فيها قربيبه علشان هتسمع اسمك علشان تستلم الرخصه هتستلم الرخصه و تروح جري علي المكان الي جبت منه الملف في الاول و دفعت في الضريبه تجيب ايصال تركيب لوحات 8 جنيه (ضرب قفا برضوا) و تروح لمكان اسمه الخطاط هيكونوا بعتوا اللوح عليه هتديله الرخصه و الايصال و هيطلع النمره و يديك الرخصه تستنا شويه هينادي علي الرقم بتاع العربيه تكون انت في الشويه دي خرمت العربيه علشان تعلق النمر هتسمع النمره هتقول تمام يا فندم هيجي الباشا يركبلك النمره هتراضيه برضوا 5 جنيه و كده الف مبروك خلصت المرور ( طبعا لازم تكون راضي ابوك و امك علشان يدعولك تخلص في يوم واحد ) هتاخد العربيه و تروح تناااااااااااام لانك هتكون اتهديت ___________________ ---------------- سؤال و جواب استهلاك البنزين في الساجا ؟ بتعمل حوالي 7 لتر في 100 كيلو علي سرعه اقصاها 60 يعني في معدل الاستهلاك يقل لو السرعه زاده عن كده و العربيه بتلين الضمان ؟ الضمان بقى 100 الف كم او 3 سنوات ايهما اقرب طريقة التعامل مع التوكيل ؟ للتعامل مع التوكيل يجب ان تقوم بالاتصال بالتوكيل عشان يحددوا ليك ميعاد التامين ؟ افضل حاجه التامين مع عز وده بيكون 3,5 % و بتروح تودي العربيه و تستلمعا لما بتخلص من غير وجع دماغ اسعار قطع الغيار ؟ فانوس امامـى : 820 فانوس خلفـى : 315 رفرف امامى : 435 رفرف خلفـى : 1200 فلتر زيت : 50 سير الكاتينـه : 440 البليـه : 460 سير المجمـوعه : 155 طبعا اتعمل من كام يوم خصم 10% علي كل السيارات بروتن هل الباور تقيل؟ لا مش تقيل و مش ناعم اوي هو في المتوسط وده افضل علي السرعات العاليه بيخليك تتحكم افضل في العربيه صوت السمعات هل هية سيئة؟ بالعكس تماما صوت السماعات ممتاز اخبار التقفيل اية ؟ جيد جدا و لسه مظهرتش عيوب فيه خامات التبلوه ؟ خامات التبلوه جيد جدا بس طبعا مش فخمه تمتاز بالعمليه اكتر و هيا افضل من الانوس و الافيو السعه اللتريه لتانك البنزين ؟ 40 لتر و يوضع بنزين 92 الالوان المتوفره ؟ اسود احمر ابيض فيروزي فضي ميتال جراي اماكن عز العرب ؟ في 3 فروع خاصه بعز العرب فرع الصحراوي وده موجود قبل بوابات طريق مصر اسكندريه الصحراوي على اليمين فرع العجوزه وده موجود تحت كوبري اكتوبر قبل نزلة الدقي على اليمين وانت رايح على الدقي (مش فاكر اسم الشارع) فرع مدينة نصر وده موجود في شارع ذاكر حسين الاسكندريه داون تاون كيلو 1 الطريق الزراعي ابيس مراكز معتمده الغد في المنصوره شارع عيسي امام كبري المرور انطباعات من مالكي السياره العضو allo الشكل الخارجي : أول متبص على العربية ترتاح لشكلها , جذاب من غير تعقيد وأحلى من اللوجان أو اللانوس أو الفيرنا (وجهة نظري طبعاً) بس تحس انها ملمومة شوية في العرض وده اللي هيسببلك المفاجأة لما تفتح العربية الشكل الداخلي: تفتح العربية تفاجأ انها واسعة من جوة يعني اللي سايق يرجع الكرسي براحته واللي وراه قاعد مرتااااااااااااااااح الفرش مريح وانت سايق تحس بالألفة كده تحس انك تعرفها من زمان (بجد والله) التابلوه جميل والدريكسيون شكله لذيذ ,الكلاكس في الطارة بعكس اللوجان زرار في دراع الإشارة الخامات الداخلية كويسه وأنضف من عربيات كتير (معرفش مين اللي كان بيفتي ويقول الخامات مش قيمة ؟ تقريباً كاب بيقارنها ب BMW?) الكنبة الخلفية مريحة وفيها 3 أحزمة أمان تشغل العربية الصوت مش عالي مقبول للسمع بس لما تزود بنزين يبقى زي مقال البروتونية في نايل موتورز (زئير وليس أنين) مش هقول زي التربو بس فيه إيقاع جميل تحب تسمعه. الشنطة مساحتها كويسة جداً مش ضيقة التنك والشنطة طبعاً بيتفتحوا من جوه الكاسيت سي دي كلاريون نضيف جداً وفي حامل أكواب أمامي في التابلوه وخلفي في الأبواب زجاج كهرباء للأبواب الأمامية ومرايتين كهرباء انا جيبتها مانيوال لإني مبحبش الأوتوماتيك عصاية الفتيس طويلة مش قصيرة بس مبتتهزش زي بعض العربيلت العربية مزودة بكمبيوتر رحلات TRIP والشاشة فيها مؤشر حرارة وبنزين .....إلخ الإضاءة الداخلية في منتصف سقف السيارة وقوية تغطي السيارة بالكامل الكشافات الأمامية قوية وإضائتها ممتازة وكشافات الشبورة قوية جداً مع اني كنت مستصغرها في الحجم العربية مزودة بجهاز انذار( مبيشتغلش بالاهتزاز للأسف بس لو أبواب أو شنطة أو كبوت العربية اتفتح السرينة تشتغل) وحسب مفهمت من الكاتالوج ان كل مفتاح ليه شفرة ترسل لاسلكياً للسيارة وليه ID معين ومش ممكن العربية تشتغل بمفتاح تاني حتى لو كان نفس الشكل وفتح كونتاكت (قاطع دائرة الكهرباء أو حاجة زي كده) جنوط سبور بارك سينسور وسادة هوائية للسائق عجبني قوي ان العربية ليها حلقتين حديد تتشد منها من قدام وليها حلقة بتركب ورا ممكن تشد انت بيها طبعاً العربية لسه بتلين مقدرش اقرص قوي عليها علشان اشوف اقصى سرعة والتكييف والكلام ده بس بجد انا بحاول أحكمها لإني بحس ان العربية بتشد جامد زي متكون عايزة تجري لوحدها العفشة محترمة جدااااااااااااااااااً مش هقولوكو انا رحت بيها فين بس فعلاً شارع كله تكسير زي المرجيحة ومع ذلك العربية ناعمة جداً متحسش بخبط أبداً وتحكمها سلس جداً ارتفاع العربية عن الأرض مناسب (مش زي اللانوس ولا الفيرنا) فيها مزيل ضباب للزجاج الخلفي انا روحت أمون العربية كان البنزين على أول شرطة low مونت 31.5 كده يبقى التنك مش أقل من 35 لتر تقريباً العضو amr 1973 المميزات :
طيب نيجى للعيوب و بعض الحلول
يوجد صوت تزيقة شوية ادام و لما اتصلت بالتوكيل عشان الصيانة قالوا مافيش مشكلة هاتتعمل عادى تربيط عفشة و ان شاء الله لما اروح صيانة الالف هابقى اقول لكم اية اللى حصل 3- العربية استهلاكها فى البنزيين عالى شوية و لما برضوا تصلت بالمهندس امر الكوافى قالى ان ده عادى جدا لان الماكنة لسة مافتحتش و انها فى صيانة الالف هاتتظبط و ان شاء الله فى صيانة الخمس الاف هاتبقى المعدل الطبيعى او هاتوصل للمعدل الطبيعى فى استهلاك البنزيين 4- اهم حاجة خلو بالكو من المفتاح بتاع العربية و الريموت و خلى بالك كويس فى حالة تغيير البطارية لان فية حاجة اسمها الامبوليزر و ده عشان ماحدش يعمل مفتاح على العربية و يسرقها لان اى مفتاح مصطنع مش هايدور العربية 5- المدى بتاع الريموت ضعيف شوية و طبعا بعد شوية بحث لاقيت فيديو للمشكلة دى ممكن نشوفة و انا ان شاء الله هاحاول اجربة و اشوف العضو a.ibrahem اختبار قياده اما عن التجربة فكان هناك عربيتين واحدة مانيوال و واحدة اوتوماتيك اختارت الاوتوماتيك . اولا انطباعي عن العربية من بره الشكل جيد الفوانيس الامامية و الخلفية واضحة جدا الشبكة الامامية و شبكة الاكصدام بتتدي انطباع رياضي للعربية بالنسبة للصاج فهو مش بسمك الجين 2 و لكن هو عادي التقفيل الخارجي للعربية مناسب جدا و لا يوجد فراغات او تعويجات واضحة حتي مع التدقيق من احد المميزات التي تلفت النظر عند فتح باب السيارة الامامي او الخلفي تجد سهولة في الدخول و الخروج من و الي السيارة و ده نتيجة ان الباب بيفتح 90 درجة و السقف ارتفاعه كويس . اما بالنسبة لارتفاع السيارة فهو