#6
|
||||
|
||||
رد: نايل موتورز الحرامى المسروق
انا اشتركت فى مصر موتور ونايل موتورز فى يوم واحد او اسبوع واحد
وبدات شارك هنا وهناك عملت موضوع هنا وكوبي وبست هناك هنا الموضوع لاقى استحسان الناس وفية تفاعل بناء هناك الموضوع حرفوة ومبقاش لة اى فايدة هنا بفضل الله بقيت مشرف بقالى اكتر من سنة هناك عضو برونزى ونادر ما بدخل هناك اللى بيربطنى بهناك شخص عزيز على جدا وبحب اتكلم معاه بس هناك عندهم موضوعات كتير بصراحة وفى فروع كتير هنا لو تمت بعض التعديلات على المنتدى هايبقى اقوى بامر الله
__________________
يااااااااااااا رب إرحمنا بقدرتك علينا |
#7
|
||||
|
||||
رد: نايل موتورز الحرامى المسروق
انا اشتركت في نايل موتورز ومصر موتورز في يوم واحد
وعملت موقف هنا وهناك في يوم واحد وكان الرد مختلف الكلام ده من 3 سنين تقريبا والموقف اني عملت اعلان لورشتي علي المنتديين نايل موتورز : فجأة خدت ايقاف لمدة شهر بدون انذار والموضوع اتحذف في اقل من 4 ساعات وكنت لسه عامل عضويه يدوب يوم واحد مصر موتورز: لقيت ترحيب ومفيش مشكله وادارة المنتدي نبهوني اني اهتم برضاء الاعضاء قبل اهتمامي بالعائد ودي حاجه كويسه وبتعمل سمعه افضل وبالتالي قررت مغادرة نايل موتورز في الحال ومن نتدي مصر موتورز ليا اعضاء اصبحوا اصدقاء قريبين مني جدا وبزورهم وبيزوروني وبنخرج مع بعض ومنهم هشام الجزار - محمد القاضي - مصطفي عاطف - حمدي - احمد حمدي - وناس مش عاوز انسي حد وربنا يوفق الجميع لما فيه الخير
__________________
استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
#8
|
||||
|
||||
رد: نايل موتورز الحرامى المسروق
حبيبى يا أيمن ربنا يخليك ويحفظك بجد انت من أكتر الناس المحترمين اللى قابلتهم فى حياتى ونتا عارف انى مبعرفش أجامل ونعم الأخ والصديق اللى يسد وقت ما تحتاجه مبيتأخرش ربنا يرزقك ويوفقك للى فيه الخير بإذن الله وتحياتى لأبونورا الأستاز المحترم وائل مجدى صلاح اللى بعتبره أخ ليا وتحياتى لكل الزملاء المحترمين |
#9
|
||||
|
||||
رد: نايل موتورز الحرامى المسروق
تحياتى لحضرتك يا أستاز محمد ياريت تخليى صديقك اللى هناك ينضم لنا الموضوع مش قصة إشراف وبس حضرتك من أعمدة المنتدى وأكيد صديق حضرتك مكسب لينا برضو |
#10
|
||||
|
||||
رد: نايل موتورز الحرامى المسروق
فيه ناس ممكن تفتكر من الموضوع ده انى ضد نايل موتورز كمنتدى بالعكس انا بحب نايل موتورز وبحب كونتكت كارز وبحب منتديات كتير عربيه ولو حد شاف تطبيق البحث بتاعها هيلاقيه بيبحث فى مصرموتورز ومنتديات عربيه كتير
