كذبه ضروره تغيير الزيت

[مهند سالم]

أنا طبعا سعيد جدا بالموضوع ده وبالآراء الجميلة إلا فيه. بس عندي سؤال:
مسألة لزوجة الزيت دي مش مؤثرة، يعني أنا صحيح ما بأهتمش قوي بمسألة إني لازم بعد فترة معينة أغير الزيت، لكن لازم بأغيره لما أحس إنه ما بقاش فيه لزوجة ، يعني لما أحس إنه بق قريب من الماء بدون لزوجة، فهل الكلام ده صحيح، ولا أزود زيت جديد وخلاص؟؟؟؟؟

[sheekoo]

انا على فكرة بغير الزيت كل 10,000 كيلو والكلام دة ماشى عالية بقالى 8 سنين من يم ما جبت الكليو بس طبعا بشتر زيت ال10,000 كيلو وعمرى ما غيرتة قبل ال10,000 واحيانابكون مش فاضى فبسيبو كمان لحد 11 او 12 الف كيلو ومعنديش اى مشكلة والحمد لله

[sheekoo]

انا عندى سؤال يا جماعة انا عمرى ما بزرد زيت لان المقاس بيكون مضبوط على طول مع العلم انا عامل 126000 الا الان بالرينو الكليو اية الموضوع بالظبط

[احمد على 1999]

المشاركة الأصلية كتبت بواسطة مهند سالم أنا طبعا سعيد جدا بالموضوع ده وبالآراء الجميلة إلا فيه. بس عندي سؤال: مسألة لزوجة الزيت دي مش مؤثرة، يعني أنا صحيح ما بأهتمش قوي بمسألة إني لازم بعد فترة معينة أغير الزيت، لكن لازم بأغيره لما أحس إنه ما بقاش فيه لزوجة ، يعني لما أحس إنه بق قريب من الماء بدون لزوجة، فهل الكلام ده صحيح، ولا أزود زيت جديد وخلاص؟؟؟؟؟

انا عندى العكس لما الزيت بيقدم بحس انه ملزق و برضه بزود و مبغيرش على طول
فحضرتك بتحط زيت ايه ؟ و تقريبا بعد مسافة اد ايه بتحس بموضوع انه بقى زى الميه؟

المشاركة الأصلية كتبت بواسطة sheekoo انا عندى سؤال يا جماعة انا عمرى ما بزرد زيت لان المقاس بيكون مضبوط على طول مع العلم انا عامل 126000 الا الان بالرينو الكليو اية الموضوع بالظبط

الموضوع ان الحمد لله الماتور عندك عشرة على عشرة و اكيد انت مبتقرصش عليه

[Ahmed Anwer]

يا جماعة أنا كان خلاص عندي شبه قناعة بموضوع إن ضرورة تغيير الزيت أكذوبة

و فعلا بقيت أقعد علي زيت الخمستلاف ،،، عشرتلاف كيلو

بس المهندس اللي بتابع معاه صيانة العربية ( مش التوكيل و مبشتريش زيت من عنده ) و بثق في رأيه الفني جدا

قالي لا طبعا الكلام ده مش مضبوط و الزيت حتي لو مبينقصشي بيكلكع أو حاجة زي كده

فلازم تغيره في ميعاده

و متصدقشي الكلام ده

و الله أعلم