حادث اتوبيس الصعيد.. باي ذنب قتلت ؟؟؟

[ezzat2002mo]

إن لله وانا اليه راجعون اللهم ارزق اهلهم الصبر والسلوان برحمتك يارب

[ahmed_zamalek7]

المشاركة الأصلية كتبت بواسطة Mido Madrid بجد اهمال فظيع وحكومه ملهاش لازمه كل حادثه اصرف تعويض طيب ما تمنع الحوادث واعمل اللى عليك لكن اسهل حاجه عندهم اصرف تعويض ربنا يكون فى عون اهاليهم والظاهر هنقضي السنه كلها فى حداد من كتر الحوادث بسبب الاهمال ده مش عارف الناس دي فاكره انها مش هتتحاسب ولا ايه واللهي الواحد اتقفل من الخبر ده على الصبح

تعويض ايه دول صرفين 4000 لكل عيل مات و1000 لكلمصاب يعنى العيل محصلش تمن لاب توب جديد

[Mido Madrid]

المشاركة الأصلية كتبت بواسطة ahmed_zamalek7 تعويض ايه دول صرفين 4000 لكل عيل مات و1000 لكلمصاب يعنى العيل محصلش تمن لاب توب جديد

ولا فلوس الدنيا اساسا مش ده الحل يعنى انا اقصد فين التغيير بعد كام يوم هنسمع حادثه زيها كالعاده والوزير يستقيل لو هما مش عارفين يشغلوها يوقفم القطارات خالص لحد ما يحلم المشاكل

[AbOnOrA]

انهاردة مات على الطرق اكتر من 100 شخص فى حوادث مختلفة وعلى مدى الاسبوع كان فيه حوادث وكوارث فى جميع المرافق (مترو المرغنى - مترو الانفاق - قطار الفيوم واسوان وعشرات الحوادث الاخرى على الطرق )

67 في منفلوط + 33 في طريق مصر أسيوط + 7 في أسوان + 1 في اسماعيلية + 1 في الإسكندرية + 7 في البحر الأحمر + 20 في الواحات
بالإجمالي 136 مصاب وقتيل في طرقات مصر في 8 ساعات فقط

يعنى واذا اضفنا ليهم ماهو معلوم مسبقاً هنلاقى ان مرافق الدولة كلها بتنهار وتحولت من وسائل خدمة للمواطن لاسلحة قتل واراقة دماء للمواطنين اكثر فتكاً من اى سلاح او حرب اخرى ولا عجب ان مجمل من قضو فى حوادث المرور تجاوز من ماتو فى جميع الحروب التى خاضتها مصر

حادثة انهاردة للى بيشوف بعين واحدة مشكلة سواق او عامل مزلقان
لكن بالعنين الاتنين هيشوف انها مشكلة مرافق حكومية (مترهلة) و(فاسدة) و(فاشلة) لأبعد حد وكل يوم هنموت ونتذل أكتر واكتر طول ما اركان وزوايا الفساد والفشل موجودة

(قمة الفشل) ان عشرات الاطفال يموتو فى حادثة المتسببين فيها ميتقدموش للمحاكمة (((الجنائية))) قبل الادارية

(قمة الفساد) ان تستمر المرافق الحكومية بدون هيئات رقابية حقيقية فعالة تمتلك كل الصلاحيات والاستقلال لتطهير كل هيئه ومؤسسة من الداخل

(قمة الترهل) ان الهيكلة الادارية من اول موظف لاكبر مدير معتمدة على الواسطة والمعارف والاقدمية وبدون حد ادنى او اقصى للمرتبات او نظام حقيقى لقياس الاداء والمحاسبة

والنتيجة مرافق الدولة اللى هى اساس الدولة ودورها خدمة المواطن بقت وسائل لاذلال واراقة دماء نفس المواطن

تحركو لانقاذ مرافق الدولة
الطرق والكبارى والسكك الحديد والنقل العام والمترو وشبكة المياة والكهرباء كل ده مهدد بالانهيار الكامل لو فضلنا ساكتين

[محمدصلاح القاضى]

هل دا عيب فينا ولا عيب فى الزمن