انا محتارة بعد ما شفت الفيديو ده لانى بفكر فى بريليانس

[نوجا28]

انا قلت اشوف رايكم لانى شفت اختبارات تصادم لعربيات كتير منها تويوتا ونيسان وكله بصراحة اتدمر والناس بتقول ان كل الحديث صاح ضعيف طيب انا اعمل ايه هو انا مقتنعة ان الحادثة قضاء ربنا لكن يهمنى فى العربية صناعتها نفسها تكون جيدة وقليلة الاعطال فانا بفكر فى بريليانس fsv وشيفروليه افيو ومحتارة وعماله ادور
ولقيت الفيديو ده قلت تقولوا رايكم لو سمحتوا للعلم هو كان فى 2009 يعنى مفروض انها بتطور كل سنة عن التانية ولسة محتارة خايفة تطلع مجرد منظر وناس تقول الافيو عفشة ناشفة والحيرة مغلبانى ياريت حد يساعدنى

http://www.youtube.com/watch?v=zoULph4w8No

[نوجا28]

ده نفس اللى حصل لتويوتا كورولا ونيسان

[حسام البورسعيدى]

انا انصحك برينو لوجان .. عربية اكتر من ممتازة ومحدش اشتكى منها الى الان ..

عيبها الوحيد ان قطع غيارها غالية شوية ..

ولمعلومات اكتر عنها شوفى حضرتك اللينك ده

http://www.masrmotors.com/vb/showthread.php?t=51487


وبلاش الفيو لان مشاكلها وعيوب الصناعة فيها كتير ...

[zaky1985]

جيبى لادا بقى
شوفى الحوادث دى فعلا قضاء وقدر زى ماقولتى
وبتبقى برضو على حسب قوة التصادم اللى بيحصل

عموما الافضل من ناحية الأمان العربيات الأوروبى
علشان الايرباجز والفرامل abs والثبات ع الطريق .... الخ
ده غير اختبارات الامان بتاعت المواصفات الاوروبية
وعندك كمان .. العربيات الفرنساوى (رينو مثلاً) كلها بتنزل باكصدامات فبر .. ودى بتفرق كتييييير جدا عن الاكصدام الصاج فى حماية السائق فى حالة الحوادث لا قدر الله

أنا برشحلك 3 عربيات (فى نفس الفئة السعرية وأعلى فى تجهيزات الأمان والصاج بتاعهم افضل من الكورى والصينى)

وهما فيات بونتو بحوالى 71000
رينو لوجان بـ 67000 ... والكاملة بـ 70000
رينو سانديرو (الهاتشباك من اللوجان) بتعمل 71000 والكاملة بـ 75000

وبالتوفيق ان شاء الله

[خالداعزالناس]

افضل السيارات الان من حيث الاسعار :

سيارات هيونداى الكوريه ....... وعلى اد الميزانيه ...... اشترى من هيونداى
سيارات أكثر من رائعه ..... وعمليه ..... وقطع غيار متوفره ومعتدله فى الاسعار

مع احترامى لكل السيارات .... رينو لوجان .... سياره مدمجه جدا جدا
وفقيره فى الشكل الخارجى والداخلى الى درجه كبيره