واللى يعرفنى من زمان هيعرف انى كنت من اوائل الناس اللى اعلنت عن اسبيرانزا كلوب مع ان عندنا منتدى للاسبيرانزا والصينى عموماً ومن انشط المنتديات احنا بلد كبيرة وجمهور السيارات كبير وممكن كلنا نشتغل ونتنافس فى افادة الناس وكل واحد فينا يبقاله اسلوبه ولونه وطعمة عادى جداً وبالحديث عن تكنووان مثلاً اول لما جم يعملو اعلانات كلمونى الاول وانا كلمت نايل وربطهم ببعض علشان يعملو اعلانات هناك وغيرهم ايجى سبيد صاحبى وحبيبى وبنتواصل كتير وبنتقابل فى المعارض كتير وبينا كل احترام موقع الوكيل صحابى وبيبعتولى اخبار على الميل انشرها وبيبعتولى دعوات للافينتات لتغطيتها لو حد يفتكر منتدى فتيس صحابة صحابى برضو وحضر بعضهم واحدة من مقابلتنا قبل كدة الحمد لله ده اسلوبنا من زمان ومش هنغيره واللى عايز يفتح منتدى سيارات بكرة انا يشرفنى اساعدة فى الاستضافه والتصميم والتسويق وكل حاجة الواحد بيزعل بس من الاساليب القذرة انا لسه بحكيلكم قصه سرقة نايل موتورز واللى بالرغم من كونها سرقة مكتملة الاركان كانت ممكن تبقى عادى ومتزعلنيش انا ولا هانى ولا حد لكن مكتفاش بالسرقه ومسح تاريخنا والف قصه تانية على اعتبار انها قصه تاسيس الموقع ومش خانا وسرقنا احنا بس اللى كنا فى يوم من الايام اصحابه ده خان الكل علشان المؤسسين يصفصفوا من سبعة لشخص واحد فقط ومش بس سرق نايل وخلاص لما جيت اعمل مصرموتورز زق عليا ناس وشغل محاضر ووساخة يروحولى الشغل بادعاء ان انى عامل مصر موتورز على سيرفر الشركة اللى كنت ماسكها ساعتها وحلنى بقى علشان تثبت العكس كان فاكر انه لما يعمل كدة انا بقى هتفرغ لانى ادور على شغل تانى ومعرفش اصرف على المنتدى ويقع على كدة لكن اللى حصل العكس اهتميت بيه اكتر واثبت للعالم بالمعنى الحرفى من اول كيا وهيونداى فى كوريا لحد هنا فى مصر اننا موقع سيارات محترم يعرف هو ليه هيونداى لما جت تعمل تعريف بعربياتها الاخيرة (السوناتا والالنترا والار بى ) اختارت مصر موتورز مختارتش نايل مع انه زى ما بيقول عندة محتوى اكبر واعضاء اكتر !! عمره ما هيعرف الموضوع مش منتدى احسن من منتدى وهيفضل نايل واحد من انجازاتى اللى بعتز بيها وبتمنالها البقاء وعمرى ما اتمناله يقع هو او كونتكت او اى موقع تانى بيفيد الناس وفيه مجهود ناس ميقدروش غير اللى فاهم يعنى ايه مجهود الحكاية يا سادة فى الناس اللى بتسرق المجهود واللى السرقه والوقيعة والخباثه عندها اسلوب حياة للاسف هو مش هيستريح الا لما يشوف مصر موتورز واقع خالص حاولو قبل كدة كتير باختراقات وقله ادب كتير والحمد لله تجاوزناها وبرضو شيلتهم من دماغى خالص وكملت لكن اللى جد انى اكتشفت انهم مستمرين فى الاساليب الخبيثه ولسه من يومين واحد من اعضائنا المحترمين بعتلى على الفيس تفاصيل محادثة مع واحد منهم داخل باسم هنا فى مصرموتورز يشوه فى المنتدى ويدعوه للانتقال لهناك طيب لو ده حد محترم هيبعت يقوله حتى شرفنا فى موقعنا كذا كذا وخلاص لكن هو كان حريص فى كل رساله يصور مصر موتورز بشكل سىء ويمجد فى نايل .. زى ما قولت بالظبط اساليب تؤكد انحطاط فكرى منقطع النظير بصراحة التفاصيل هرفعها تباعاً ان شاء الله وكل كلمة اتكتبت وهتتكتب اشهد الله بانها الحق والصدق ومش كلام مرسل كل حاجة بالشاهد والدليل |
الكلمات الدليلية |
منتدى, حرامية, نايل موتورز, نايل موتورز الحرامى |
|
|