شراء المستعمل ومراقبة ... غطاء الزيت ...وخرطوم الفايز .. وعلاقتهم بحالة الموتور

[s_shekabala]

السلام عليكم ورحمة الله وبركاته

فى حالة شراء سيارة مستعملة

عرفنا من خلال الموقع
ان لون عادم السيارة الخارج من الشكمان يحدد حالة الموتور

اذا كان اسود ... تبقى المشكلة فى الكاربراتير
اذا كان ابيض ... تبقى المشكلة ان فيه مياه دخلت على الموتور
اذا كان ازرق ... يبقى الموتور خفيف واحتمال يحتاج عمرة او طقم شنبر فى اقرب وقت


طيب لو كان الشكمان ما بيخرجش دخان

ممكن اعرف اى حاجة من خلال :-
- خرطوم "الفايز"
- او من خلال فتح غطاء الزيت

فيه ناس تقول لو فتحت الغطاء بتاع الزيت ووجدت هواء بيخرج خصوصا عند ضغط دواسة البنزين يبقى المتور ده خفيف

وفيه ناس تقول موش شرط وعادى ان العربية تخرج هواء من فتحة الغطاءبتاع الزيت

وفيه ناس تقول ان ممكن صاحب السيارة يقلل من كمية الزيت فى الموتور فى اليوم اللى هايعرض فيه العربية للبيع عشان يدارى ويخفى حالة الموتور الخفيف على الزبون

وفيه ناس تقول ان احيانا صاحب السيارة يعمل للموتور طقم شنبر لحد ما يبيع العربية وفى الآخر اللى هايشترى بعد كام شهر ولا سنة يكتشف ان الموتور محتاج عمرة

طبعا الاحظ ان الميكانيكى يطلب ضغط البنزين ويراقب السيارة
فى الحقيقة انا موش فاهم هو بيعمل ايه



الخلاصة
ازاى اعرف ان العربية موتورها خفيف بالإضافة الى طريقة مراقبة العادم الخارج من الشكمان

بدل ما اروح البنزينة واكلف نفسى مشوار وفلوس ... وكان ممكن بالمراقبة المبدئية اعرف ان الموتور خفيف وما فيش داعى اكمل فى العربية دى

خصوصا طبعا موش معقول كل عربية اتفرج عليها اروح اجرى على البنزينة اكشف عليها ... يبقى هاصرف فلوس العربية قبل ما اشترى ههههههههه

طبعا اكيد هاروح البنزينة او هاجيب ميكانيكى كويس ... لكن ده بعد المعاينة المبدئية