مصر موتورز والإحساس الأسري-شكراً

[بدر بسيونى]

اسرتى الثانية هى المنتدى بكل اعضائه المحترمين المتميزين برغم اتفاق البعض واختلاف البعض بس المجمل اسرة واحدة وبنحاول نساعد بعض بقدر استطاعتنا وربنا يديم المعروف و الخير بينا دايما وشكرا يادكتور خالد

[hazem_khidr]

شكرا يا دكتور علي الموضوع
فعلا الترابط بين الاعضاء قوي جدا نظرا لان الكل طيبين و قلبهم صافي و مافيش حقد ولا غل و لا مصالح

[نبيل عبدالرحمن]

شكراً يا دكتور خالد على الموضوع ، الحقيقة أنك قد لمست بموضوعك ما يجيش فى صدورنا جميعاً من حب للمنتدى وأعضاءه هذا المنتدى من النادر أن تجد له مثيل ، ذلك أن كل رواده من الرجال المحترمين والذين تجمعهم جميعاً مصلحة واحدة هى فى تبادل الخبرات فيما بينهم والتى لا يبخل واحد منهم على أخيه بأى معلومة ، فقط جرب أن تطرح سؤالاً فنياً وستجد مئات الأجوبة من المتخصصين تنهال عليك بكل الحب الإحترام ، أدعو الله أن يديم علينا هذا المنتدى الرائع

[TELEBK]

الحقيقة ياجماعة الواحد بيحس براحة لما بشوف تعليقاتكم الجميلة علي الموضوعات المختلفة وخصوصا إن المنتدي مش مجرد أسئلة وأجوبه عن العربيات لكن بالعكس أنا بأعتبره زي بيت كبير وعالم مليان بالخبرات ، والكل عايز يظهر فيه بأحسن مظهر ، وهوه إنه مايبخلش علي حد بأي معلومة حتي ولو كانت صغيره ، أو حتي تعليق جميل وظريف ، والأجمل إن أنا بجد بحس إن فيه نوع من الرقي في التعبير عن الآراء المختلفة ، سواء في الصياغة العربية أو إسلوب السرد الشيق والجميل وإللي بيبعد عن الملل والتكرار ، وده بيأكد إن رواد المنتدي علي أختلاف ثقافاتهم بيحاولوا يوصلوا رسالة جميلة وهيه :
" مفيش كلمة أنا ، فيه كلمة إحنا " .
د / خالد

[نبيل عبدالرحمن]

الله عليك يا دكتور خالد ، تعبير رائع من شخص أكثر من رائع