عايز نصيحه مخلصه لوجه الله لو سمحتم

[ابو اسماعيل]

الاخوه الكرام الاعزاء

السلام عليكم

عايز نصيحه مخلصه لوجه الله لو سمحتم

معايا سياره لانوس مو99....وعجبانى قوى البيجو 405

ايه رايكم....المبلغ اللى حيكون معايا بعد بيع اللانوس حوالى 42000جنيه

بس قبل ما ابيع وقبل ما اشترى عايز نصيحه اخوه لاخيهم

هل ال405:
1- موفره فى البنزين
2-قطع غيارها متوفره وهل رخيصه
3-لازم نروح التوكيل عشان الصيانه ام ورش الصيانه منتشره(عشان طبعا ارخص)
4-عند الشراء احسن موديل مناسب للمبلغ المذكور
4- لو فى اى اضافات ممكن تفيدنا يا ريت لا تبخلو على اخوكم

ولكم منى كل الشكر والتقدير مقدما

[ابو يمني]

بص يا باشا بما انك راكب لانوس يعني كوري مش اوربي فابعد عن السيارات الاوربي خالص لان اسعار قطع غيارها بالنسبة للكوري خيالية يعني حوال 3 اضعاف بس طبعا بتفرق في الجودة والعمر وليها الناس اللي بتعشقها لكن انت عشان مثلا كنت بتجيب فانوس ب 400 جنية وبعدين تجيب فانوس ب 1600 جنية هتحس ان قطع غيارها نار لكن لو كنت راكب اوربي ومتعود كنت قولتلك جيب العربية وانت مطمئن

[ahmed-alaa]

المشاركة الأصلية كتبت بواسطة ابو يمني بص يا باشا بما انك راكب لانوس يعني كوري مش اوربي فابعد عن السيارات الاوربي خالص لان اسعار قطع غيارها بالنسبة للكوري خيالية يعني حوال 3 اضعاف بس طبعا بتفرق في الجودة والعمر وليها الناس اللي بتعشقها لكن انت عشان مثلا كنت بتجيب فانوس ب 400 جنية وبعدين تجيب فانوس ب 1600 جنية هتحس ان قطع غيارها نار لكن لو كنت راكب اوربي ومتعود كنت قولتلك جيب العربية وانت مطمئن

انا مع حضرتك في النقطة دي

[geuvara_2010]

صح الفرنساوي بالذات معروف انه نار في قطع الغيار بس من احلي عربيات العالم لو انت عايز عربيه موفره في كل حاجه خليك في الكوري انما لو بتحب الجوده و الاداء اللعالي هات فرنساوي بس لازم تكون قد مصاريفها علشان العربيخ ماتتبهدلش معاك

[mohamed ibiza]

يا جماعه الفرنساوي القديم قطع غياره مش نار للدرجه دي بالعكس قطع غياره معقوله و هتلاقي اسعار اكيد في قسم البيجو يا باشا