|
#1
16-08-2014, 05:29 AM
|
||||
|
||||
توكيل غبور هل دا غش تجارى ولا نصب؟
اخبرت حضراتكم فى موضوعى السابق عن انى سأحدثكم عن تجربتى مع توكيل غبور وهل دا نصب ولا غش تجارى ولا ايه بالظبط لتعم الفائده على الجميع
اولا بعد شرائى للسياره بحوالى شهر ووصولى ل 1000 كيلو حجزت ميعاد بالتوكيل (غبور العبور طريق مصر اسماعيليه الصحراوى) ناس محترمين جداا وسألونى هتغير زيت ايه قلتهم 10000 ودى صور الزيت اللى اتغير فى المره الاولى من الامام  من الخلف  طبعا لو حد خد باله دا زيت خليقى درجه الــ API بتاعته SN يعنى زيت كويس جداا واتحاسبت عليه ب 300 جنيه وفلتر ب 30 جنيه وكشف كمبيوتر وشويه حبشتكانات واخدوا منى 380 المهم ومشيت والعربيه تمام التمام وصوتها ناعم بس مشكله الفرامل ذى ماهيا اللى قولت لحضراتكم عليها فى الموضوع السابق بس طبعا لانها مش بتظهر الا على الفرامل المفاجأه فمش بانت الا بعدها بكام يوم وربنا ستر الحمد لله فقولت خليها للصيانه اللى بعدها المهم من حوالى اسبوعين جيت احجز صيانه الــ10000 ملقتش ميعاد قريب غير فى قليوب حجزت ورحت طبعا فرق جامد جداا تحس انك داخل ورشه ميكانيكه على قدها استقبال مش ولا بد مكان الانتظار غير مكيف او التكيف مش شغال الله اعلم المهم قالولى بتشتكى من ايه قولتلهم على موضوع الفرامل تانى وانى قولتلهم فى الصيانه الاولى ومش اتعملت وقالولى هتغير زيت ايه قولتلهم انا عايز اغير زيت شيل الــ 10000 قالولى يافندم احنا مش بنتعامل الا فيه فى جميع التوكيلات تمام ماشى.. دا الزيت بتاع المره التانيه ياجماعه من الامام  من الخلف  حد خد باله من حاجه ؟ الزيت نفس العبوه ولكن الدرجه مش هيا هيا علما بأن شركه شيل المحترمه ملهاش الا زيت 10000 واحد نفس اللون الرصاصى والمفروض انه SN برده اتضح انه زيت بدرجه مختلفه وهى SL يعنى درجتين اققل وطبعا فرق كبير مابينهم ومخدش بالى غير لما رحت البيت ان الزيت دا غير اللى انا غيرته المره الاولى وطبعا صوت الماتور عالى غير الاول والعربيه بتطلب الغيار بسرعه ومش مرتاحه ذى الاول وطبعا الفرامل انيل من الاول واحيانا بسمع طقطقه تحت رجلى بالظبط لما ادوس فرامل ونفس المشكله... افيدونى اتصرف ازاى وهل دا عادى ولا نصب ولا غش تجارى ولا ايه بالظبط مع العلم انهم اخدو منى 300 جنيه نفس الثمن فى المره الاولى وفلتر 30 جنيه برده واخدوا مصنعيه 300 جنيه يعنى دفعتلى بتاع 800 جنيه تقريبا فى صيانه الـ 10000 ايه العمل افيدونى ؟؟؟ اسف انى طولت بس حبيت الفايده تعم على الجميع 
|
|
#3
17-08-2014, 10:22 PM
|
||||
|
||||
رد: توكيل غبور هل دا غش تجارى ولا نصب؟
طبعا بعد المشاكل اللي سيادتك ذكرتها فتطلع علي التوكيل فورا بس روح اللي ذهبت له في الاول .,. و متسكتش عن موضوع الفرامل لانهم غالبا بيسمع كلامك و مش بيعمل حاجه فيها
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#4
21-08-2014, 12:12 PM
|
||||
|
||||
|
رد: توكيل غبور هل دا غش تجارى ولا نصب؟
API SN و SL كويسيين ........... من اول API SA لغاية API SH بقم اوبسيليت اوعى حد يستعملهم فى عربيات جديدة
طيب هى المواصفة ايه من الكتالوج ؟
__________________
سبحانك لا علم لنا الا ما علمتنا
|
 |
|
|
