استغاثه من مالك حديث لسياره جين2 2012

[محمود حوكش20]

لو سمحتو يا جماعه انا عندي مشاكل في سيارتي لدرجة اني بقيت اروح التوكيل اكتر من شغلي تبداء مشكلتي في اول الف كيلو حيث كانت السياره تحدف يمين بشكل كبير جدا عند تركي للدريكسيون وعلي السرعات الخفيفه قالو لي انها مشكله بالانطره وسوف تعالج وبعد الصيانه لم يتم اصلاح الامر بعد تكررت زياراتي للتوكيل مره بعد مره وكل مره كانت السياره تدخل زويا وبعد الزويا يجي المهندس بنقل فردة كوتش مكان فره ونطلع نجرب نفس العيب وهكذا الي ان استقرو علي انها مشكلة علبة دريكسون وقالو لي قم بعمل حجز قمت بعمل حجز للعلبه وبعد شهر لم يكلمني احد تحدثت معهم وطلبت الاسارع بها قالي لي بعدها بيومين العلبه موجوده وتعالي ركبها ذهبت كي اركبها دارت الحكايه من اولها دخلوها زوايا تاني وينقل كوتش ويجرب ونفس كل شي من الساعه 9صباحا حتي 5 مساءا قررو يركبو العلبه بشوف العربيه بعد ما قالو انهم غيرو العلبه لقيت الدريكسيون تقيل جدا سالتهم ليه تقلت كدا قالولي ده طبيعي وهيخف مع الوقت وبعدها اختفت الحدفه نسبيه وليس بشكل جزري في تلك الفتره حيث اكتربت من 4000 كليومتر كنت قد احسست بالمساعدين الخلفيه فيها دبه بشكل جامد اوي مع المطبات وكذلك الاماميه وعلبة الدريكسوين الان بها بوش لا يظهر الا بعد فتره من المشي يعني مش اول لما تدور وتمشي يبان والسياره ليست متزنه بالمره علي العلم ان السياره مع السرعه تعوم بشكل كبير وكدذلك احس بالعومه هذه علي السرعات الخفيفه جدا وكذلك هناك صوت مكان بطول ارضيه السياره مكان العلبه مع لف الدريكسون صوت زي دبه بطول الدواسه وتظهر اكثر بالجنب اليمين وكذلك دبه في الدريكسون ومع اخد مطب العربيه من ادام وورا تدب جامد وفاصل الاسفلت والمسامير امشي عليه براحه السياره تحس انها مشيه بجنبها في المسامير وفاصل الاسفلت ولو عدت جنبي عربيه نقل وانا علي سرعه تختل تواز السياره تماما وتحدف في اتجاه طيار الهواه القادم من السياره وبالتوكيل لم يعترفو حتي الان الا بالمساعدين الخلفيه فقط ولا يريدون الاعتراف بعلبة الدريكسيون والمساعدين الاماميه علي العلم ان احد المهندسين هناك يعلم كل العلم انها تحتاج هذه الاشياء ويكون مقتنع بها ويكتب كلام عكس ذلك بالتقرير النهائي ويقولون لي السياره سليمه وليس بها شي انا بجد كرهت الجبن تو والبرتون كلو بسبب اللي انا فيه من متاعب وياست ومش عاارف اوصل لحقي ازاي مع توكيل متعب بالشكل ده ياريت يا جماعه حد يفدني وليكم كل الشكر واسف جدا علي الطويل ولكن هذا ما حدث لي وبشكل مختصر جدا

[الكردي2000]

قول لهم هاطلع علي جهاز حماية المستهلك وهما هيخافوا منك ويعملوا لك اللي انت عايزه

[magdy_c_c]

على فكرة و الله البروتون دى عربية محترمة جدا
كل مشكلتها فى توكيل عز العرب الزبالة
لو يبطلوا جشع و يمشوا بما يرضى الله
و الله العظيم العربية دى أحسن من الصنى و الاوبترا
و تقارب جدا على الرينو فى ثباتها
يا باشا دى عربيات البوليس الانجليزى
على فكرة تلاتة أرباع الشعب المصرى بيفكر فى البيرسونا و الجين 2 بس الكل بيتراجع علشان التوكيل المنحط اللى ما عندوش ضمير
حضرتك هددهم بجهاز حماية المستهلك
و ان ما عملوش اللازم قدم مذكرة تفصيلية للجهاز بكل اللى حصل فى عربيتك و كل العبط اللى هم غيروه ........
و على فكرة فى ناس زمايلنا ( أعضاء مصر موتورز ) كان عندهم مشاكل أكتر من كده بكتير مع توكيلات زبالة باردوا و الحمد لله الجهاز قدر يجيب لهم حقهم تالث و متلث
و على فكرة قول لهم كمان هافضحكوا على كل منتديات السيارات
و هاصور العربية فيديو و هى غير متزنة على السرعات الخفيفة
و احنا كلنا معاك

[al.islam.333]

انا ان شاء الله ناوي على الجين 2 ............... ايه أغير رأي ولا ايه؟؟؟

[linatrix]

بص انا كان معاى جين 2 و بعتها
من الاخر عشان تعرف تتعامل معاهم عندهم صفحتهم على الفيس بوك ادخل سيح لهم على الصفحه لو محلوش المشكله اتصل بحمايه المستهلك و حيخليهم يعملو لك الى انت عايزه