أول سيارة مصرية سترى النور فى منتصف شهر 7 القادم

[Eng/salwa]

المشاركة الأصلية كتبت بواسطة طارق عبد السلام يا استاذ يحيى انت ليه معصب نفسك كده جدا وبتعمل تحذير شديد اللهجه لكل من سيدخل الموضوع يا رجل ده انا واحد ندمت انى علقت لانك جمعت فى كلامك الكل (مينفعش طبعا ) انت فى عمر ابنتى لكن واجب على احترام رأيك لكن انت من تنكر الرد فى السياسه على موضوعك مع ان الموضوع ده اصلا كان معمول سياسى بحت وراجع مقدمه مانقلته انت وحلل الكلمات ثانيا انت راجل بتاع حصريات وبتنزل معارض ومعلوماتك عن السيارات تعتبر جيده جدا جدا وانت من نقلت الموضوع واظنك قرأته بتمهل هل من العقل او المنطق عربيه بالمواصفات دى بالمبلغ ده ؟دا التوكتوك وصل عشرين الف جنيه والفسبا ب18 الف يعنى لو حبينا نقول ال12 ايرباج دول لو حبينا نشتريهم استعمال هيجيبوا كام ؟ غير المحرك الجبار 6000 سى سى منافس للفيرارى فعلا ده لوحده يعمل كام يعنى كان مفروض منك تحلل الكلام المنقول احنا اقتصادنا زفت هنصنع عربيه اوكى ماشى يارب وننافس ونجيب عمله صعبه والحياه تبقى زى الفل بس ازااااااااااااااى بالمواصفات الجباره دى والكماليات التحفه دى وبالمبلغ ده حتى لو سمعت وشوفت حدا مسئول بيقول لك الكلام ده انت طبعا قول لنا على رد فعلك !!!!!!!!!! مش تلوم الناس لان فعلا الكلام ده علشان نقول عليه آمين لازم تكون بتطبق الولاء والبراء فهمتنى بس خلاص

جزاكم الله خيرا أخونا الكريم
بارك الله لك فى أولادك وزوجتك وشفاها الله وعافاها يارب
نعم الرد

[YahiaAshraf]

المشاركة الأصلية كتبت بواسطة Eng/salwa يا يحى العضو لم يقول لك هذا وارجع تانى لمشاركته وشوف قال ايه الله يبارك لك جزاك الله خيرا مش معقول كده يا يحى انا كنت فاكره بصراحة انك أنضج من كده طلعت عقلك صغيييييير زى عمرو وطارق أولادى بيعملوا كده برضه دلوقتى بقه تزعل منى انا كمان خد الامور ببساطة اكتر من كده ولا تحتد وبعدين أثبتوا لك ان السيارة صينى من 3 سنوات وبصراحة مواصفاتها خرافية بالسعر ده ومش معنى ان الناس لا تصدق خبر انت نشرته او تنتقده انك تزعل وتعمل زى .......... بلاش أحسن تزعل ياريت تضحك بقه وتبسط الامور على نفسك شوية أمال بقه لو قيل لك انك من السفهاء على رأى لك أو موضوع من مواضيعك أو اتشتمت انت ومن تدخل للدفاع عنك تعمل ايه لسه هتقابل فى الدنيا كتيييير يا يحى كبر دماغك إيه رأيك تيجى تلعب ماتش كورة مع عمرو وطارق فى دورى جامعة مصر ولا نادى 6 أكتوبر تنورنا والله أهو تشغلهم عن المظاهرات ووجع القلب ده شوية

يا بشمهندسة حضرتك غالية علينا

واسمحيلى انى اقولك ( ماما سلوى )

اللى الناس مش واخده بالها منه ان الصورة دى مكنش قصدى انها العربيه ولكن دى صورة تشويقية فقط

طب ما فيه ناس بتنزل تحت الخبر صورة بروتون ساجا او 128 هل معنى كده انها هى العربيه ؟


ثالثا الناس اتلخبطت بين ان دى محركات سيارة نقل او تريلا ولا ملاكى

طبعا لايمكن ان العربيه تبقى 440 حصان ملاكى دى للنقل و السيارات الكبيره خالص

إيه رأيك تيجى تلعب ماتش كورة مع عمرو وطارق فى دورى جامعة مصر ولا نادى 6 أكتوبر تنورنا والله أهو تشغلهم عن المظاهرات ووجع القلب ده شوية

ياريت و الله لو اعرف كونت اجى على طول دلوقتى

دلوقتى بقه تزعل منى انا كمان

أنا عمرى ما أزعل من حضرتك مهما يحصل لان زى ما قولت لحضرتك انك فى مقام الوالدة العزيزة

[فادى]

المشاركة الأصلية كتبت بواسطة fourseasons والله ربنا يكرمهم لو الكلام ال بيقولوه صحيح.لاكن علميا ال اعرفه فى مصر انه مفيش مسبك يقدر يصب بلوك الموتور بأبعاده و ادق تفاصيله ولا يمكن صب بستم موتور بأبعاد بالميكرو متر لأن انا راجل مهندس و عارف الكلام ال بقولوا ده . فى صب اه اجهزة و اجزاء من السيارة فى مصر بالفعل و الأنتاج معظمه بيتصدر لبره لأنها ببساطة صناعة من الصناعات القذرة ال بيرفضوا يعملوها عندهم فى الدول المتقدمة لاكن ما زالو يحتفظون لأنفسهم بسر السبيكة و النسب فى الخلط.لاكن ده ميمنعش انهم من الممكن يبدأون بالهندسة العكسية و تجميع اجزاء المحرك و ديه ان شاء الله حتكون مقدمة بأذن الله مقدمة حلوة

هناك مصنع للمسبوكات فى مصر فى حلوان, و هو يعمل منذ فترة كبيرة و حاليا يصنع محركات الديزل. فى الماضى كان يصنع محرك بنزين مشهور بمحرك ال1500 و اللى كان بيتحط فى النصر 125 و البولونيز.
لذا فاننا قادرين على صناعة محرك كامل و سيارة كاملة فى مصر, و بالفعل نحن نصنع بعض الشاحنات و سيارات النقل الجماعى بشكل شبه كامل و بتصميم مصرى (المحرك فقط يأتى من الخارج), لذا فان صناعة سيارة مصرية ليست بالأمر المستحيل فنيا أو هندسيا.
المشكلة تظل اقتصادية فلكى تصنع سيارة بأسعار اقتصادية يجب ان يكون هناك سوق قوى لتصريف الانتاج, و للأسف مازال السوق المصرى ضعيفا ناهيك عن صعوبة التصدير.
أى ان الموضوع مش سياسة و مش دليل على تقدم البلد أو تأخرها, عندك كندا و الدنمارك و هولندا على سبيل المثال لا الحصر كلها دول متقدمة لا تصنع سيارات.
الفكرة هل نريد صنع سيارة لمجرد اثبات قدرتنا على صناعة سيارة؟! فى الحالة دى يبقى وزير الصناعة يصدر قرار فورا و يشخشخ جيبه ب100 و لا 200 مليون (و هى لا تمثل شيئا بالنسبة لميزانية الدولة), و نعمل عربية و نصرف علي تصنيعها من جيوبنا عشان نتفشخر اننا بنعمل عربية.
لكن المشروع المفروض يكون فى اطار مشروع اقتصادى هادف للربح و المنافسة الجادة على الاقل داخل السوق المصرى.