مناسب جدا للظروف المصرية و لا يقل عن من 15 الي 17 سم و يمكن اكتر و طبعا مع نظام التعليق الجيد فدي ميزة تانية للعربية داخل العربية الخامات بوجه عام جيدة و انا اديها تقدير جيدة جدا بالنسبة لعربية بالسعر ده من تابلوه و بابان و كراسي بالنسبة لتصميم التابلوه وجهة نظري الشخصية انه جميل و مرتب و سهل و زي ما قلنا اماكن التخزين هايلة و كتير و مختلفة الاحجام و الاشكال القاعدة في الكرسي الامامي جيدة من حيث مكان الرؤية و التمكن من كل الحاجات اللي جوه العربية حتي بالنسبة للكنبة الخلفية مع الاخذ في الاعتبار اني طويل187 سم و لكن القعدة اللي ورا مريحة جدا ان كان في طول الرجلان او الراس المرايات تعتبر ممتازة بالنسبة طبعا للجين 2 و مجال الرؤية واضح جدا في التلت مرايات العدادات سهلة و مريحة و ليها طابع رياضي شوية و طبعا نفس لون الجين 2 البرتقالي هي و الكاسيت اول مادورت العربية المارش سلس و سهل و الصوت هادي . مارشدار و رجعت لورا مجال الرؤية من الشباك الخلفي جامد جدا و بدأ يظهر اول عيب دواسة البنزين صغيرة و علي الجنب اوي و الكونسول من تحت عريض فمخليها ضيقة شوية حركة الفيتيس سهلة و ناعمة وهو اوتوماتيك مع اول انطلاقة و الخروج علي الطريق فوجئت من الموتور استحالة ان هو يكون 1300 الاداء بتاعه عالي جدا و سلس و انطلاقه في رشاقة و قوة ملحوظة و اللي بيديله ده ان 94 حصان و خفة وزن العربية الكيك دون بيحول العربية من عربية اقتصادية صغيرة الي عربية سبق من حيث القوة و الاداء و الصوت انا وصلت بيها لغاية 90 كم و الاداء كان هايل بالنسبة للموتور و الاستجابة لدواسة البنزين سريعة حتي الاستجابة مع الفيتيس جيدة العفشة علي الرغم من ان الكاوتش بتاع العربية كان منفوخ بزيادة و لكن العفشة كانت جيدة و ادائها كويس من حيث النعومة هي مش ناعمة قوي و لكنها مقبولة و مريحة نظام التوجيه في استجابة عالية جدا و في المناورة و دخول المنحنيات اما عن الغرز فخد ت واحدة كده في السريع و تقديري انها حتبقي جامدة و متماسكة حتي لو الغرز جامدة و ده شئ كان متوقع من بروتون فرامل العربية استجابتها حلوة و فيها قوة و زي الجين 2 فيها جزء فراغ في الاول و لكن بطريقة مقبولة في المجمل انا شايف ان هي صفقة رابحة جدا من صفقات بروتون امكانيات عالية موتور و ثبات هايل جدا مساحة داخلية و شنطة كبيرة بالنسبة للحجم الخارجي اما عن العيوب فهي طبعا سعر اعادة البيع و توافر قطع الغيار و اسعارها و اامل ان في المستقبل الموضوع ده يتحسن العربية مناسبة للفئات (شباب اسري سيدات كبار السن) العضو power للانطباع عن العربيه انا معايا عربيه تانيه 505 بيجو انا حبتها 1300 علشان تبقي اقتصاديه و ترحمني من الركنه اكتشفت انك راكب عربيه عربيه الموتور قوي جدا بسم الله مشاء الله لا يقارن بالسيارات 1300 اطلاقا العربيه واسعه و مريحه جدا جدا و دي ميزه لم اجدها في سيارات اخري كتير جدا و خلي بالك ان انا بتكلم في الوسع و الراحه و انا راكبي عربيه كبيره اكيد معظمكم عارف و سع و راحت البيجو مكان المفاتيح و التحكم سهل جدا جدا الدبرياج مريح جدا و استجابه البنزين سريعه جدا بسم الله مشاء الله الفرامل ممتازه و اقصد ممتازه بمعني الكلمه افضل بكثير من (الانوس- الابترا - الافيو - الوجان - فيرنا - شاهين - ماتركس) مساحات الكنبه الخلفيه ممتازه انا برجع الكرسي بس مش للاخر يعني انا بكون مرتاح و الي في الخلف مرتاح جدا صديقي الي قعد في الخلف طوله 186 سم بالنسبه للتكيف مجربتهوش بصراحه الجو مش ناقص روحت فولت العربيه التانك 40 لتر هيا اخدت حوالي 32 الاجمالي 60 جنيه بنزين 92 العفشه بالنسبالي مش ناشفه اطلاقا انا مش بحس بالمطبات بالنسبه للعزل من جيد الي جيد جدا متنسوش اني برضوا راكب عربيه قديمه يعني لو قلت شبه ممتاز ابقي مش متحيز لحاجه السنسور بارك ممتاز انا بصراحه اول مره اجربيه و اكتشفت انوا بيجيب الرصيف كمان مش العربيه الي وراك بس طبعا بيشتغل مع الريفرس صوت الكاسيت جيد انا لسه مجربتهوش بجد [IMG]http://www.