بلطجية بتثبت الناس بالسلاح في قلب شبرا الخيمة

[طارق عبد السلام]

بلطجية بتثبت الناس بالسلاح في قلب شبرا الخيمة

http://www.youtube.com/watch?v=KNAtNuJQ-fs

[hyundai 2005]

بالسلامه يا مصر
بالسلامه يا رجوله

[محمدقابل]

منه لله كل من يساهم فى اشتعال الازمات تلو الازمات واولهم البرادعى وصباحى

[tamer.koko]

المشاركة الأصلية كتبت بواسطة محمدقابل منه لله كل من يساهم فى اشتعال الازمات تلو الازمات واولهم البرادعى وصباحى

اي كلام وخلاص ماله البرادعي وصباحي بانهيار الامن وايه اللي دخل الازمات بقي في السرقه بالاكراه
بدل ما تقول كده قول للحاكم بتاع اهلي وعشيرتي يهتم بالشعب والامن بدل ما الاهتمام الاول والاخيربالاخوان فقط
اعتقد ان البرادعي وصباحي ولا حكام ولا حتي اعضاء مجلس شعب
مواطنين عاديين ولا يمكن هم اللي مسرحين البلطجيه دول ومديين الشرطه تعليمات بعدم المواجهه والتخاذل
شئ غريب والله

[zing0]

يا جماعة الموضوع مش سياسى ( و إن كانت السياسة جزء فيه)
و لكن أسأل نفسك: هل تشعر بالأمان؟ طبعاً لأ, و بنقولها فى قلب بلد الأمن و الأمان.

طيب ليه؟ لأن جهاز الشرطة بقى (مالوش لازمة) أيوه (مالوش لازمه)

من يومين كنت معدى أمام محطة مترو طرة البلد و أمام سور ليمان طرة (سجن المزرعه إللى مشرف فيه العائلة الحاكمة سابقاً و النظام القديم ) _ يعنى المفروض دى أكتر مكان فى مصر يكون متأمن....
سواق توكتوك بلطجى و ضارب برشام راح مثبت عقيد شرطة و حط المطوة على رقبته و بيقوله طلع إللى معاك!!!!!!

بعد البلطجيه زمايله (إللى لسه فايقين شويه ) ما حاولوا يهدوه و يبعدوه عن العقيد. أتصل العقيد طبعاً بقسم المعادى. بعتوا بوكس فيه 3 أمناء شرطة و 4 عساكر.

و المنظر كان معبر جداً للأمن و الأمان: البلطجى واقف على باب البوكس و العساكر و الأمناء هما إللى جوه البوكس, يعنى هوه إللى أخدهم مش هما إللى أخدوه!!!

و بعدها بحوالى نص ساعة رجع وقف إمام المحطة فى إنتظار (زبون آخر)
بأسأل صاحب المحل : سابوه ليه؟ _ قاللى : إطعم الفم تستحى العين, ده (ولى نعمتهم)

شكرأ يا مصر