محتاج نصيحة المتخصصين

[elsheikh2010]

أنا معايا فيرنا 2011 ولسه ما دفعتش فيها غير قسطين بس ...من مدة كنت بأعلم المدام السواقة وهيا بتلف على سرعة بسيطة لم تستطيع تقدير المسافة فطلعت بالفردة اليمين الأمامية على الرصيف والحمد لله قربة المساحات اتكسرت حمدت للله وطلعت على التوكيل غيرولي القربة وقلتلهم بصولي على العفشة من ناحية اليمين فلما اترفعت العربية لقينا الحمد لله لم يتم اي لمس للمقصات والخزن فقلت للعفشجي في التوكيل ظبطلي الزوايا عشان اطمن على المقص قالي تعالى نجرب العربية طلع وساقها قالي العربية ما شاء الله مظبوطة ومش محتاجة لأي ظبط زوايا كررت عليه السؤال قالي مش محتاجة . وكمان انا هاحسس بكده لأني بأسوق العربية وباجيب لحد 120 ثبات ما شاء الله ايوة والدركسيون ما فيهوش رجه غير رجة الطرق الوحشة وما فيش حدفات جامدة لما باسيب الدركسيون اللهم غير الحدفات نتيجة الرصف الوحش للطرق .. هاتقولولي امال ايه المشكلة المشكلة يا سادة انا جالي الهسهس بمعنى اوقف العربية والعجل مستقيم بأحس ان الفردة اليمين الي كانت فيها المشكلة مرحلة لبرة شوية ممكن تكون مش ملحوظة الا لي انا عشان انا عارف ايه الي حصل اجيب واحد زميلي واقوله بص عليها يقولي ما تأخدش في بالك ما فيهاش حاجة ... خلاص انا اتجنيت يا جماعة ايه الطريقة الي تخليني اتأكد ان الفردة الأمامية اليمين زي الفردة الأمامية الشمال وما فيش اي ترحيل ؟؟؟؟ بس بطريقة علمية عشان انا عايش في حتة الصنايعية الي عندنا لا يفقهوه اي شئ وواخديناه بالدراع وما أكثر العربيات الي باظت بسببهم وآخرها عربية والدي و آسف جدا على الإطالة وياريت تطمنوني

[tarbook]

بص يا اخى الفاضل هنحسبها بالعقل كده عشان مدوخش نفسك اذاى انتا شايف العجله مرحله لبه شويه متوافق فى الراى طيب التوكيل قالك مفيش حاجه فى العفشه طيب بص على الاسكاتر علبه الدركسون اول شئ تانى شئ لو العجله فيها حاجه هوه الدركسيون كانت تغربل معاك ب 80 بالظبط حتى لو فى عوجه او حاجه فى العفشه بسيطه تحس بيها فى الدركسيون وشوف طريق نظيف شويه وجرب العربيه على سرعه عاليه مثلا 140 وشوف لو لقت الدركسون فى رعشه غريبه غير بتاعت الطريقه يبقى قلنا وربنا يقدم ما فيه الخير وممكن يكون كلامك صح برده بس جرب وقولنا وان شاء الله هنحلهالك

[ahmedtuning]

المشاركة الأصلية كتبت بواسطة tarbook بص يا اخى الفاضل هنحسبها بالعقل كده عشان مدوخش نفسك اذاى انتا شايف العجله مرحله لبه شويه متوافق فى الراى طيب التوكيل قالك مفيش حاجه فى العفشه طيب بص على الاسكاتر علبه الدركسون اول شئ تانى شئ لو العجله فيها حاجه هوه الدركسيون كانت تغربل معاك ب 80 بالظبط حتى لو فى عوجه او حاجه فى العفشه بسيطه تحس بيها فى الدركسيون وشوف طريق نظيف شويه وجرب العربيه على سرعه عاليه مثلا 140 وشوف لو لقت الدركسون فى رعشه غريبه غير بتاعت الطريقه يبقى قلنا وربنا يقدم ما فيه الخير وممكن يكون كلامك صح برده بس جرب وقولنا وان شاء الله هنحلهالك

بجد الله ينور عليك يا كبير