محاولة منع السرقة من خلال التثبيت فالشارع

[hanyghanem]

والله انا فكرت في فكرة معرفش صح ولا غلط بس قولو لي رأيكم - انا بفكر اخلي معاياعلبة اسبراي دوكو احمر ولا قدر الله لو حد حاول يسرق العربية وانا سايق ارش الزجاج الامامي من الداخل وده يمنع السارق من قيادة السيارة وحتي لو كسر الزجاج يكون ملفت للنظر - انا في انتظار رأيكم

[محمد محمدى]

يا راجل ياطيب بدل ما تحافظ على العربية تخرب فيها ... طبعا مش حل ... شوف ممكن تحط موبيل رخيص الثمن وفيه شريحة ب 5 جنيه احتياطى يعنى وتشحن البطارية مثلا كل ثلاث ايام او تشترى بطارية اضافية وتغير بطارية المحمول كل يومين مثلا ... احسن من مافيش وبعد كدة ممكن لو السيارة لاقدر الله اتسرقت تعمل محضر فى القسم وهم يعملوا مذكرة تتبع لرقم المحمول اللى انت وضعه فى السيارة ... بس اوعى تنسى اعمل المحمول بدون صوت

[ezzat2002mo]

هية فكرة بس غير عملية لان ممكن يحصل الاتى :
1- الحرامى يتضايق منك يديك طلقه ولا يغزك علشان بوظت لة العربية
2- البوهية فى هذة الحالة بتكون لسة طريه يعنى ممكن بمنديل او قماشة ويمسحة بسهولة ويكمل طريقه وبرضه هيديك طلقة او غزة
3- ممكن يتهيالك ان حد هيثبتك ويطلع مفيش حد ولا حاجة وتكون ساعتها بوظت عربيتك ووقتها انت هتدى نفسك طلقة او غزة هههههههههههه

[heshamcar]

بدل ما تبوظ عربيتك رش السبراي في وش الحرامي و بكدة تبقي سيطرت علية

[نبيل عبدالرحمن]

المشاركة الأصلية كتبت بواسطة heshamcar بدل ما تبوظ عربيتك رش السبراي في وش الحرامي و بكدة تبقي سيطرت علية

أيوه كده هوه ده اللى صح ، ليه تبوظ عربيتك ، وجه فتحة الإسبراى الى وجه الحرامى خصوصاً عيناه ورش دوكو أحمر على وشه وروقه