تثبيت بالسلاح فى شبرا كلاكيت 100مره

[amr_00]

المشاركة الأصلية كتبت بواسطة ziadahmed19 ده فيلم هندى واللى بيصور كان واقف فين وكان عارف اللى حيصل ولامتفق معاهم عشان يصورهم واللى سائق العربة بيهدى من اول الفيلم والشارع فاضى عشان يسرقوه مصر بخير يااخى واضح ان ده تاليف عشان الناس تخاف

فيلم هندى . ربنا ما يوقعك فى حاجه زى دى والناس هتجيب رشاشات وتعمل فيلم على اساس ان احنا عايشين فى مدينه الانتاج الاعلامى .. وعلى فكره يا فندم فى اكتر من 100 فيديو بجد ومش فلم زى ما حضرتك بتتريق وبتقول دى ناس بتصور . خش على اليوتيوب وانت تشوف وتتفرج وتقول عليها افلام دى كاميرا متعلقه فى مبنى .
وعلى فكره مصر مش بخير ولا حاجه حضرتك يا عايش فى التجمع الخامس يا بتكلمنا من دبى . يا فندم انا شخصيا اضرب عليا نار على طريق فى الشرقيه . وفى ناس اعرفها اتسرق منهم عربيتهم بنفس الطريقه . واحد صحبى اتقتل على طريق بلبيس . ارجوك متقولش افلام تاليف عشان الناس تخاف .عشان دى حقيقه حضرتك مش عاوز تشوفها حاجه ترجعلك .

http://www.youtube.com/watch?v=RmeTQU5U1SY

اتفرج يا باشا على الفلام واشرب بيبسى

[طارق عبد السلام]

المشاركة الأصلية كتبت بواسطة ziadahmed19 ده فيلم هندى واللى بيصور كان واقف فين وكان عارف اللى حيصل ولامتفق معاهم عشان يصورهم واللى سائق العربة بيهدى من اول الفيلم والشارع فاضى عشان يسرقوه مصر بخير يااخى واضح ان ده تاليف عشان الناس تخاف

والله اتمنى تبقى مصر بخير وربنا ينجينا من البلطجيه دى

على فكره لا فيلم هندى ولا يحزنون انا واحد من الناس اتعرضت مرتين للتثبيت وربنا نجانى الحمد لله لدرجه انى لو شفت موتوسيكل اوفسبا او عربيه مفيمه بنسى الطريق وبركز معاهم جدا وبحاول اكون ح>ر لابعد الحدود يعنى مشاويرك كلها عكننه لان الطريق مابيخلاش من الموتوسيكلات ولا العربيات المفيمه وده احساس نتيجه من اللى حصل معايا
ربنا يبعد عنك الاشكال دى لكن انسى بالطريقه اللى احنا عايشينها وبالتعامل الامنى الضعيف لابعد الحدود وبالايادى المرتعشه اللى ماسكه البلد ان مصر هتبقى بخير انسى احنا بنتكلم فى واقع مش فى ميول سياسيه

[tefa_memo]

ربنا يحمينا ويحمي جميع الناس من كل شر واذي اللهم انا نسألك الامن والامان في بيوتنا واموالنا واعراضنا وطرقاتنا وعملنا وفي كل مكان وزمان يا رب العالمين

[Marlborooo]

ربنا يسترها علي الناس بصراحة فيديوهات نوجع القلب

[zerocairo]

فعلا فيديو فى منتهى السخافه
و اللى وصفه انه فيلم هندى معاه حق
انا من القاهره و ليل نهار فى الشارع فى طريق المحور و الدائرى وانا من المهندسين وبنزل الهرم و المنيل و المعادى سواء انا أو اصحابى أو أهلى ... و كل حاجه عاديه جدا .. و زهقنا بقى من نغمة الإنفلات الأمنى و الجو الممل ده
احنا مش فى الصومال ,,, و بدون شك ان فى جرائم تتركب لكن مش بالشكل الساذج اللى فى الفيديو ده
انا واثق ان فى جهات عامله حملات الكترونيه لترويع الناس و نشر حاله من الفزع فى المجتمع