**********.net/Nile/images/smilies/049.gif[/IMG][IMG]http://www.**********.net/Nile/images/smilies/049.gif[/IMG] المرايات ممتازه في تغطيه المساحات العربيه في التقيم من و جهت نظري بالنسبه للفئه السعريه و القيمه هي افضل سياره ممكن تقتنيها بالسعر ده و هي افضل من سيارات اخري اعلي سعرا طبعا كل ده انطباعات اولي و ليست اخيره شويه صور للعربيه   [IMG]http://www.**********.net/Nile/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 692x519.  [IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجك الطبيعي.  [IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجك الطبيعي.  [IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجك الطبيعي.  [IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجك الطبيعي.    __________________  منقوووووووووووووووووول 
|
|
#2
03-09-2011, 04:54 PM
|
||||
|
||||
رد: عايز تعرف اى حاجه عن الساجا ادخل هنااااااااا
الموضوع وحش و لا ايه
 : shwt:
|
|
#3
20-09-2011, 06:17 AM
|
||||
|
||||
|
رد: عايز تعرف اى حاجه عن الساجا ادخل هنااااااااا
لا يا باشا الموضوع جميل بس عشان هو منقول انا مش قادر اتناقش مع صاحب الموضع لان فيه حجات كده مضيقاني وكلام غريب مثلا يعني ايه المتور كام برو ايه دا عباره عن ايه وايه الجامد الي فيه متور عادي جدا وفهمش اي جديد وفتيس اتوماتك عادي وبعدين البروتون اه طبعا كويس عربيه اثبتت وجودها بس يعني مش الي هو متطوره دا لسه ربنا كرهم بال CVT انهم يعملوه ونزلوه في عربيه ومعندهم اسلوب تطوير في المواتير او تكنولجي خاصه بيهم لسه تحت راعه متسوبيشي لسه الشركه مبقتش الي الواحد يفرح بيها اوي ويقول تكنولجي ولا قوه ولا حاجه لسه كل دي متور وفتسات عديه جدا مفهاش اي جديد حته العفشه بتاعت الجين تو متسوبيشي لانسر تفير فلتر بنزين بتعها بقلتر دايو او شفوليه كده يعني ... وهكذا بس برضو لازم اقر انها شركه محترمه جدا بتحول تتطور نفسها بأستمرار ابتدت تعمل عربيات تربو وريسر فيها اعتماديه وانا طبعا افضل عن عربيات كتير يعني لو البروتون الساجا واي عربيه صيني اين كانت حختار الساجه لان اعتماديتها اعلا
والرجاء تقبل وجهت نظري
__________________
|
|
#4
25-09-2011, 03:37 AM
|
||||
|
||||
|
رد: عايز تعرف اى حاجه عن الساجا ادخل هنااااااااا
تسلم تسلم وكمان مرة تسلم انا استفدت جدا
انسالله رايح اتعاقد عليها بكرة كانت نظرتى اتهزت فيها شوية لما رحت وشوفتها نونو كدا والخامات مش اوى بس فعلا هتتفاجا من المساحة جوا وكمان خطولت ترخيص اللى هتفيد كل اللى هيرخص جديد
|
|
#5
25-09-2011, 03:57 AM
|
|||
|
|||
|
رد: عايز تعرف اى حاجه عن الساجا ادخل هنااااااااا
جزاكم الله كل خيرا علي الاستفادة
__________________
جهاز كسر زيرو بالعلبة والضمان وكامل المشتملات وامكانيات عالية http://www.masrmotors.com/vb/showthr...599#post583599
|
|
|
|
