مقارنة بين تريوس II و تيجو

[الصباغ]

بصراحه انتو حيرتونا يعنى الى عايز يشترى سياره مضمونه من حيث الامان وكفاءه الداء يشترى تيجو ولا تريوس

[seko700]

طب يا جماعة انا معايا مبلغ 50000 جنيه وظروف عملى تقتضى سفرى من قريه فى المنوفيه الى القاهره ثلاث مرات فى الاسبوع وبعدين بصراحى منزلى فى منطقه غير مرصوفة وكلها مطبات وحفر
وبصراحة عاوز عربيه عاليه عن المطبات وفى نفس الوقت قطع غيارها فى متناول دخلى الشهرى البالغ 2500 جنيه
فعاوز راى الخبراء فى هل اشترى تيريوس 2000 ولا لادا نيفا 2010
ايهما افضل وايهما استطيع التعامل معه من حيث الصيانه وقطع الغيار
مع العلم ان معايا فرنا 2004 مطهاقنى فى عيشتى بسبب المطبات ومشاكل العفشة التى لا تنتهى
ومع العلم ايضا انى طويل 185 سم وما بحبش الجرى اكثر من 85 كيلو فى الساعة
ارجوكم دلونى على الصح اعمل ايه
تيريوس 2000 مستعملة حوالى عشر سنين
او لادا نيفا موديل 2010 حديثة

[vampireoo]

التيريوس عربيه مش بطاله و كل اللي معاهم بيحبوها جدا
التيجو محتاجه تقدم شويه في السوق عشان نقيم وضعها ايه بعد كام سنه من الاستعمال

[memo_k]

المشاركة الأصلية كتبت بواسطة حازم شاهين العربية إبتدى إنتاجها من عام 1997 و مستمرة حتى الأن يبقى فشلت إزاى ؟؟؟ و لا دايهاتسو و تيوتا غاويين خسارة ؟؟؟؟ !!!!! حضرتك تقصد إللى عايز سيارة SUV حقيقية لازم يبقى قدها و يقدر على سعرها.... لكن ده ما يمنعش ان إللى ميقدرش على تمنها أو تكاليفها و نفسه فى الشكل ده و لوحتى للمنظرة مش أكثر يبقى التيريوس أو التيجو إختيار معقول . و مش كل الناس بتبقى عايزة العربيات الـ SUV علشان رحلات السفارى أو مغامرات الصحراء الغربية.

اتفق معاك فيها ايه لما واحد نفسة يركب عربية على اد امكانياتة وتكون عالية لية نمرر علية احلامة ... برده مفيش فايده من المنظره الكدابه بتاعة بعض الناس اللى مش حاسة بالغلابة احنا عايزين ثورة فى النفس البشرية المغرورة قبل من نعمل النظام الجديد حرام والله .. طالما الواحد مبسوط بالعربية وحققت شئ من احلامة خلاص وربنا بيبارك له فيها وبيسعده اما التعالى والفشخرة اللى ملهاش لازمة.. فده مهما يركب بيطمع فى الاحسن ودائما يحس بعدم الرضا سبحان الله