افيدوني اشتري نيو اكسنت ولا نيسان صني

[ramygobara]

والله يا استاذ عمرو انا معاك ان الماتريكس ممتازة يعني انا قريت في المنتدى ما لقيتش حد قال فيها كلمة وحشة والنيو اكسنت برده شكلها كويس بس مش لاقي تفاصيل كتير عنها خاصة عيوبها وانت برده قلتلي كلمة حيرتني انك عامل بيها 18 الف خلال 3 شهور يعني ما شاء الله ربنا يبارك ليك فيها لاني انا بردة زي حالاتك سفري كتير وعاوز حاجة تستحمل معايا الجري على الطريق وكلامك خلاني اراجع حساباتي بخصوص الماتريكس لاني محتاج عربية تستحمل السفر
والله حيرة الى الان مش عارف اعمل ايه بس كدا انا شيلت الصني من حساباتي المافضلة بين النيو اكسنت والماتريكس

[amrmohamed1975]

استاذ رامي الفيصل فى الموضوع هو بالاضافة لسفرياتك لكتير هل العربية محتاجها اسرية يعني فى عائلة على الاقل حاليا لاني كنت عامل زيك كده و فى نفس حيرتك لدرجة اني غيرت العربية 3 مرات بعد ما دفعت عربون الحجز لحد ما استقريت على الماتريكس لدرجة اني قلت للمعرض لو شوفتو نمرة تليفوني محدش يرد عليا لحد ما استلم العربية الي رجح كفة الماتريكس معايا بالاضافة لحكاية الشغل و السفر الكتير اني عندي طفلين بالاضافة للمدام و العربية صالونها و اسع جدا و مريحة على فكرة انا دلوقتي فى سيوة و من 3 ايام كنت فى السلوم و احتمال ارجع من سيوة على السلوم تاني و بعد كده القاهرة شفت بقي

[ramygobara]

وانا نفس ظروفك يا استاذ عمرو معايا طفلين والمدام يعني فيه عائلة وبردة ظروفي من برج العرب للقاهر ومنها للمنصورة ودمياط ورايح جاي بقى يعني عايز حاجة كويسة وبصراحة اسرية بردة
طيب هيا سعر الماتريكس كام باظبط مانويل واوتوماتيك لاني بردة الى الان روحت المعرض تلات مرات علىة تلات عربيات مختلفة مرة اوبترا ورجعت قوللتو استنى وروحت بعدها على النيسان صنى ورجعت لغيت واخر مرة قولتلو اسال بخصوص النيو اكسنت
بس ما اعرف بقى اسعار الماتريكس وايه الافضل المانويل ولا الاتوماتيك
وشكرا ليك بجد يا استاذ عمرو

[amrmohamed1975]

الماتريكس كاملة مانيوال 88000 الف و اتوماتيك 94000 الف الفرق الوحيد بين الاثنين فى الفتيس لكن الكماليات واحدة تكييف باور سنتر زجاج كهرباء كاسيت سي دي ام بي ثري و الاسعار دي كانت لحد امبارح بس فى اشاعة ان غبور رفع سعرها و الاسعار دي موجودة على كونتكت كار93 للمانيوال و 99 للاتوماتيك بس مش متأكدين منها

[ramygobara]

المشاركة الأصلية كتبت بواسطة amrmohamed1975 الماتريكس كاملة مانيوال 88000 الف و اتوماتيك 94000 الف الفرق الوحيد بين الاثنين فى الفتيس لكن الكماليات واحدة تكييف باور سنتر زجاج كهرباء كاسيت سي دي ام بي ثري و الاسعار دي كانت لحد امبارح بس فى اشاعة ان غبور رفع سعرها و الاسعار دي موجودة على كونتكت كار93 للمانيوال و 99 للاتوماتيك بس مش متأكدين منها

دا لو زودها البيه غبور كدا يبقى حسبي الله مش شاريها بلاش جشع