موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[ezzat2002mo]

المشاركة الأصلية كتبت بواسطة منتصر حلمي شكرا للعضو الفاضل sayed2007 : التابلوة في ثلاث لمبات تحت بعض واحده منورة على طول وهى اللى في النص واللي من فوق بتنور مع الاشاراة والانتظار فاضل اللي من تحت مش بتنور وغالبا هي اللمبة بايظة بس عايز اعرف من حضرتك هي بتاعة ايه اصلا مع خالص الشكر

السلام عليكم
بالنسبه لللمض اللى منورة على طول ده ممكن يكون سلك معلق وتروح لاى كهربائى بيفهم وب10 جم ويصلحها ان شاء الله

اما بالنسبه للمبه اللى تحت هيه عندى لونها ازرق وبتنور مع النور العالى

[Ala'a Eldin]

المشاركة الأصلية كتبت بواسطة sayed2077 للاسف يا اخى نوع الديسك والاسطوانه اللى جيبته غير جيد وهو فى الاغلب ليس ايطالى الصنع و لكن فى الاغلب ستضيع هذه الرعشة بعد فترة وحتى لو مراحتش الرجه ديه فكفاية ان العربيه سحبها رجع احسن من الاول و بعد ما ربنا يريد ويبوظوا ابقى اسال قبل ما تجيب عن النوع الاصلى لانه بيبقى اغلى من كده على ما اعتقد وبالنسبة على التعامل مع السياره من نحية التعامل مع الدبرياج والبنزين فانا عاوزك تعتبر الدبرياج ده زى الصديق الغلس اللى متحتجلووووش اوى غير فى وقت الزنقه واول ما تفك زنقتك تخلع منه خالص حتى فى الفرامل ممكن تهدى العربية بدون ما تدوس دبرياج وبيبقى كالاتى انك بتسيب بنزين وبتدوس شعره فرامل و هتلاقىى العربيه هديت مع العلم انك ما تهديش العربيه لاقل من سرعة الغيار اللى انت عليه يعنى مثلا مش تبقى على الرابع وتروح مهدى لسرعة 20 هتلاقى العربيه وقفت منك لا بتهديها لغاية حدود الغيار اللى انت عليه وارجوا منك تدعيلى ان ربنا يوفقنى فى دراستى ويغفر ليا و لوالداى و للمسلمين والمسلمات الاحياء منهم والاموات وكل عام وانت طيب

شكرا على الرد الكريم وعلى نصائحك الغالية
اللهم وفقك فى دراستك ووهبك العلم النافع ووفقك إلى مرضاته وطاعته
اللهم أغفر للمسلمين والمسلمات وارحم المسلمين والمسلمات

بالنسبة للنوع الجيد (الإسطوانة والديسك) عندك فكرة عن الماركة الأفضل من قطع الغيار بالنسبة لآلات الجر فى الفيات اللى الواحد دايما يلتزم بشرئها
أنا لما أشتريت طلبت من التاجر أفضل نوع موجود عنده وهو راجل أمين جدا وعربيته برضوه 128
وهى عموما الرعشة بدأت تقل أنهاردة شوية عن الأمس لكنها مازالت موجودة
لكن أنا فهمت من كلامك أن لو النوع كويس الرعشة مش هتظهر أساسا من البداية

[ezzat2002mo]

المشاركة الأصلية كتبت بواسطة Ala'a Eldin السلام عليكم ورحمة الله وبركاته أعزائى أعضاء المنتدى بالأمس ذهبت للميكانيكى لتغيير أسطوانة وديسك وبلية الدبرياج وكوبلن وزيت وفلتر للسيارة (فيات 128 مو 87) واشتريت ديسك وأسطوانة مكتوب عليهم Made in Italy (والله أعلم بالحقيقة) الديسك كان بــ 120 جنية والأسطوانة بــ 80 جنية المهم وأنا بستلم منه السيارة الميكانيكى قالى هيبقى فيها رجة شديدة لغاية ما الأسطوانة والديسك يطبعوا على بعض (فترة كدة يعنى) المهم السيارة بالفعل فيها رجة (رعشة) شديدة جدا أثناء بدء التحرك وعند إعطاء غيار لكن الرجة تختفى بمجرد أن أضغط بنزين وتأخذ السيارة سرعتها لكنها تظهر عند إعطاء غيار جديد لكن السيارة أصبحت أقوى والسحب أفضل بكثير والتجميع أسرع وأفضل بكثير من ذى قبل (يعنى حسيت أن السيارة بقت زى الأسد أو الحصان) لكن كل ما يسبب لى القلق هذة الرجة الشديدة >>> فهل أخطأ الميكانيكى فى تركيب أحد هذة الأشياء (يعنى هل هناك جزء تم تركيبة بشكل غير مضبوط) هل يجب أن أذهب لميكانيكى آخر ليراجع السيارة؟ أم أنه بالفعل تكون هذة الرجة بعد تركيب الديسك والأسطوانة ثم تختفى؟ وكم ستستمر الفترة التى ستظهر فيها الرجة؟ وكيف أتعامل مع السيارة (أثناء الضغط على الدبرياج والبنزين) فى الفترة التى تعقب تغيير الديسك والأسطوانة؟ أسف للإطالة <!-- / message --><!-- مواضيع العضو بوست بت -->

