انا حاسس اني اتنصب علي في كيا سول 2013 من معرض سمير اوتو

[medoghaly]

يا باشا و لا تزعل نفسك اتمتع بعربيتك و متزعلش الحمد لله انها مجتش في حاجة كبيرة و حاول تمشي في حماية المستهلك و ربنا يديك خيرها ان شا الله

[mhamdy75]

الحمد لله انها جت على كده

ماتخليش الشيطان يضيع فرحتك

اللى حصل طبيعى جدا

لازم يبقى فى حتة نصباية

فى المعارض

كبر دماغك واركب وعيش

----------

ويارب ينتهى النصب من مصر

[soltanfriend]

يا باشا 2012 او 2013 ما تفرقش ايه يعنى المشكلة على الاقل لما تيجى تبيعها يكون مكتوب فى الرخصة 2013 وتجيب سعر اعلى
وبالنسبة للفوانيس ففعلا ناس كتييييييييير جايبة العربية ونفس المشكلة دى لدرجة انى رحت معرض وسأته قالى مفيش الا الفانوس دا اصلا بينزل فوريتة صورة عربية واحد صاحبى بالفوانيس الليد قام حاطط جزمة فى بقة وسكت
وبعدين ما تنساش اصلا مشكلة الليدات اللى اشتكى منهى احد الاعضاء هنا فى المنتدى وبيقول انها بتكون منورة ليل نهار وملهاش اى زرار لأغلاقها
انا بس المشكلة الوحيدة من وجهه نظرى سعرها 145 كتير اوى على خليجى لأن معروف عن الخليجة انه بيكون مواصفات اعلى وسعر اقل وانت عندك اعلى سعر فى الوكيل 142 الف
عموما امشى معاهم فى سكة الرجوع او التبديل ولو ما نفعش فأعرف انك بكل الاحوال مستفيد بعربية جميلة ومواصفات عالية
واهم حاجة ما تاكلش علينا التقرييييييييييييييير

[tham1010]

أنا هقول لك حاجة... أنت جبتها على اساس إنها خليجى وفيها إمكانيات أعلى من المصرى.. إعمل مقارنة بين الخليجى الحقيقى فى أحد المعارض وبين العربية بتاعتك وأسال على ثمن الخليجى كام.. ولو وجدت أنك واخد نفس الإمكانيات بنفس السعر يبقى رخص وأتكل على الله..

لو لقيت ان العربية بتاعتك مختلفة على الخليجى والخليجى أرخص منها حتى ولو 1000 جنية روح للمعرض إلا اشتريت منه وقول لهم على الموقف اللى حصل دة وأظهر غضبك وقول لهم حاجة من الأثنين
1- ترجعوا لى فرق السعر بين الخليجى والسعر الذى دفعته
2- يأخدوا عربيتهم وهما ساكتين وإلا هتروح على جهاز حماية المستهلك.....

أعتقد هيختاروا الإختيار الأول....

[Elsebily]

المشاركة الأصلية كتبت بواسطة Hisham.Elgazzar بالنسبة للموديل احنا المفروض لسه فى 2012 يبقى ازاى 2013 تنزل

عادي فيه سيارات كتير بتترخص 2013 زي الصني الجديده وكل الشركات اللي نزلت موديل 2013 بس الفكره انه اصلا لازم يتاكد من المرور اذا كان هيرخصوها 2013 ولا لا