هـــو فـــي ايــــــــــــــــــــه!! ؟؟

[smasherone]

المشاركة الأصلية كتبت بواسطة azazi انا احب اقولك ان العربية ممتازة و مافيش اي حاجة من اللي سمعتيها دي حقيقة و لو عايزة العربية عندك معرض المجموعة البافارية نفسه و خلينا نستخدم عقلنا شوية ؛ ازاي هتقفل و عمالين ينزلو موديلات جديدة و يستثمروا ملايين فيها و لو نلاحظ ان اي وكيل قفل قبل كدة كان قبل ما يقفل مر بسنوات من تقلص في نشاطه يعني ولا بينزل موديلات جديدة ولا بيستثمر في مراكز صيانة و خدمة عملاء ؛ هيصرف عشان يقفل وللا يلم فلوسه و يكسب!!

عزيزي رد واحد بس على كلامك ان السياره البريليانس قال ايه تحسها ألماني!!!! http://www.youtube.com/results?searc...rash+test&aq=f

لو بتتكلم في امان طالما كده كده صيني خليك في الام الفن و بالنسبه لصاحبه الموضوع ابعدي عن التيجو لانها صفر من خمسه في اختبار التصادم زيها زي البريليانس اللى ب 168000 جنيه!!!
و دي الام الفن الاسبرنزا صخره

http://www.youtube.com/watch?v=IXejbdkIiOI

نصيحة ابعدي عن الصيني في مصر لان مصر ضيعت سمعة الصيني اللي واخداها بره لان كل الوكلاء في مصر يهمهم المكسب قبل اي حاجه فتلاقيهم يجيبوا اردء انواع الصيني وطبعا الشعب اللي ×××× وكله عند العرب ايه صابون طبعا

ويبقي انتا اكيد في مصر

[khaledazizeg]

المشاركة الأصلية كتبت بواسطة nayra nona السلام عليكم و رحمه الله في البدايه احب اشكر كل العاملين على المنتدى وبعدين بقي انا موضوعى غريب شويه انا بقالى فتره بدخل المنتدى عشان كنت عاوزة استفسر عن العربيات البيرليانس عموما و ال frv و السيدان بوجه خاص و كان الكلام فى المنتدى عن الناس اللى فعلا معاهم العربيه دى .. وكل الناس كانت بتشكر فيها وحتى اللى مش عاجباه ف هى مش عجباه عشان اسمها صيني مش اكتر ولا اقل وناس كتير متخيله ان العربيه مدام صيني يبقي هتبقي هى والارض في سواا واحد بعد اول مطب واحنا مش مقتنعيين بالكلام دا و بصراحه من كتر الناس اللى شكروو فيها احنا اطمنا وكمان لآن فيها وسائل امان كتير اوى والتوكيل بتاعها محترم جداا فعلا اقتنعنا ان العربيه جامده جدااا و سعرها مناسب و الأوبشن اللى فيها عاليه وكمان شكلها رهييب وفعلا توكلنا على الله وروحنا عشان نجيب العربيه . . . . الاقي بقي كل ما ادخل معرض نسأل على العربيه دى لقيتها مش موجوده فى معارض كتير برغم من انها معارض كبيره ويوجد بها جميع انواع السيارات وبعدين نلاقي المبيعات فى المعرض يقولنا لا لا لا ابعد عن العربيه دى دى مش منتشره وخلاص قربت تسقط في مصر واللى يقولى دا البفاريه هتقفل قسم البيرليانس واللى يقولى العربيه من اسوء العربيات والكلام دا اتكرر فى اكتر من 3 معارض لغايه ما بالفعل قلقونا و اتراجعنا فى قرارنا وقولنا هنشترى عربيه تانيه ( غالبا تيجو اسبيرانزا ) ف انا بجد مش عارفه هل العربيه فعلا وحشه ؟ هل قله تداول العربيه ممكن تخلى البفاريه تبيعها لوكيل تانى لو يتم التنازل عنها و غلق التوكيل فى مصر ؟ ولا دى مؤامره في السوق المصري لأسقاط العربيـــــــــــــــــــ ـــــــــــــــــــــــــ ــــــــه فى مصر ؟؟؟؟ بسبب سعرها اللى اقل من اسعار عربيات كتير فى نفس امكانيتها وانا شايفه كدا لآن العربيه لو فعلا انتشرت كلو هيشتريها اصل ليه هدفع اكتر لما ممكن ادفع اقل فى عربيه محترمه برضو ptmnlo123per183ptmnlo123p er183 اسفــــــه على التطويل و ارجو سماع الأراء

انا عايز اوضح حاجة
انا معايا بريلينس frv 1600
frv 1300
والحمد لله العربيتين زى الفل والتوكيل البفارية وكيل BMW مابيتأخرش عننا فى حاجة
وانا عارض ال1600 للبيع عشان عايز اجيب الكروس اوفر وان شاء الله عن قريب هجيبها
وانا بصراحة مقتنع بيها جدا جدا وربنا يباركلى ويبارك لكل مالكيها فيها
وانا كان معايا لانوس واقسم بالله الfrv احسن منها مليون مرة فى الثبات والتسارع والوسع الداخلى
وكان معايا فيرنا ماقعدتش معايا شهرين بسبب الفرامل والثبات السئ للغاية
وبصراحة الfrv حمالة قسية يعنى انا ساكن فى منطقة مكسرة والحمد لله العفشة زى الفل
والشاسية ممتاز بسبب زاوية الميل

[alymonir]

أنا رأيي إن البريليانس أفضل الصيني في مصر
ولكن
إبعدي عن الصيني
أنا رأيي إن الصيني مايتشراش في مصر إلا بعد 5 سنين على الأقل
لحد ما تتضبط الجودة اللي بتنزل مصر

[akramesg]

الموضوع قديم بس هرد وخلاص
بص يا ستى الموضوع ان سياسة التسعير فى البافارية تعتمد على اختبار السوق بمعنى انهم بيحطو سعر ويشوفو رد الفعل
مثلا ال FSV auto نزلت ب 102 وبعدين 98 وبعدين 95 وبعدين حاجة وتمنين واخيرا 82 ومظنش هتنزل تانى
وحسب كلام رئيس قسم المبيعات انهم ملقوش السعر دة منافس وان البدائل كتير فى الفئة السعرية
بالتالى المعارض مكنتش عارفة تشتغل فيها واللى بيشترى بيروح عالبافارية عدل
بس مع اخر اسعار اللى كانت فى اوتو ماك اللى فات (اول 6) اظن البيع كتير حتى هناك الموظفين بيشتكو من كتر الحجوزات (على حسب كلامهم)
انا حاجز ولما استلم هعمل تقرير مفصل ان شاء الله