السلام عليكم
على فكرة انا غيرت الدبرياج كله اكتر من 3 مرات وعمر المشكله دى ما حصلت عندى
انا رايى يا اما نوع قطع اغيار اللى انت جبتها مش ويسه وانا استبعد هذا
يااما الميكانيكى ما ركبش الجاجات كويس بمعنى انك لما بتسيب الدبرياج الاسطوانه بتقرب من الـ flaying wheel ودى بيسبب الرجه دى وطبعا بيروح لما بدتدوس على الدبرايج لانك بتهدىال flaying wheel عند الضغط وبتروح لما بتدوس بنزين جامد لان الflaying wheel بتكون سرعتها جامده جدا فيجعلها تقاوم اى موانع تؤدى للرجرجه .
وغالبا ده اللى حصل انه مخلى الخلوص بين الاسطوانه والعجله الدوارة دى صغير جدا لدرجه انه بيحك فيها وبيبطا حركتها وبيعوقها وده بيخليها تترج معاك .
هذا والله اعلم وياريت اكون افدتك

[sayed2077]

المشاركة الأصلية كتبت بواسطة Ala'a Eldin شكرا على الرد الكريم وعلى نصائحك الغالية اللهم وفقك فى دراستك ووهبك العلم النافع ووفقك إلى مرضاته وطاعته اللهم أغفر للمسلمين والمسلمات وارحم المسلمين والمسلمات بالنسبة للنوع الجيد (الإسطوانة والديسك) عندك فكرة عن الماركة الأفضل من قطع الغيار بالنسبة لآلات الجر فى الفيات اللى الواحد دايما يلتزم بشرئها أنا لما أشتريت طلبت من التاجر أفضل نوع موجود عنده وهو راجل أمين جدا وعربيته برضوه 128 وهى عموما الرعشة بدأت تقل أنهاردة شوية عن الأمس لكنها مازالت موجودة لكن أنا فهمت من كلامك أن لو النوع كويس الرعشة مش هتظهر أساسا من البداية

جزاك الله خيرا على دعوتك الجميلة ديه

وفعلا لو كان نوع نضيف كان مش هيحصل منه مشاكل وممكن يكون الراجل اللى قالك ان ده انضف نوع ان ده انضف نوع عنده فى المحل

والحمد لله ان الرعشة قلت ومدام كده يبقى فى الاغلب ان شاء الله هتختفى بعد فترة وارجوا انك تكتب بعد فتره ايه اللى حصل وهل اختفت ولا لا

وكل عام وانتم الف خير

[sayed2077]

الف شكر لك اخى ezzat2002mo على دعمك للموضوع
وجزاك الله خير

وانا بقى كان عندى مشكلة النهارده وعرفت حلها وهكتبها علشان لو حد حصلتلوا يبقى عارف المشكلة

المشكلة انى من فتره كنت كل ما بمشى بالعربية واخد مطب ولو بسيط اسمع صوت طقه من من الامام من منطقة العجلة اليمين جيت النهارده قلت اروح بقى للميكانيكى اشوف فيه ايه
فوديتهالوا راح فاتح الكبوت وراح ضاغط بأديه الاتنين على الرفر الامامى يمين من فوق ولقيت اللى بيطلع صوت الطقة هو الرفر اليمين وطلع ان المساعد اليمين فى العربية بدء يحجر فبيحمل على شاسية العربية وده لو سيبته هيشرخ فى الشاسية قلتله التكلفه كام قالى المساعد ب حوالى 150 جنيه بس والله معنديش ولا واحد والتوفيقية كلها قافله دلوقت قلتله طب ايه العمل قالى امشى بيها عادى لغاية بعد العيد بس تاخد بالك اوى وانت ماشى ومتخدش مطبات بسرعه ولا شوارع مكسره بسرعه رحت قلتله طيب نضفلى بقى الكربورتير واظبت الاسبراتير مع انهم مظبوطين بس لازم وانا بدور العربية فى اول تدويره ادوس على البنزين فقالى ماشى وتعالى بعد الفطار خدها فا انا هشوف هياخد كام وبعد كده اغير زيت العربية اوحش زيت شوفته فيكى يا مصر زيت التعاون واحط بداله كالتكس علشان العربية تبقى ناعمه شوية بدل صوت الكراكه اللى كل شويه واحد يركب العربيه يقولى صوتها عالى صوتها عالى هههههههههههه لغاية مزهقت بصراحه
وكل سنه وانتم طيبين بمناسبة العيد
اخوكم فى الله سيد
: balloons71::b alloons71::ba lloons71: