فنانون أيدوا النظام و طالبوا باحراق المتظاهرين!

[abo-salama]

الرجال مواقف واراء لنا كل التعازى فى الشهداء

[lol64]

انا طبعا باعترض على كلمه يحرقوا بتوع التحرير
لكن ياجماعه الراى لايمكن حد يحجر عليه لان كما قلت سابقا الديمقراطيه وعى مش راى والراى الاخر بس

هاتكلم عن نفسى انا اعرف ناس فى ميدان التحرير قاعدين لحد دلوقتى واقسم بالله اللى انا اعرفهم ياما كده كده ضايعين ياما حاله متيسر ومضبوط حتى لو قعد هناك شهر
لكن بنظره اخرى فيه كمثال فقط وليس الحصر 2و5 مليون عاطل من جراء توقف السياحه بس
ده غير انى شفت امبارح فى الجامع واحد ورايا كان بيبكى وهو بيركع فى الدعاء وسالناه بعد الصلاه قالنا على اهوال ورفض اى مساعده ماديه
هاتقولوا بتوع التحرير مالهمش دخل لا ليهم يااستاذى العزيز النهارده مثلا اتحركوا وقفلوا شارع مجلس الشعب وبكره فى القريب مدينه نصر والباقى ربنا العالم
الله ماكانوا بيقولوا اقفلوا علينا التحرير وشوفوا شغلكم
ده غير ان المطالب بتتغير وسقفها بيعلى يوم بعد يوم
الثوره الى انا احترمتها كانت 25 يناير واللى حققت مطالب كان يطالب بيها بنسبه 95%
معلش مش انا بس اللى افوق لا لا لا كلنا لازم نفوق

[حازم شاهين]

المشاركة الأصلية كتبت بواسطة walidelwahsh انا مع حضرتك طبعا في كلامك بس اللي مكتوب بالاحمر دا عكس كلامك تماما يعني ايه غسيل عقل الشخصية انا حتكلم عن نفسي طول عمري مابعتمدش استقي معلوماتي الاخبارية من اعلام النظام زمان كان فية حاجة اسمها اذاعه لندن بي بي سي نشرة 7 الصبح ونشرة 3 العصر يعني تقدر تقول انها كانت الجزيرة بتاعة العصر دا بس كانت مهنية وعندها شرف وامانة في النقل مش موجهة باغراض دنيئة زي الجزيرة الان معناها اللي مش معانا يبقى ضدنا برضة فية كلام كثير من الاعضاء وتلميحات للاسف بتنال من اللي مش بيطبل ويهلل لابطال ميدان التحرير وكأننا زي ما النظام بيمارس قمعه ضد المختلف معاة بنلاقي برضة كل المؤيدين لشباب ميدان التحرير يمارسون نفس القمع ضد المختلفين معهم معتبرا اياهم ذيول وفلول النظام البائد لا مش كدا الحكاية عمرها ماتبقى كدا لو كدا يبقى منعرفش يعني ايه ديمقراطية منعرفش يعني ايه اختلاف في الرأي بمعنى اللي مش معايا فهو ضدي

طبعا المثقفين و إللى على درجة من الوعى كانوا بيحاولوا يخرجوا من القالب إللى صفوت الشريف كان عايز يحط الشعب فيه

لكن اﻷغلبية من البسطاء و إللى ملهمش فى السياسة إتعملهم غسيل مخ فعلا من اﻹعلام الرسمى

[AbOnOrA]

هو المطالبه بحرق متظاهرين او معتصميين سلميين بقى اسمه دلوقتى حريه تعبير عن الرأى ؟؟؟

يعنى لو فيه عضو فى المتندى قال لعضو تانى انت تستاهل الحرق المفروض ميزعلش ويتقبل الرأى الاخر المطالب بحرقة ؟؟؟


الناس اذنبت لما طالبت بأسقاط نظام فاسد بيعذب ويقمع وينتهك كرامتنا بقاله سنين واللى بيطالب بحرق الناس بعد سحلهم واقتناصهم يبقى بيعبر عن رايه ؟

عامة حتى الحرق اللى بعد الضرب والسحل والاقتناص مش هيجيب نتيجة واسألو بتوع المولتوف
ولا الثورة حدودها ميدان ولا مدينة
لو كنت شاركت من اول يوم كنت اكيد سمعت الهتاف ده
ثورة ثورة حتى النصر ثورة فى كل شوارع مصر

http://www.youtube.com/watch?v=WteXF87JIoc

[acounter01]

يعني هما دول بس المؤيدين للنظام من الفنانيين