عايز مساعدة ضروري gen2 VS new accent..

[fatafito]

يا جماعة المفروض ان ان شاء الله هنجيب عربية .. بس المشكلة ان بابا عايز نيو اكسنت وانا بقول جين2 ف انا عايز حد مجرب وعنده خبره يقولي حاجة تقنعني بالاكسنت او اقنعه بالجين2 لانه بيتكلم من ناحية قطع الغيار متوفرة ولا لأ واسعارها وهكذا .... وايه احسن مكان يكون اسعاره حلوه و انظمه التقسيط فيه كويسة ف القاهرة

معلش طولت عليكم

[ezzatfox]

كاعتمادية و قوة و اعادة بيع و سهولة صيانة و قطع غيار الاكسنت تكسب
الجين تو شكلها حلو جدا و فيها عوامل امان مش موجودة فى الاكسنت و فيها كماليات اكتر بس مشكلتها فى خامات الصالون و التابلوة مش حلوة و بتأشر بعد فترة و تقفيلها مش حلو و دايما بتلاقى فيها عيوب ، العربية عموما مشاكلها كتير بالمقارنة بالاكسنت .
رأيى خليك فى الاكسنت اضمن ..

[Saif eldien]

المشاركة الأصلية كتبت بواسطة fatafito يا جماعة المفروض ان ان شاء الله هنجيب عربية .. بس المشكلة ان بابا عايز نيو اكسنت وانا بقول جين2 ف انا عايز حد مجرب وعنده خبره يقولي حاجة تقنعني بالاكسنت او اقنعه بالجين2 لانه بيتكلم من ناحية قطع الغيار متوفرة ولا لأ واسعارها وهكذا .... وايه احسن مكان يكون اسعاره حلوه و انظمه التقسيط فيه كويسة ف القاهرة معلش طولت عليكم

بس انا هوضح لك اية الافضل من ناحية مزانيتك وضمناتك
بس ممكن توضح انت ضمناتك اية يعنى فى مفردات مرتب ولا اية وهتدفع مقدم كام
وعايز المانويل ولا الاتوماتيك
دة ال هفيدك فية
بس من ناحية تانية النيو اكسنت افضل علشان سهولة اعادة البيع رغم ان الجين 2 امامها مدة بسيطة وتتسواوى مع النيو اكسنت

[Okda]

ليه لما اجيب سيارة افكر فى اعادة البيع أكتر من لما افكر مثلا إن وسائل الامان فى ال Gen 2 كثيرة منها
(1) 2 ايرباج
(2) ABS
3 - شدادات للعفشة فى الامام و الخلف
4 - هيكل اقوى بكثير من ال اكسنت

فى رأى الشخصى المتواضع أن الأخذ بالاسباب و شراء عوامل أمان أكثر تحافظ على حياتى و حياة من يركب معى تستاهل خسارة 10000 جنيه فى سعر اعادة البيع
لان معدل الحوادث فى مصر اكثر بكثير من معدل انى ابيع سيارة اشتريتها قبل 5 سنين على الاقل
و اظن بعد 5 سنين سعر اعادة البيع لن يفرق كثيرا حتى يكون مقنع ان اشرترى سيارة عبارة عن موتور و تكيف فقط

انا لاقصد بالطبع الاهانة او التقليل من راى اى عضو
و هذا هو رأى الشخصى فقط

[خالداعزالناس]

الجين تو فيها ايرباج
وفيها نظام الفرامل المانع للانغلاق ABS
واقوى من النيو اكسنت
لكن كاعاده بيع الهيونداى اسرع